一樣，當年讀間中中，band 2 頭，果時仲係分5個banding。全級最叻果個英文 syllabus B 拎D， 問Band 1 朋友，佢地全級最差果英文拎C ，佢自己係其中一個，廿幾分升唔到原校。
你講得好好
我呢傢重點培養小朋友生存能力、例如點同朋友相處、自理自律、今時今日我仲學緊點放手…
我成日都覺得、家長喺小朋友面前喊、其實小朋友會好驚好驚
同埋用你唔讀書/你成績唔好就係唔乖、媽媽好失望、其實都係一種道德挷架
政府派了邊間小學,孩子都一樣可以學到基礎穩固,讀得好孩子自然都可以容易爭取到自己喜歡嘅中學入讀. 所以跟本就不用因為派了邊間小學就喊~~正常名校光環冇用,孩子自己努力發光帶出來嘅才是好光環.
2個讚
好老實講、全校級頭3名嘅、幾多個淨係靠谷、好多都係主動去讀、仲要係enjoy
Band 1名校有佢好好嘅地方、但入唔到唔係世界未日、做父母應該相信小朋友嘅能力。
老土啲講「有好學生、才有好學校、讀書靠自己、不是靠校譽。」。（亦舒《只有眼最真》）
你concept無錯，不過唔駛二元對立
名校除光環外，人脈同視野都唔係一般學校培養到出來
但做父母嚟講，能因材施教係最好，叻唔叻都係自己仔女，更何況除咗叻唔叻，仔女有更多嘢值得父母關心
如果講呢啲，基本上就同學校band幾無關，最重要係父母重心喺仔女身上
咪就係, 小朋友係要鼓勵, 佢讀唔到書, 一定有原因, 唔係用呢啲道德綁架去搞到佢地情緒咁差
老實講點解啲父母唔諗下, 仔女讀唔到書, 係因為有你地個基因
你地自己都讀唔到大學, 點解會EXPECT佢地讀到???
名校仲有一種禮儀同貴氣，如果係女校讀足 12 年嘅話，特別睇得到。一年級已經教上落樓梯禮儀，去廁所唔係講 “May I go to the toilet/washroom” 咁粗魯 (有仔女讀小學嘅可以問下呢個，幾得意)，拉凳拉裙上台鞠躬坐姿都有教。呢啲其他學校好少教。
當然女校也玩得瘋狂，但場景認真嗰陣，啲禮儀貴氣會出返曬黎。
1個讚
Yes，不過有D名校出黎嘅小朋友，都會特別囂…
視乎邊間啦…
的確好難知道,所以小學都唔理人哋是什樣考取到級頭位置,我衹因應現今教育制度,提出的學習方式一樣可以做到應有的效果. 中學,可以講係所有孩子最緊要嘅階段,也可以講步入專業範疇之起步點,名校是有它存在地方,但唔代表其他普通中學就一無是處,所以父母更不應該太嚮往一定要入名校的心態,當你能做到在普通中學,於DSE也能考取到名校所謂嘅狀元位置,能力上反而比名校生更值得認可.
所以就係睇父母自己,不需理會學校咩BAND咩理念. 什樣叫因材施教,孩子叻唔叻讀唔讀到書,大部份都係喺小學形成(唔係講學業成績), 用"谷"及走捷徑這些方式施教,最終出來成果永遠都係反效果居多~~
可惜普通中學同名校之間，始終有個層級差異。
舉個例子：
Band 1中學嘅前三名，基本上都會有機會讀到醫科(未必個個都得)，中間嘅都可以入到3大，大部分可以入到8大。(個人認為Band 1至少應該有60%以上入8大)。
Band 2中學嘅前三名，好多時候都係3大水泡科，或者8大普通科，中間果D就好難入大學。
呢樣我又不能認同
因材施教都可以在乎學校教育理念
唔計其他, 師資同讀書風氣就影響左將來升U既差別.
我女升中In過名女校就係爭咗禮儀同氣質。佢唔係曳但真係爭啲嘢。
但不能否認，一般名校讀書成績氣氛好d，而且一班幾十人，如果大部分學生能力弱d，老師都要理左大多數先。同一個學生，佢喺普通學校都可以好叻，敢如果佢喺名校讀，可能喺學業方面更進一步。
這也是問題之一,過早諗入唔入到大學真係好重要嗎?
其實這也是積存下來嘅問題,所以我才講中學係最重要一關,也是接觸專業起步點,老師就更顯重要. 課本是死,老師才是生的,當然老師這點是問題之一. 為何攪到Band2中學入大學咁低,全都是家長咩都谷晒去Band1那邊,去了Band2教得好好學生,諗盡一切辦法又插班去Band1,所以Band2想用心教學嘅學校就更難用心去教.唔夠學生又隨時殺什麼校. 還有骨牌效應,因應家長心態谷孩子入Band1學校,但好多都在小學攪到基礎不穩去入,最終入到中學又勉強什樣走位去得分而去報大學,但這樣的效果出來的大學文憑也是好嗎?
但想孩子到中學學習好,不能單單依靠學校所謂因材施教及教學理念. 如果唔係咪等同機器人一樣,個個都可以一樣~~ 若能從小教導孩子唔抗拒學習嘅心,真心喜歡學習嘅心態,咩學校理念都可以適應. 孩子就係唔識才去學,怕或唔適應就避開,那就永遠都學不會,到將來出來社會做事,都以這樣方式去面對及逃避. (這是我個人意見) 且也見好多去報適合自己理念嘅學校,最終又不見得結果好及離開去其他學校.
Well，我都有識得幾個朋友，谷左個band 2水平嘅仔/女入左band 1，結果去到Form 3/4，留班嘅又有，轉學嘅又有，甚至情緒病要休學都有。
個人都唔認同太早谷小朋友，尤其係宜家好多家長小一小二就開始補習操卷，其實長遠真係唔係咩好事。
咁嗰啲囂得起，串得起，係衰格但有本錢畀佢咁做 🤷
如果讀普通學校又唔讀得書又唔係玩得體育音樂又唔係權貴但四周串串貢，嗰啲就真係…