好頭痛… 家中有位小孩（我侄仔），到而家都仲未識尊重長輩，自我中心到一個點，佢父母又完全不聞不問，由個仔郁下發脾氣打鬧爺爺嫲嫲，攪到屋企時時家嘈屋閉，真係好頭痛好唔開心… 
1個讚
自己教不到，佢父母都不理，試下報下制服團體，童軍個d。
冇用啦，之前我有送佢要玩童軍，效果係唔錯，不過之後佢老豆又鍾意就同個仔請假唔返，玩少咗，最後打回原形…
之後個仔玩足球隊，又係返下唔返下，佢老豆又唔理
佢老豆都不理外人好難，一是玩運動/音樂。
3個讚
個阿爸睇住自己仔打自己父母都唔理，
好快他朝君體也相同。
再唔理就等睇下幾時出面闖大禍。
呢個係可遇見嘅未來
我曾經試過用好多唔同嘅方法去幫手教
但真係冇能為力… 我放棄喇
見到自己父母咁唔開心，好心痛
有時我都嬲到想直接掟個細路落街
老實講唔係年紀問題
父母唔教，你都做唔到d咩
3個讚
別人的小孩就是難帶。。。
你一路教佢，佢老豆老母一路縱佢，此消彼長，做幾多嘢都未必有用
教呢D真係要上上下下都齊心先得
老人家好多都縱個孫。
最怕無情力打傷老人家，而佢哋又唔出聲死忍。
或者你講明，入到我屋企就要聽我講，先約法三章。
佢中唔中意返爺爺嫲嫲到？
深表同情。我同你差唔多處境
3歲SEN超臭脾氣，父母唔理佢，呀爺呀嫲縱佢，成家人冇人正視個問題，得我同老公會睇長遠問題，肯出心力教都冇用，因為小朋友識睇對象扭計，好頭痛。
佢同爺爺嫲嫲同住，之前我仲喺度情況都冇咗差
我搬咗之後簡直無眼睇…
如果佢係SEN，我都仲有辦法攪得掂（本身從事特殊教育），但呢個真心衰嘅我都係無辦法喇…
父母都唔理。外人點幫手教。。。
自問我大仔都係咁，童軍，風紀咩都有做。
但可能青春期啦。加上個人性格。真係好難教。
真係要好用心同佢講道理，出錯再傾再講。日日係咁教軟硬兼施。我仔先變好左。
身教好緊要，親身做比佢睇點愛長輩愛父母係好重要，我覺得好work
1個讚
十分認同，身教真係好緊要
但願我家小朋友升中後會諗得通
你係長輩, 老人家你都有份
佢父母唔教, 你見到就一定要教同俾啲面色佢睇
十二歲真係有啲難
我個姪女細個三四歲開始就係咁打嫲嫲打工人
佢爸媽見到都冇點理
結果我打完個細路話埋個父母
而我係屋企最細果個
個細路最驚我亦最聽我話
當然有罰就有賞
我會花時間带佢出街, 带佢去行山, 带佢去食好野, 當佢係朋友咁
佢鐘意英文教佢英文
買衫, 買鞋, 買畫具俾佢
可以教, 亦一定要教
但首先你要spend time with him
直至佢當你係朋友
咁先可以開始教同俾面色
剛柔並重好重要
3個讚
噢, 你搬左唔同住就真係無辦法
好慘 
唔好搞到整親呀
佢哋係林善型祖父母？
老豆老母都愛理不理，你又何必操心
1個讚
個細路都仲有啲驚我，但始終唔係一齊住，每次返去都係歴史重演，個個星期都有新野… 就今日先聽到佢發癲用粗口鬧嫲嫲，就因為嫲嫲幫佢執房… 連我老公都忍唔住車咗佢一巴
我係心痛我阿爸阿媽