連愛回家都可以咁多人睇(其實我冇睇…)既今日，辦公室題材應該好hit，但好似冇見到有類似topic?
呢排發生左一件幾有趣既小事。
話說我係公司其中一條team既頭目，年資最淺。我條team有個下屬好做得野，隔離team阿姐好鐘意佢。有一日佢趁我唔響度刮角呢個妹妹，個妹妹婉拒左，放工之後打比我話驚驚。轉過頭我用以退為進mode打比老細，表達出我好失望。老細有d緊張，話明明叫左隔離阿姐搵我傾，唔洗擔心冇你同意唔會轉team云云。
第二日，隔離阿姐走去搵妹妹，質問佢有冇同老細講(因為佢比老細鬧)。我坐響位都聽到，咁冇理由扮死，於是就走過去用認真而友善mode同佢講話係我講既。佢可能冇諗過我咁坦白所以呆左，然後老羞成怒話下次應該同佢傾左先，我回返佢一句下次你都搵我傾左先，唔好搞d細。佢黑面走左。
從呢件事我又有新領悟，其實有時對付d貪心但手段低既人，坦白攤牌原來最有效。
雖然依家我既心態係hea住做，但其實我好鐘意睇人地D辦公室政治同趣事，希望有人分享多d故事。
你呢單太堅了 咁快打大佬
Office好細，我對上已經係head of HK office. 我同佢report to 同一個老細。
你處理得好好，我想知之後嗰個阿姐有冇處處為難你？因為我公司都有呢啲賤人，年資高過我，但大家咁高咁大，我又唔想之後合作時有咩麻煩，所以唔敢去到好盡，但係搞到自己好鬼激氣！仲有嗰個賤人仲要係老警嫂！
佢黑左我面一段時間，我好平靜有繼續同佢早晨架。始終佢做得耐過我丫嘛，比個面都要。
你又 幾有風度！
打份工啫。
同埋我會轉去依家間公司係為左多d時間照顧屋企，冇諗過要搏要升職，可能心態唔同左，所以好多野都睇得開。
真係好似我公司嗰個老警嫂，但係我有時真係做唔出仲要同佢講嘢講早晨
EQ冇你咁高
都係果句，打份工啫，基本禮貌都要有既。
如果功利D角度睇，講句早晨啫，睇落大方D。就算個心唔情願，呢D門面野都要做，最緊要係比老細睇到添。大方得體唔搞事，形象幾正面。
我又諗起另一件事，我冇份參與其中，只係一個旁觀者。
話說好多年前做過一間好有規模既外資公司。其中一個Brand既buying team有兩個senior buyer係攞明要爭上位，一個係buying head一手帶大既金髮妹，另一個係MD帶入黎既黑人靚姐，兩個背景都好勁，但MD果邊果個睇高一線。結果金髮妹比buying head調左去倫敦仲要轉team，我地果時個個都話佢似係敗走被「放逐」。
點知唔夠半年，首先MD離職，然後個brand要賣盤，成個brand既buying team要執位，抄左幾個buyer, 包括黑人靚姐。無論MD離職定賣盤，肯定都唔係兩三個月既事，但事前竟然一D風聲都冇，我地睇返轉頭，先知原來buying head放金髮妹去英國係要保住佢。
真係未到最後一刻都唔知結果。
有冇多啲可以繼續分享
我公司有個中年男經理，有日成班管理層收到一個匿名電郵，入面有張男經理同一個女人嘅親密合照，話佢有小三，其實都唔明點解要send俾管理層，因為啲管理層都唔理嘅
應該係純粹想破壞佢名聲。私生活不檢點表面看似冇乜所謂，事實上工作上都唔會有明顯影響。但其實都會係升職考慮因素，因為會驚比人詬病、有糾紛，尤其對外代表公司既位，都會考慮呢D因素。除非佢好似CCTVB果D主角咁叻到無左佢唔得可以起死回生，如果唔係都可免則免。
以前公司有一個明日之星，好做得野，高層都好睇好佢。但佢人緣麻麻，大部份黎自平輩既妒忌。公司好多人講佢壞話，話佢做人冇良心，刻薄下屬，有時仲人身攻擊，講講下就越來越多人唔鐘意佢。甚至連好多冇同佢共事過既人都唔妥佢。
有年公司架構重整，要抄好多人，好多部門成個起，個個風聲鶴唳。但唯獨係跟過明日之星做野既人同佢D下屬，9成都冇被抄，大部份可以留任，或者調左去其他崗位。唯一被抄果個原本唔想做，響今次重整架構順勢被補錢走。果時先知道原來明日之星一早安排左保住自己班細。反而果D平日講佢壞話講得好兇果堆人，唔係比人抄就要佢交人名。有人仲為左自己個位交多幾個下屬名出去，頂返自己份糧。
真係日久見人心。
老闆一直好信任自己個司機，咁貼身又跟左咁多年當然得寵拍哂膊頭咁啦，所以個司機都幾白鴿眼同串，之後老闆老啦要退落黎交棒比個女，個女唔知同個司機有咩牙齒印啦，上任無耐就話自己揸車返工唔需要司機，但念在爸爸份上加上司機年紀都唔細所以唔會炒司機，於是就留司機係office做野但變左做人人都可以洗佢做野嘅最低級員工，咁被佢蝦過嘅當然唔會放過佢啦
頭先講起明日之星果間公司，重整架構都有另一個故事。
話說有個部門阿頭原本響被抄名單之列。由於佢係高層，公司內部通知左要抄佢，但未公開消息。佢用左d方法洗左d橫手，結果佢個部門做左d改動，抄多一個高級經理同一個小職員去換返自己個位。
cheap野就發生了。呢個高層扮晒冇野，周圍講好同情個高級經理，又話擔心佢岩岩出世既小朋友，又話怪自己保佢唔住，又話要幫佢籌錢…總之嘔心事做盡，最慘件事仲要冇乜人知。雖然我食到成地花生殼，但都睇唔過眼，個心頂住頂住。
同事喺pantry叮麥精、搞到成個office 都係煙。
喺辦公室有人鬧交，嗰個經理叫人走唔好阻住佢做嘢。
以前公司有個核突佬同事持住自己係同老細由細玩到大，覺得老細一定唔會炒佢，平時喺公司蝦蝦霸霸，公然喺自己個位睇四仔，我經過佢個位時睇到，好嘔心，又成日唱衰老細（不過個老細又真係衰嘅），慫恿其他人辭職，但係最後老細忍唔住炒咗佢，佢即刻晴天霹靂，我哋就勁心涼！
以前間公司有個女同事成日收到古怪電話，有時唔出聲有時係呻吟聲，持續好多個月，終於報警，差人上嚟公司勾電話線，check到原來係另一同事個老公，原因係佢曾經工作上蝦過佢老婆