噢，咁我大概知係邊區，冇估錯嘅話，的確有一兩間係話必須 111。
叩 8 間 (更正應該係 9 間) 嗰個本區跨區都叩，有 2 間做卷又多人爭所以預左冇可能，有 1 間 2nd in fail，但佢都善於表達同玩體藝，玩到有獎同 cert，學術唔算非常高班但臨叩門嗰兩個月不斷谷返個學術，所以對學術要求低啲嘅都上到岸。叩 4 間筆試嗰位全部跨區，一開始就目標清楚，考私校都係揀學術，所以純谷學術，可以做到二年級野，所以叩到曬。叩 9 間嗰位全部區內，有 2 間撞期，最後得 2 間有 2nd in，冇點谷學術，算係中上，唔算好擅長講野，有玩下體育但冇 cert。同區二線唔收，但間龍頭收 (冇中學部)。
應該唔止1。2間。
唔該曬你既資料。咁即係一係學術。一係有啲才藝就容易啲入?
係？全區 20 間小學都冇嘅，都係得 1-2 間係必須 111，除非你計埋優先 111/非 111 揀人見。
又唔係話 “容易啲入”，要睇你打算叩邊類型，好似嗰位筆試咁，佢好清楚自己支筆得，叩曬筆試，仲係最難嗰間，佢如果叩啲著重活動/面試嘅，佢可能未必得。另外兩個支筆唔多得，咁叩嗰啲大熱筆試基本上係不可能入圍，只係搏大霧，有部分學校幾鍾意玩得 talk 得學生，只要 in 嗰陣放膽自信就得。有啲學校係注重學術，但佢叩門完全唔睇學術/只係一兩題，只係一家人坐低傾兩句。
同考直私道理接近，支筆唔掂報筆試學校係浪費時間。部份學校係傳統較注重學術唔太睇活動，需要坐得定跟指令，新校比較多注重體藝同性格，如果玩冇咁大路嘅活動又有一兩張相關 cert (例如溜冰、劍擊、古箏、豎琴)，勝出機會增加。有啲學校雖然係傳統，但唔考學術，只係問假設性問題/家庭相處。亦有啲係 in 家長，有啲家長會冇準備又唔擅長表達/亂講野。
咁所以升小學真係要爬文搵下心儀學校考核方法。
真係好高學問。
開始可以叩門啦, 我已準備好資料