話說有同事係後生女，上男友屋企食完飯個未來奶奶竟然要佢洗碗，佢有洗但話對方點到佢頭暈，要點點點洗
我同佢講：洗冇問題，你洗一次你男友上你屋企食飯洗一次，佢好驚訝話：點會？我話：咁你又點解要洗？
我對喺男家洗碗好執著：總之你男家要我做乜，你個寶貝仔要喺我娘家做返 equivalent
當然同住就一定要分擔家務
我都未係好拿捏到，有時去6299度食飯，我幫手執枱佢地會話唔洗啦，佢地執就得。（大姑奶都會幫手執/洗碗）
但我覺得咩都唔做又好似好老奉咁…
1個讚
我初戀果個渣男 男朋友就係咁
佢阿媽直頭當我工人
但我唔係同住，只係作客
真係覺得好反感
而家男朋友阿媽就唔係既，會好客氣唔要我洗
反而呢個情況我會間中爭洗碗
雖然係作客但始終人地煮埋俾你食嘛
不過都唔贊成餐餐洗既，除非同住
執枱都會，洗碗一定唔會，佢地會嫌我洗唔乾淨（我老公好高要求）
2個讚
咁執枱都應該
我點解企咁硬呢，因我我媽平時煮比八個人食包埋啲女婿(我屋企全女班)，個個男人食完坐喺度打機變大爺，我哋幾姊妹就幫手執幫手洗，我爆我老公仲比我媽鬧，梗係啦我媽錫女婿多過錫啲女
自此之後我就同我老公 set 呢條規則
不過我老爺奶奶唔會叫我洗碗，我老爺怕人郁到佢碗碟啲位，奶奶搬走啲嘢佢都會鬧
我開呢個 topic 係因為同我女同事講起，同大家討論下
1個讚
我會睇佢用咩態度，如果奉旨兼當我係工人或者想比下馬威我的話，我今次會禮貌地洗，但之後會同男友講明，下次再係咁，佢必要幫我洗，我會入去陪佢。
其實我會expect自己個男朋友一聽到都要識做，陪我一齊洗，過門都係客，要點我自己on居居係廚房洗碗，沒可能，我會好嬲我男友，除非係我自己客氣提出。
不過我之前有男友媽咪係好開門見山話佢屋企家規係要輪流做家務的等，咁我又沒乜問題喎，但我前男友係一定會陪我一齊，其實都係佢洗，我抹乾，大家都ok！
我覺得真係睇係乜態度同埋幾熟，如果已經上過好多次，咁有時都要扮下野，幫下手，我覺得Ok。
3個讚
我都係最多拎入廚房架咋
如果拍拖更加不了…
試過新年幫伯母煎糕，煎到好辛苦（本人比較求其，我都明佢係想塞錢入我袋）
此後，多一事不如少一事，一係拉埋佢個仔
1個讚
唔知點解d 奶奶總係覺得自己係廚神，懶係要過招比新抱咁…
1個讚
家乜規丫，全世界嘅禮貌係過門都係客
未入門一定唔應該洗
入咗門就深抱洗一次，但個老公要幫手喺娘家洗一次
10個讚
個人認為男朋友係錫既都唔會叫女朋友洗，就算呀媽叫都會幫女朋友洗。去女家亦一樣，過門都係客，邊個係客就唔駛洗。最多砍料加送，見面禮之類。而做呀媽既咁介意人上黎食飯唔洗碗就唔好叫人/俾人上黎食，出街食冇交嗌，一日未嫁未娶都係朋友係客人
我果個臨結婚先黎料
食完飯即刻攤係梳化話好頭暈好想有人幫佢洗碗
我以為係真幫佢洗
佢一路拖住個仔隻手睇電視笑到哈哈聲
第二次去又係食完飯話頭暈
我老公醒目去洗啦
佢就即刻係梳化彈起身話唔俾阿仔洗，佢自己黎
果次之後我叫我老公自己返去食飯
大時大節我先去
10個讚
比下馬威就咁真係好過份，扮頭暈咁鬼肉酸
洗冇問題…但洗完先走又夜咗…
最驚嗰d個廚房打完仗咁
我寧願煮
我冇洗，我自己煮完飯都係老公洗。老公角色好重要。
一日未入門，一日都唔會喺男家屋企洗碗
反而嫁左之後就可以
從來冇幫 6299 洗碗，最多食完飯執下檯。阿媽教落洗左第一次，以後就要你洗。況且我最憎洗碗，所以唔會郁手
好彩每年都係新年先返 6299 屋企食飯，其他節日一係去姑奶屋企食(有工人洗)或者出街食
1個讚
我老公從來唔做家務，不過係我奶奶竉到咁樣，不過就算我做，都會同我搶家務做
1個讚
話晒過門都係客，點會叫客人洗碗。一件事就睇穿佢媽咪係咩人。
2個讚
未結婚前扮嘢話要洗都未試過
婚後第一次返去食飯例牌扮吓嘢話幫手洗碗, 99話唔駛, 自此嫁咗12年都無洗過一次, 但有幫手執檯嘅
2個讚