原來以前band5學校係咁恐怖，我諗而家band3c學校嘅學生比以前(band5)乖好多。
大家都好有經驗，有好深嘅體會，所以我想請教一下大家。
我囡囡現就讀一所傳統，有直屬中學嘅女校，大部分小學部畢業生都可以直接升讀，應該屬於Band1尾，Band2頭左右。而我女兒的成績大概屬於前10-12%，如果係你哋，你哋會選擇原校升讀，定會報一啲程度較高的Band1？
係咪灣仔嗰間？定係 SSP？
無所謂
我自己讀2間都band1
我2个姑姐band3
問題係讀書既過程中有好多事會發生
我屋企發生好多事
我沉迷左去玩因為自己問題成日唔開心
好想快啲返工離開屋企
因為屋企交學費都有問題
個個月都好遲交
交完又無錢俾我返學
讀書要搭車既
有時得十零蚊返學
飯都無錢食
但又唔俾我做part time
無心向學
結果2個姑姐港大畢業
我中5之後就返工但讀書吾係一切
但我好同意屋企影響好大
我18就好想離開屋企
因為我ma好難頂
到依家我仔都生埋
真係一年先見得幾次
但我同屋企人其實都close既
唔好問我點解會見咁少
可能怕左佢
2個讚
你自己有無讀過女校？
我有讀女校（band 1A）嘅朋友，佢會盡量唔比自己個女讀女校中學，因為男女校更加適合青少年成長（學習埋兩性相處），女校超級多是非
聽過職業先修學校學生，大學1sr honour 畢業
灣仔
咁除咗學校，我都相信屋企嘅影響都一樣係咁大。
我自己由幼稚園到預科畢業都係讀女校，咁女校是非又真係唔少嘅，但係睇到上面啲留言，講到啲男仔點樣蝦啲女同學，直頭有少少性騷擾嘅成份添，攪到我又好驚喎！
自行盡搏，抽獎盡填。（你嗰間應該未去到 Band 1尾-2頭，男女校嗰間就有）
如果唔夠膽嘅話，大抽獎上返自己中學部，但自行係畀機會你女女發揮，唔好浪費左機會。好好研究下邊啲學校啱女女！唔一定局限於灣仔，中西區、東區都得。
我會搏下高banding既學校，當依家間直屬 band 1做back up
因為名校生見識、人脈真係唔同d，學校資源又好d
個人覺得名校生普遍會 dream big and dare to try
但當然要睇機遇同佢自己做化啦
2個讚
無錯…我男朋友都係傳統名校, 雖然佢會考分數真係算低…
但聽佢講屋企家境咁窮, 但又可以學過好多樂器, 去比賽, 真係唔係間間中學可以有既資源。
普通村校唔會有咁多資助去俾你學野, 因為谷成績谷band緊要D,
我讀band2頭村校, 學英文淨係死谷爛谷…連個英文miss D英文都係hk tone…
佢成日講其實同普通既中學一樣, 但我覺得大家中同都好大分別。
個個唔係醫生就做老闆, 就算想普通打份工, 人地都會留意佢邊間中學…成績一般, 出到黎人脈都好好多…
不過名校都要小心選擇, 有D專收有錢人, 風氣好差, 入到去比人知你拎學費資助表會白眼你…好現實
唔係間間男仔都咁壞既，而且如果你身處其中，就會知道呢D情況要點處理
讀書就梗系band 1好過band 3，入U嘅人數都多D。
不過老老實實，除左fresh graduate仲會有人睇邊間中學，之後真係無咩用。你幾時見有人CV寫自己讀邊間幼稚園，邊間小學？
中學果D所謂關係，有幾多keep到30歲？大家心照啦…
1個讚
呢句同意到不得了… 關係差咗, 真係好難修補… 為谷要搞差關係, 係唔值…
1個讚
細個幸運派位入左北區名校，果陣好開心，因為全間上午校小學只有我一個派左入去呢間北區最好嘅中學，的確有個好大既光環，我仲記得我媽買左個大蛋糕同我慶祝，因為我為佢帶來面子。
噩夢開始，中一已經差少少升唔到班，家長日又比人踩到pk…總之只記得我中學好唔開心，成績差到極點，全級二百人，我中一至五個級排名都系170後。。。搞到個人好冇自信心。
相反細妹讀當時仲係band2既田家炳，就讀得好開心，仲入埋大學。而我中五畢業之後冇耐已經做咗人啊媽…
有時好感慨其實我好清楚自己讀到，只係比間中學搞到好自負。所以冇咁大個頭唔好戴咁大頂帽。
其實喺孩子讀幼稚園時候,都未諗到BAND咩有咩咁特別,衹係順其自然去學就可以,更唔需要操乜操物,一樣也可以入讀孩子喜歡嘅中學去~~衹要家長冇咩要求,衹要孩子成長健康快樂,自然就已經係一個好嘅光環,到孩子適當時候自然就會發光
1個讚
派位啲新聞呀, 啲家長派得唔好就攬住啲仔女係咁喊, 好似世界末日咁
大佬, 小朋友根本唔知乜事, 你咁喊佢地就以為自己派左唔好學校係做左件好錯的事咁
真係好痴線, 呢個係乜野社會。
4個讚
我自己升上band1時都冇咩感覺
可能係因為父母冇感覺
好像剛才在這裡睇到有活生生嘅例子,孩子入到家長開心嘅學校喊出來,到一年後,家長睇到孩子成績低到又喊出來.