縱壞難攪
你地都辛苦了。你哥種下既因由你地全部人去承受，佢反而可以咁冷血置身事外，真係嬲。
其實個細路先係最大受害者。佢價值觀都幾錯，情緒又控制唔到，得唔到想要得到既愛，佢好快就出事架啦。。。
你地幫到都盡幫了。每人有自己造化，愛莫能助之前，希望個細路有回頭既一日啦。
仲可能會講…姑姐係衰人嚟，阿爸呵返…
真係對呢兩父子切底心死，無藥可救，個細回唔回頭，算啦，無所謂喇，我相信因果報應。
不過都要多謝我阿哥，佢做咗一個好好嘅示範俾我，我只要將佢嘅育兒方式相反嚟做應該唔會有太大問題。
對佢嚟講全世都係衰人
父母唔教, 外人好難插手… 另一方面, 佢父母對長輩態度點先… 父母同仔女係一面鏡, 父母身教唔好, 就唔好期望D仔女會好…
我覺得小朋友對外及對內係唔同！
掌控到佢對外專師重道，學好內心及本質比較好！
對內屋企人根本唔care係冇得攪！有時根本係爸媽問題唔係小孩問題！
永遠唔知自己d衰人影響人
呢d細路見唔少，最好笑呢d細路嘅父母會話人地d細路冇禮貌
頭先又有故事喇
好嬲好唔開心
頭先件垃圾特登喺我個女沖緊涼嗰陣拍門鬧要刷牙，要我個女沖涼沖快啲，佢要針對我算啦，上網課之前唔刷？玩野玩到連個個半月大嘅BB都要針對！仲鬧我哋阻住佢生活！又對住我個女勁放負，好可恨！
我躁底喇，冇理由俾人踩到上頭頂都唔出名唔反抗唔出聲，不過攪到我媽好唔開心，嗰刻諗，係咪真係我攪散呢個屋企。
好抑鬱，嬲到喊
我好嬲自己點解忍唔到口
攪到自己阿媽都喊……
你係姑姐，佢咁無禮貌，點解唔大聲鬧佢，佢整壞你部電腦，打佢都得喇，點可以比佢咁惡呀，比我一定鬧到佢上天花板，佢老豆都鬧埋添，趕佢死入房，鎖佢門，唔好比佢出黎。
你好蝦咪蝦你囉，你惡過佢就會縮。
不過佢實告狀。
1個讚
佢告啦，向佢老豆告，歡迎報警添呀
佢哋一家大小恰我阿爸阿媽都恰咗12年喇，我媽仲壓力大到有焦慮
成個環境對佢好有利。
爺爺嫲嫲管唔到，父母又唔理。
我黑心，希望佢遇到壞人，之後犯事入兒童院。
我都咁希望
希望佢俾人打又好俾人拉更好
辛苦咗兩個老人家…
但佢哋亦要諗返點解有個咁嘅仔，可以掉低個仔畀兩老。
對唔住，我比較口賤。
你地一家太好人，點解唔掉返比佢老豆湊？12歲啦，基本生活已經識，肚餓自然會搵野食
你地唔夠佢惡就比返個老豆自己受返，橫掂佢咁崇拜佢老豆
我唔介意呀，我都會咁諗
我父母唔係冇教養嘅人，但就有個冇教養嘅仔
有時都會諗關唔關佢職業事，可能係份工令佢變壞，但再睇轉頭，我哥根本由細到大都係咁自私，品性問題