心儀工作final in, 緊張到前一晚訓唔著，去到見工時臨場表現又差，直程想大巴大巴車埋自己度。
見完工成個腦好似通返，諗到好多面試諗唔到既point, 好辛苦先黎到final in, 竟然會係咁，我好對唔住自己既努力。 
份工短期內無得再考，唔好叫我下次努力啦
誠意我係有，但唔覺人地會因為誠意而請個佢覺得諗野唔夠全面既人。
唉。呻完。多謝收睇
1個讚
未必嘅，有時覺得好ok，都未必請
2個讚
普普通通，又可能請
2個讚
相信你瞓唔著真係好著緊份工。。咁真係好唔抵。明明自己識但果刻諗唔到。咁樣會好想怪自己。。
不過你果刻係真係用佐你自己既全力做。只是環境令你失手。
1個讚
加油，呢條路封左，因為上天巳經安排另一條更好既路比你行
4個讚
不要太擔心，放鬆d, 加油
1個讚
過左去就唔好諗！
1個讚
平常心… 表現只係其中一個因素，仲有外在環境和其他因素…
1個讚
當係經驗一次，唔見都見完，向前望，加油！
1個讚
首先，send個email多謝人哋畀機會你面試，成件事句號。
好好調整心理，下次有面試時應該點做。
3個讚
多謝pompompurin 同咁多位jm. 臨場表現都係抗壓表現既一種，我要繼續努力學習。
1個讚
加油
1個讚
我都同意，有時覺得自己in得好好，又未必請。但覺得自己in得冇咁好，又有offer架喎。希望在人間。
不過，既然你知自己面試時既弱點，就真係要唸方法改善。我都曾經係面試後同你一樣咁自責，覺得自己臨場表現唔好。自己賽後檢討，歸根究底得出結論就係我自己「準備不足」，有好多題目，如果自己早d做準備，可以答得好好多。
後悔都冇用，係自己做得未夠。所以，下次再有面試機會時，我就做足準備功夫，結果就一擊即中了。
記住，機會係永遠留比有準備既人，無論今次點，下次一定要好好準備面試，「塞翁失馬焉知非福」呢，加油
3個讚
希望在明天，可能仲有機會呢，唔洗灰心啊!
1個讚
臨場經驗不足，所以反應唔夠快，及太重視得失，造成心理壓力。
呢次當係自己嘅測試，明白自己嘅問題所在。
或者通過多d見工面試，習慣將自己嘅經驗present 出來，亦可當練習如何宣洩臨場心理壓力。
1個讚
見工嘅嘢天時地利人和, 話唔定塞翁失馬呢?!
1個讚
寫返封email比面試果個人，解釋返你好緊張，因為真係好鐘意份工，所以太在意先失手。要講返點解鐘意、你有自信點貢獻到，多謝佢比機會你，你會耐心等候消息。
我覺得依家d後生仔好多時口講鐘意份工好想做，但又講唔到我公司特點，同有乜咁特別令佢特別想做。如果有人可以講到，我會好buy既。
都未有結果，唔安慰你住。
1個讚
jm 你講得好岩，只係有時諗起尋日咁既表現好醜怪，我會好好汲取今次教訓 
多謝各位jm, 睇到你地既留言，釋懷左好多。大家素未謀面都打咁多字安慰我，多謝呀。今晚我要好好食一餐舒下壓 
1個讚
獎勵下自己, 就算IN得唔好, 都要慰勞下自己曾經付出過既努力, 我in衰左都會唔開心, 但盡左力就算~
1個讚