我一唔喺屋企佢就蝦爺爺奶奶
真係好得人驚…
特別係已經咁大個, 咩型都定左
佢用粗口鬧長輩係唔啱。
但老人家最好唔好幫佢執房。
佢d嘢唔好放出廰，變垃圾崗都唔好理。
有時太過照顧，覺得應份咗。
嫲嫲就係太心軟，我同嫲嫲傾過無數次都係改變唔好，老人家真係好難改變習慣㗎…
唔係老人家錯，係太照顧人哋個仔，心軟更委屈自己。
諗返我哋青春期時都係咁，唔想畀人管。
嫲嫲想執就執個廳。
一個年輕人打老人家力度可大可小。
其實老人家嘅角色好難㗎，尤其連父母都唔點理嘅話
做爺爺嫲嫲話佢咪盞變仇人，而且亦都冇用
爺爺嫲嫲係個細路嘅主要照顧者，嫲嫲個人比較緊張怕事，成日驚照顧得個細路唔好，我勸過傾過叫嫲嫲放開啲，情況好啲嘅時候又總係會發生小故事。
所以真係覺得好無力同無助…
個細路唯一有進步嘅係打人打少咗同發癲發少咗…
但對人嘅態度同唔尊重係變本加厲…
佢父母真心識生唔識養，還者從來冇諗過要養，已經10年喇，狀況冇大改變，我就睇住個細路越大越差，其實個細路最想係得到父母愛錫，但佢父母偏偏愛理不理… 爺爺嫲嫲（尤其是嫲嫲）可憐佢心痛佢所以好關愛，但個細路就越大越奉旨咁…
而家呢個年紀，講真真係回頭太難喇
我諗就算父母肯出手，都未必有機會搞得掂
我估你唯一可以做係做一個親切友善，但又有guts 嘅成年人（我明，咁樣係唔太憤氣嘅），等佢有事諗唔通會搵你求救啦
佢咁樣我驚佢出面惹麻煩，以為自己好勁搞得掂唔講俾你哋知，到搞唔掂先講就可能大家都多得佢唔少
已經出過事啦，喺公園仔同其他細路打交，攪到保安報警拉晒去差館見警司，佢阿爸就話幾句就算… 仲未受到血的訓練，不知悔改。
鬧爆佢老豆老母啦！佢地自己唔教邊個教到？要野蠻要癲唔該去自己地方癲，再發現打老人家就唔好同佢地客氣，話報警嚇下佢囉。
1個讚
佢打人嘅情況其實改善咗，我教佢真係好嬲好唔開心要發洩就打枕頭/床褥、或者落行跑步/踩單車，佢仲肯聽我同老公說教/訓話成個鐘已經好好，但個個星期都有事故無限loop真係好攰…
置於佢父母，真係算把啦…
唔好諗住教，12歲應該知點做，但要怎樣做是另一回事。不要打人，誰不知道？但情緒發洩往往落在我們身邊最親近的家人上。
小朋友無父母關愛，造成心理上的缺失，可以的話盡量給予陪伴、關心，避免讓他常落入在憤怒的狀態。
到大家關係理想時再動之以晴，同佢一齊睇d講生死的電影，從而讓他明白祖父母已老，如果自己打他們罵他們，最後造成自己的內疚。
2個讚
如果佢真係仲肯聽，試下同佢真情對話，攪個學好獎勵計劃，一定要由祖父母真實評測，一步步鼓勵佢改正。唔一定係用物質嘅，可能係做得好就帶佢去某D地方玩，做某D活動咁
會唔會其實佢只係想父母注意同關心所以做埋啲衰嘢make noise?
唔好俾佢再住響度俾就佢父母自己湊，生左唔使湊咪好著數？
你個角色真係冇得教。父母唔教，祖父母唔識教，邊會聽你講。自己父母唔理自己，其實個小朋友都缺乏愛，佢都好慘，要教應該係教左佢父母先
個細路嘅背景有啲複習，佢每次做衰野的確係因為想見自己老豆，不佢老豆就係毫不在乎咁，個人出現咗唔係打機就係瞓覺，一係鬧個仔冇無功課… 未見過個老豆會好好同陪仔玩下傾下偈，就算玩都因為我同老公阿個細路玩緊開聲邀請佢先肯玩下…
佢小四小五時個人混亂到生活規律亂七八糟，試過好多次因為想見老豆而唔返學，爺爺、老師、學校社工用咗好多方法時間心機先拉翻佢入正軌。但佢嚟緊升中一，未必可以遇到咁好嘅老師同社工幫手喇。
個細路其實一直知道自己發生緊咩事，無奈佢唔太識控制自己啲情緒反應，好容易就跳掣亂發脾氣，可惜嫲嫲又唔太識處理呢啲問題，我同老公喺度都還好，我哋唔喺度時就兩嫲孫齊齊跳掣，兩三日就loop一次，成日都係咁，大家都心很累喇
其實12歲心智未算成熟 ，等多一兩年佢睇嘢多咗，識諗咗就會好好多， 所以真係唔使咁擔心
1個讚
咁佢都ok喎，咁呢個唔係教嘅問題來lu
咁就幫佢搵下有咩興趣啦，人生要有點寄託，先有目標，先唔會胡思亂想，先唔會淨係寄託喺唔理佢嗰個老豆身上
之前童軍嗰d都係人哋幫佢安排，唔係佢自己，要係佢自己話要嘅
你繼續做返親切友善但有guts嘅成年人，如果嫲嫲有嘢唔啱，要扮吓幫佢出頭。但佢有唔啱，都要幫嫲嫲出頭呀。
同埋佢有嘢做得好，真係要逼佢老豆蒲頭作為獎勵，唔駛佢為咗見老豆舖舖走去做衰嘢俾人鬧咁委屈。
聽得出其實你好錫佢哋幾個，加油呀～
3個讚
我明白，我老公果邊親戚都有個麻煩細路，仲要得5歲，好古惑，見到我地呢D唔常見既大人就扮乖扮有禮貌，但始終係細路，本性收唔埋，佢同其他表兄弟姐妹玩就真性情出晒黎，霸道，要人讓，容易發脾氣，要全世界就佢，有時仲會打人。佢父母又係唔理。我試過話佢佢就睥住我，我好大聲叫佢「你問下你爸爸咁做岩唔岩先？係咪打人都係岩？」，搞到佢阿爸好尷尬迫住要介入鬧仔。
最近聽講佢鬧同住既老人家去死，咁細個講D咁既嘢，一定係潛移默化，我都唔想諗佢父母平時點教佢。