今年多波折, K3小朋友今個學期多數復課無望, 放榜後有無得叩門亦未可知…
鼓勵一下K3家長希望大家派到好學校!
而家停課都可以自己教小朋友，有機會就叩門，無就出年插班，努力不會白費，叩門同插班並非想像中困難，努力裝備，輕鬆面對！
1個讚
門一定有得叩，不過今年可能更多學校係揀人見。
DPS小一叩門表先係校網發佈，5月內要填完再寄番去等運到。
有得見，有d同往年做法一樣，有d用zoom，亦有拍片
好緊張
係, 我都見到有D學校已經POST左叩門插班嘅資料
其實就真係好難輕鬆…因為對小朋友真係好大影響…
好緊張，直私無間收，甲部20分（爸爸舊生）唔入，已經開始準備叩門所需文件，希望用唔著，各位加油
還可以，本身唔係好高鶩遠，只係target樓下果間近近地，如果抽唔到就去叩返佢門 
唔駛太擔心, 個人經驗係抽獎前後音樂椅先郁得快, 希望在明天!
叩門我覺得好難。間間都要111
睇你咩區啦, 我之前叩5間都無要求111喎, 5間分別喺4個區
咁岩我果間理想啲果啲都係要。
總之都係煩。
希望你抽中心儀, 萬一要叩門就唯有睇餸食飯, 必要時叩多幾間
我驚叩太多小朋友頂唔順
有D只係掉低PORTFOLIO 等CALL, 我叩果D都唔係間間GUARANTEE有得見。
況且D學校都好醒, 多數係"大叩門日"見, 你根本要選擇, 去唔晒咁多間
請問乜野叫大叩門日?
通常放榜後第一個星期六就係大叩門日, 好多學校都係果日見, 家長要取捨
今年唔係去統一派位中心攞結果, 可能要預兩個星期六都係大叩門日
其實「必須」 111 嘅真係唔多，得一兩間必須 111/益自己幼稚園，只係咁啱你嗰間要/優先考慮（東區？其他區大部份一線都有非 111 成功）。
呢幾年身邊人叩門，個個都唔係 111，甚至係 000 幾間一線。唔少學校都係放榜後兩個星期六「叩門嘉年華」。雖然話驚叩太多間，但同報直私一樣，唔一定 call 你，唔一定要你，遞左表先，佢 call 如果撞期先再諗。前年一個叩 8 間得 4 間，另一個叩 4 間全中（因為全筆試，已經操 fit），上年叩 9 間中 2 間，慶好冇撞期，亦叩到龍頭。
長知識。多謝你啊。
唔係東區。因為我區唔算好多間學校。廿間都冇。所以唔111係有啲唔收表添。
叩到龍頭既人既實力如何架?