我都係多囊加之前開過刀切朱古力瘤，最緊要心態良好。我個陣睇左中醫半年，戒曬中醫講既野食，多運動，行房個陣計排卵期，而家女女十個月了
wish you all the best
1個讚
我排廣華係要搵醫生寫轉介信(我個時係搵家庭醫生的)，我記得轉介信有寫結佐婚幾耐，當然如果有咩相關既病會寫埋啦(如多囊)，同埋寫明係不育科(生育輔助科)，唔係排婦科。咁之後就可以去醫院排期(要帶埋結婚證明文件同先生既ID COPY),因為好似要婚後一年先可以排,假設佐你無避孕一年都未能懷孕( E 個唔肯定)。另外廣華好似唔收35歲或以上的女士。
1個讚
請問各位有PCOS 既姊妹係點樣減肥or 維持體重架呢？ 呢樣真係真心困擾，飲水都會肥囉！
十三四歲黎左幾次M 之後就冇黎，食左十幾年避孕藥黎M，再食左十幾年通經藥加睇中醫，結婚後試左兩次排卵藥後，直接IVF，一次BINGO，阿仔兩歲半，生完自己黎左幾次M之後都係要靠食藥先黎，所以唔洗灰
做運動呀 隔日跑一個鐘 其實我唔肥都有多囊 
如果肥多囊，一定要減肥。
我係過來人，2012年得廿幾歲女已確診
但當時唔算好嚴重，兩、三個月嚟一次大姨媽。
後來婚後肥咗40磅，但胃口一直差唔多，做極運動都唔瘦。大姨媽半年都唔嚟，就知驚再去睇婦科。
婦科叫我試吓食糖尿藥同埋努力啲減肥。
因為西醫呢淨係可以開啲通經藥，係指標唔治本。
於是我就開始食metformin，同埋上網學人食生酮飲食。
我一年減咗50磅，月經正常返，自然懷孕，依家37week啦 
加油呀!
我細個肥開, 18歲倒發現有PCOS, 有食過一排西藥, 但一停都係冇得嚟
後尾減肥同KEEP住食白鳯丸調理, 結婚前都有睇中醫調理下身體
後尾結婚後不設防3個月倒就中左 (當時28歲)
我產檢時醫生話已經睇唔到我有PCOS
後來生完大B我2年抱2呀
你調理下身體做下運動, PCOS都唔係好難解決, 唔好俾自己咁大壓力!
我都係有多囊，當年廿九歲諗住仲後生，點知自然咗兩年都唔中，極灰心。期間試過唔同中醫，食過好多中藥，但係冇用。
最後放棄晒一齊「外援」，順其自然，但開始跑步做運動，竟然中咗！
而家三個小朋友喇，好橋地三個都係我呢頭開始返跑步，三幾個月就中 
PS. 我就唔係好多個月唔嚟M嗰種，反而係每次都嚟極唔斷尾，一個月可以有成廿日都出血中，所以唔知係咪貧血嗰時瘦到得41、42kg 
1個讚
死火，我冇做運動嘅習慣
由細到大都月經不順，後來的起心肝食中藥只想調理身體，同老公都無諗過要生bb。食左半年左右，又係毫無生b壓力+過程愉快之下，突然呢個緣份就到左。調理好身體先，最緊要唔好強求，愈大壓力愈唔中，個人認為唔駛刻意計幾時排卵幾時做果d，呢啲係無形壓力
如果多囊, 睇西醫啦,食排卵藥
我試過睇中醫, 但唔work
因為多囊+經期唔係成日嚟m, 係有機會變子宮內膜癌
我唔係想嚇你, 而係呢件事係我身上發生緊…
我係肥多囊，3月中驗到有左係好開心，但BB。4月頭小產走左喇。。。。。。。。。
我呢幾年肥左廿磅之後唔食藥D M就唔識黎
減肥、食清淡、袪濕！
有冇坐小月呀？
坐完小產再努力啊
建議先去西醫照檢查有無瘤或水泡其他問題
如果純粹唔識排卵
固本培元係最重要
如果唔係就算打針定人工
中左都坨唔穩
我推介中醫
因為我自己本身係食西藥搞到咁
嚴重到三個月至半年起先黎一次經
所以我更加唔信西醫
我最後靠中藥加針灸成功
要有恆心
雖然呢個病好多人有
但驗極都唔中個下失望好少人明白
加油
1個讚
我老婆幾年前都有
我都係響ready前發現有多囊
結婚後1年備孕時，每個月睇兩次中醫，每日朝早飲包滴雞精，量體溫，用排卵紙… 試左2-3個月就bingo…
醫生話如果唔係好嚴重，唔建議食排卵藥… 因為都有副作用… 如果真係試左一年都唔得先食…
但其實我覺得心態好緊要！如果妳地俾太大壓力自己… 會有反效果… 要放鬆心情…
加油!!!
第一個食中藥後中，第二個用油拔法後中，一路keep 住油拔，經期同排卵日都個個月準時。