揾工從來都係一個比較的遊戲, 只要你啲對手唔適合, 你就會勝出, 唔洗灰喎.
1個讚
我都試過，有間好中意嘅公司，打去我公司揾我，問我有無興趣加入。跟住果兩日就同打比我果個人WhatsApp 傾電話，大家了解下大家家庭性格作風等，然後就約見佢老闆
去到見工果日，自問表現唔差，三個人一齊見我，一個係打比我果個、佢同級同事、上司。主要當然上司主導。本來諗住機會都好大，點知得個吉
我同你一樣，無辦法安慰自己等下次，唯有同自己講，可能間公司唔係我想像咁好，可能d人好難頂，又或者係唔轉我嘅發展仲大。。。乜理由我都諗過。。。唯有等自己死心
1個讚
move on
過咗去嘅唔好再唸
有時interview嘅嘢真係好難講，其實很多時頭5-10分鐘就已經可以決定是否合適
你in咗幾耐？
35-40 分鐘左右。interview 大約講明30分鐘。我諗唔關時間問題啦因為係政府工黎。個個去in 都差唔多。
如果比預定時間長，可能都唔係太差。等吓結果啦，但唔需要太強求。政府工入面啲人事絕對麻煩，是非多到耳仔生繭，你如果真係入到都一定要好好調整心態。
我以前做過EO，怕怕！
多謝你呀jm. eo in 完反而無咩野, interview 係正常可預計到，但果日in 另一個位，咁辛苦入到final in 我真係成個腦塞晒，in 完先諗到仲有好多野無講到，覺得自己無盡到全力
但我好彩interview 時都叫夠冷靜， 咁但係只係得soft skills 都唔方成功所以我有d 失落。我平復左架喇！ 多謝你呀。
其實你永遠都唔知道hiring manager想要啲咩㗎。換個角度諗，就算prep得好好in得好好都有機會冇Offer。就好似一個健談想上位嘅妹妹interview表現得好好，但可能hiring manager想要一個乖乖女夠聽話就得。有時搵工都要講緣份，今次唔得累積左經驗遲啲可以再戰
2個讚
放鬆心情 有時都要睇時機
加油
1個讚
我都明白，有時太在乎，所以影響表現。
可能你覺得表現差，但實際未必係咁差。
或者有其他更好嘅工等住你。加油！
1個讚
當係攞經驗
每一次interview都係一個令到自己更了解自己嘅過程
可以了解自己邊方面有缺點, 加以改善
咁下次再interview時就有更大把握
1個讚
Email 係work 㗎，我都試過interview 表現得唔好，我email 比個interviewer 多謝佢之餘，再將自己答得唔好既問題重新答一次，最後有offer.
我都覺得依招work，如果真係咁鍾意依份工，我會博埋依個機會，叫做盡咗最後一分力，有就有，無都心安理得。