我哋一般都唔會鬧，可以嘅都盡量發掘佢嘅優點去讚下，有時見佢做得唔好都會花時間說教，但近來佢啲行為同態度越嚟越過份，真係忍唔住要爆佢。
佢平時冇禮貌唔尊重人都算，而家郁少少就講粗口鬧嫲嫲，小小野就發晒脾氣，唔順意就對妹妹郁手郁腳，要全世界圍住佢轉，攪到理佢又唔係唔理佢又唔係。
我同老公自問算好耐性，但而家真係攰喇，比對住平時嘅學生更攰…… 我哋曾經都會希望或者常試相信我哥會負責起育佢呢位兒嘅責任，可惜係“never”。
呢位小朋友其實好幸福，幸福到佢認為所有野都係必然。我有時會極端啲去諗，我寧願佢切底變壞，嘗試喺出面俾人教訓或者狠狠地承受自己做錯嘅惡果。