未來奶奶要洗碗我都覺得算 我試過係拍拖無耐我條仔叫我洗碗 話做好比佢老母睇 我諗住洗佢呀媽話唔洗我洗
後來自己愈諗愈火 同你拍拖你叫我做呢樣做個樣？ 傻的嗎 當我咩 工人呀？拍耐左事實證明條友真係on居既 拿拿聲飛左佢
3個讚
我家…煮又系老公…洗又系老公…
2個讚
而家男女平等，男人有本事自己出錢買樓供樓養家唔使老婆出嚟做嘢，否則公一份婆一份喺屋企咪諗住唔使分擔家務，亦咪諗住個老婆幫你阿媽洗碗而你就唔使幫外母洗
5個讚
我都係～婚前過門都係客，我幫手執碗但唔會洗，阿嫂洗。而家結左婚，都係阿嫂洗又好似唔多好。我洗過一次，99係咁話唔洗我洗。我都唔知點好
2個讚
洗碗我最鍾意
去人屋企洗就唔好了
我好好彩，屋企有幾個姑姐，細細個開始被姑姐洗腦…邊個男朋友屋企人叫你洗碗，而你男朋友無幫口可以即飛
過門都係客，幫手開枱收碗係無問題，要人幫你洗碗下次係唔係要幫埋佢洗底褲…
2個讚
人地請你去屋企食飯，你係客人嚟架，邊個會叫客人洗碗？
我未嫁, 我同朋友傾開我去男朋友屋企食飯一次碗都冇洗過, 佢地覺得我有冇搞錯, 扮下野洗一次半次都要, 點知呢度原來咁多姊妹都冇洗 
真係好尷尬
我地仲要成日上去食飯…
咁我應該好彩，我奶奶咁多年都無煮飯習慣，食親飯都係出去食，所以我唔駛面對呢個問題！
不過我都係咁諗，未過門都係客，叫我去洗我反硬枱，結左婚既叫我去洗既話，老公要醒水，但唔好同人講當新抱係女咁錫既廢話！
1個讚
呢樣真啊，所以第一次上男朋友屋企，見auntie客氣講話「等我黎得架啦」我都冇同佢爭
但都會幫手執檯
我心態係佢個仔都唔幫手，點解要我幫
我6299唔使我洗碗，但初頭都有扮下野，不過佢地都話油唔使洗，就算洗老公都會幫我
應該咁講，成件事我覺得係自願同被迫嘅分別
至少以我嘅經驗嚟講，開始上佢屋企食飯嗰頭半年我都冇幫佢屋企洗過碗做過家務，佢哋屋企人好好彩都冇叫過我做
之後到咗新年，見佢呀媽年初一朝早咁辛苦煮九大簋招呼埋我，又派埋利是畀我，咁禮貌上尊重返人我都會自動自覺話要去幫手洗碗，呢樣嘢在於我嘅價值觀嚟講我又覺得算係equivalent
所以話如果互相尊重嘅話，其實成件事大家都可以各自付出自己嗰份，大家又開心好多
如果有人迫我洗碗又點我做嘢，呢啖氣唔好話係你，連我都唔會吞得落
4個讚
可必呢，
正所謂己所不欲 勿施於人，
其實您可以响男家每洗一次碗都唔小心打爛一/兩隻碗碟，洗多一次半次就冇人夠膽搵你洗。
咪係，係都佢寶貝仔洗先，我過門都係客
未嫁前我每次都會入廚房：有無野要我幫手/d碗我洗啦！佢地都會嗌唔駛啦！
嫁後我都會循例問下/索性自動波做, 佢地嗌唔駛就先唔做
因為我覺得我6299係依方面思想較傳統
, 唔做下樣 會覺得個新抱好食懶飛…
我想我日子過得好d做下樣都要
我有同事婚前去奶奶度已經要洗碗
婚後仲衰，大時大節十幾人d碗全部佢洗
成日聽佢呻⋯
我去男家從來都冇洗過碗
亦都唔需要我洗
最多幫手執下碗
有時奶奶都話等佢嚟
真係好睇你奶奶份人係點
未來奶奶，點未來新㚿做又唔係咁好。不過將來如果真係嫁入去，係應該要自己兩公婆一齊自動自覺幫手做，人哋都煮埋飯俾你食，唔係老奉嘅。
我覺得睇下個場係邊個啦。老爺奶奶+姑仔來食，都係我老公洗，如果我地成家去佢屋企食，就佢地洗。如果覺得洗碗好麻煩，可以唔一齊食，但無謂叫呀仔個女朋友洗，真係客人來，點人做野比下馬威嗰d就更加小家。
1個讚
我好樂意幫奶奶洗，但都係嗰句：點解冇聽過女婿幫外母洗？我阿媽煮都好辛苦
5個讚