我諗起我有同事叮麵包連埋張錫紙入左微波爐
之後佢地成team去左開早會 其他同事又未有咁早返
搞到成個office都係煙都唔知 最後仲搞到消防同管理處上門
個日一返到公司成層都係煙同燶味
3個讚
好爆趣喎！咁有冇捉到嗰個同事嘅老公？咁嗰個同事又點面對返呢個女同事啊？男人老狗用呢一個方法去對付蝦過佢老婆嘅同事，真係好核突！
畢業後第一份工,
我細OFFICE 得我同一個女上司.
另外上面有兩個大粒D 係總部.
不過兩個OFFICE 好近.
我做左好似唔夠一個月,
同OFFICE 上司,
話總部阿姐叫一齊食飯.
好啦正正常常咁一人ORDER 左一個LUNCH SET(幾十蚊)
食完我大叫多謝XX(總部阿姐)
事後我見倒總部阿姐面有難色,
同OFFICE 上司陰陰咀笑 
最後餐飯好似係xx 請左
之後做耐左,
同office 上司原來同xx 唔係太frd
而xx 係好孤寒
所以我應該令xx 好尷尬 
1個讚
之前份工隔離部門同事某日下午係conference room開會，去到六七點放工時先至醒起好似未閂裡面store room 既燈，於是去check下，點知行到store room 門口聽到有聲，於是望望，見到有2個人係度糾纏，同事立即走開。一段時間後，同事離開左公司，先至講返原來當日見到已婚經理同佢下屬係度「搜身」，而已婚經理係大老闆既表弟，所以無講出聲
1個讚
有上庭，係個男人喺庭到講咁多野，但判咗乜我就唔記得，個老婆一路唔知老公咁做，其實我同呢兩個同事係同一個部門好friend，個老婆好純好善良，後尾件事發生佢轉咗工
呢個好攪笑
搜身
話說每逢過時過節供應商都會送果籃黎。太貴既禮唔收得，但果籃就冇所謂。由於公司有好多back up既部門唔會收果籃，Admin為左一視同仁，就會要求所有部門收到果籃之後統一由Admin發放。呢個安排好公道，大家都冇異議。
但係制度冇問題，執行果個人有。某條Development team每年收既果籃都最多最大最靚，但好多最正既果籃都去左admin度之後都冇回頭，仲要收返D麻麻既。有年中秋有個酒店果籃送左去Development team, 有個高層鬼佬咁岩黎左香港，佢見到支酒好鐘意，就留起黎同班高層試酒，果籃就叫小妹攞去Admin.
點知唔夠十分鐘Admin打黎話對過酒店果籃相，少左支酒。Develop team 不留唔妥Admin, 有個SM 煞有其事打返去Admin, 話支酒係高層攞左，就你地既疑問同質疑我地team會向高層反映，要求高層攞返半支酒過黎交代。唔夠兩分鐘Admin阿姐立即打返過黎話冇追究、唔追究、唔洗驚動高層。成條Develop team扮野話要公平一視同仁，一邊嚇Admin, 一邊同鬼佬高層備案。
最後高層當然冇被問責，而果年中秋Develop team終於收返D日本果籃。
個老公係太無聊定真係太愛佢老婆…XDDD
1個讚
我做過唔類型公司，大，中，小型都做過，其實同內地一樣，一日唔死一日都有趣事，我之前做過某主題公園，有年做阿皮so, 個Manager照住份嘢一條一條咁問我，問問下，佢講咗句嘢，因為我平時好少行出嚟睇你地做嘢，你話有做過我就寫有，咁你有無做過？ 其實我想講手，個條問題基本上係年都做過，另外，你都知自己少出嚟咩？
1個讚
定純粹變態,
出事後擺老婆上檯 
1個讚
咁另一同事咪要遲職？好𤓓喎
有做開發既公司通常有辦唔要都可以分比員工，我舊公司都有呢類員工福利。有次攞完舊辦出黎分之後，有個開發同事發現唔見左幾隻辦，懷疑係分辦時比人攞錯左。佢問左最大嫌疑果三個人，個個都唔認，跟住佢出左個email比全世界話唔見左幾隻辦，要求上級指示點做。
個個收到封email都驚派辦福利會因為咁取消，有人怪個同事魯莽，亦有人出面指證話見到係邊個攞，結果引黎一陣小騷動。最後搵到兇手，但佢聲稱件辦已經送左出去攞唔返。上級就決定以後由隨時可攞辦變左一年得兩次。
有一個男同事，唔知關唔關佢又食煙又飲咖啡事，每次同佢講嘢時，都會聞到佢個口有一陣屎味，唔係誇張真係同屎味一模一樣，真係好難頂但係我又唔敢同佢講，驚佢唔開心
我都有咁諗
我曾經做過某品牌，遇過負責做貨既判頭公司、有同事私底下拎左啲的辦出去賣、仲要當正貨賣。
之後我地接到個買家投訴、話我哋公司啲野Quality有問題、嘈到去外國總公司、咁老實就約佢拎埋件貨上嚟睇下點有問題。（因為好少接到咁誇張的投訴）、同事一睇就知係過唔到QC既版、之後緊係要個判頭交代。結果查到果個同事摸埋唔少野係出去賣…最後比人炒咗。
2個讚
係呀，辭咗職，無辦法，佢都唔知佢老公咁
我喺pantry 叮奶皇包，搞到成個office 都係煙，連個微波爐都報銷埋。
1個讚
之前個腦細唔畀人遲到，咁ok嘅，你鍾意咪扣人工囉，但成日幾分鐘都計住要話你，尤其舊年咩時勢？真係隨時塞一兩粒鐘喎～
最好笑係佢自己遲到果日都夠膽死在開會時話人遲到，最慘係佢不時遲到，我哋成班下屬排排企喺office門口，等到佢開門先入得公司，浪費時間又雙重標準到爆
（因為佢唔信人，我哋員工無人有公司鎖匙
）
1個讚
同一腦細（男人呀）會計住mon住你去廁所去幾耐，耐少少就會出聲話你（男人老狗唔知點解可以婆乸到咁
）
話說佢個toilet就喺公司入面，我哋低等員工的洗手間要行一條勁長走廊，講真來回都要幾分鐘，佢唔理㗎，試過因為去廁所時間問題鬧我個同事妹，同事喊住同佢講M到所以去耐咗，佢唔理話唔係理由，無同理心唯我獨尊的腦細好恐怖
1個讚