過來人，直接去家計會（黃大仙果間）叫佢轉介你去威記嘅中大輔助生育科
Ching 我表姐吃了一個月中藥就中咗，佢都係不運動身體胖
我都多囊，做iui bingo,頭12周我個醫生開左安胎塞藥同糖尿藥比我（我無糖尿），話多囊既人好多時有胰島素問題，早期食低量糖尿藥係有助穩定個胎，你下次再有可以資詢下醫生，人地話小產過好快會再中，不要放棄。
1個讚
我都同你一樣.
我結果無意中中左, 前後生左2件
樓主要努力~
其實多囊係咪一定肥？
同埋驗左性激素6項 點樣知自己多唔多囊？
唔一定肥
嗰陣時我照陰道超聲波，伸支嘢入去照
Me too, iui bingo而家BB5個月啦
我本身都有多囊，無點理佢
一星期hea跑2-3次/ 屋企做Yoga
D M好準時黎
幾個月就中左
我都有，其實多囊都好多人有，唔洗太擔心。
之前我想生，但經期唔準只係食下中藥，見有少少幫助就無睇西醫。到我發現週期越黎越長，經血又越黎越少先去睇西醫，發現除左多囊仲有子宮瘜肉同荷爾蒙失調，好彩有做詳細檢查。食藥控制荷爾蒙，3個月後就bingo
結論係，中西醫都值得睇！
我一向cycle都唔準, 結婚之後我有食避孕丸, 又一直有做運動, 到兩公婆都ready想要小朋友時就停藥, 但試左一年都無消息, 當時家庭醫生介紹左個不育科醫生, 睇左先知原來我係PCOS, 同一時間醫生叫我驗血check hormones, 照輸卵管, 老公就驗精, 結果係原因不明, 佢就開左4個cycle排卵藥比我, 話可以幫我調返順個period準啲, 仲叫我地唔好check住排卵, keep住2-3日做一次就得, 去到第3個cycle我心思思check紅d, 係深到一個點我從未試過, 所以即刻做野, 跟住就bingo左
我2017年結婚，一年肥左成30磅！
我2018年年中月去做定期檢查，開始計劃生BB，醫生叫我每日量體溫自己試吓先，都有warn我減肥架！
試左幾個月都唔中，舊年年頭醫生就叫我食藥打針，每兩個星期都返診所照，其中一次就發現原來我有多囊。
點知食藥打針第一個月就岀水痘，一定唔可以有BB！好返就再試左3個月都唔中 
眼見次次去睇醫生一齊食藥打針嘅patients都中左，我仲未中真係好灰！
睇醫生每個月又五六千，醫生話食藥打針都只可以做6個月就要停一停，搞到壓力好大，我一黎M就喊到痴線！
食藥打針3個月都唔中，我決定停藥，再同自己講 “BB係等爸爸媽咪最好狀態先會降臨，如果今個月都唔中就停一年，養好身體先！” 同埋 “食藥都唔中，可能係我老公唔得！” 
最後，我就係個個月中左！我覺得壓力個影響得仲勁，你真係放鬆啲，做吓運動。
我見我個醫生幫到好多couple, 如果你想試，我可以PM你！
1個讚
我都係多囊，
食中藥，飲黑豆茶同貼暖宮貼
都可以有bb，唔好放棄
給你一個hug
祝你早日復原 下一次一定會順順利利!!
建議去睇中醫
我18～9歲就知道自己多囊
結婚之後一直有睇中醫 大約結婚第二年既時候 一次就有左
囡囡上年出左世
我都係多囊，前年睇過大半年中醫調理，但冇咩幫助。
經期都係好不定時，後來做運動減肥，同注意飲食。經期穩定返，大概40日來一次，之後係上年自然懷孕，預產期係今年8月。
你好勁呀試咗咁多嘢仲打曬出黎 
我飲滴雞精+ 西醫排卵藥 中
滴雞精唔會影響經期嗎？
我都有架諗住順其自然 點知中左 所以唔駛太擔心
可以搵個好D 既婦科醫生, 之前朋友介紹楊醫生醫呢方面都好好