親戚住大埔 唔想個仔跨區 有咩小學好？
小朋友今年升小一？其實睇返小朋友性格，如果着重成績嘅就兩間舊墟，如果想開心嘅循道都不錯
1個讚
舊墟都ok
佢地住富亨嗰邊，附近有間叫吳禮和，有冇人聽過？
吳禮和係大埔三寶，多跨境生 
咁樣大家知唔知道大埔浸小好唔好?
幾車過境大巴
多大陸人
邊幾間係最多大陸人？
住富亨嘅話，可以揀聖母聖心，阮鄭銀禧同循道衛理
1個讚
以我所知吳禮和，梁省德，黃福鑾都多大陸人
賽小其實好嗎？聽聞近年都改咗谷路線？
住富亨，呢三間任揀一間就得，成績唔錯又唔使坐校車
1個讚
仲有間3水
聖心和循道都諗住係心水，但係自行太難入，其次就孫方中，因為都有分，不過普教就有d卻步
普教中就真係不了
循小，如果小朋友鐘意諗嘢，創作力高嘅可以試下，學校要小朋友用腦諗好多唔同嘅嘢，唔同傳統學校一味死讀死記
阮鄭好，校風成績都好
3水轉咗個校長之後好咗，校舍又好靚，不過成績就未上到，俾多幾年時間佢可能會變得好好
1個讚
小朋友讀緊舊寶，唔覺太谷同埋都幾開心。
以下學校，純講升中，不講其他（德萃、國際學校唔包括在內，沐恩雖然表現 Band 1C-2A，但此處歸 Band 1，恩主教、救恩屬 Band 2）：
大埔官立小學（有拔萃男，但應該一個起兩個止，冇跨區，估計 20% 以上）
大埔崇德黃建常紀念學校 （估計 20% Band 1，有跨區觀塘瑪利諾書院，相信一個起兩個止）
大埔舊墟公立學校 （跨區、直資都有，聖保羅男女、拔萃、皇仁，Band 1 39%）
大埔舊墟公立學校（寶湖道，14 年之後冇登，14 年 dead link，13 年 Band 1 42%，有跨區、直資 HY、喇沙，估計近年 30-35%）
香港教育大學賽馬會小學 （有跨區有直資，不止一間，冇人數，估計 30% 以上，相信 better than 運頭塘田小）
保良局田家炳小學（有跨區有直資，不止一間，冇人數，估計 30% 以上）
保良局田家炳千禧小學（唔出結果，2002 新校，保守 20% 或以下）
仁濟醫院蔡衍濤小學（唔出結果，10% 以下）
吳禮和紀念學校（唔出結果，10% 以下）
新界婦孺福利會梁省德學校（唔出結果，但有畢業生情報，Band 1 傑出畢業生一個起兩個止，估計應該 10-20%）
聖公會阮鄭夢芹小學（42/130，32.3%，有跨區，直資非 Band 1）
聖公會阮鄭夢芹銀禧小學（46/101，46%，有跨區有直資）
天主教聖母聖心小學（冇跨區冇直資，但恩主教最多人入讀，估計 20% ）
三水同鄉會禤景榮學校（過往冇跨區有非 Band 1 直資，人少，估計 10-20%）
港九街坊婦女會孫方中小學（冇公佈，估計 20%）
大埔浸信會公立學校（有跨區有直資。31/179，17%）
大埔循道衛理小學（有跨區有非 Band 1 直資，估計 20%）
林村公立黃福鑾紀念學校（非常誠實，22/127，17%）
新界婦孺福利會基督教銘恩小學（冇公佈，估計 10% 以下）
再根據返資料非常少又混亂嘅區內過往大抽獎熱門程度（乙一應該收唔曬/剛剛好冇乜剩）：
兩舊/兩阮/兩田/孫小/賽小/聖心/循小/黃建常》梁小/浸信會》黃福鑾/大埔官立/蔡小/三水/銘恩/吳小
兩舊/兩阮/兩田/孫小/賽小/聖心/循小/黃建常 裏面再分熱門程度：
兩舊/兩阮/田小》田千/孫小/賽小/聖心/循小/黃建常
由於大埔長年唔夠位，而區內一線小學同中學都係唔夠其他區咁強，咁所以區內 Band 1 率應該係高啲，e.g. 廣福村阮鄭 可能 Band 1 馬可能係有 40+%，派位唔好/少人考慮跨區/直資所以減返。
而因為區內學位緊張，有學校/老師為做首三志願，可能會叫 Band 1 同學乙一 四強揀一、乙二救恩（咁個學生就可能好唔好彩派入救恩，因而 Band 1 率有出入）
7個讚
我係循小用家。真心吾建議。當年就係因為佢地主張開心學習讓小朋友愛上學習先會選佢。校長每次演講都講到好有理想但入左學校幾年。見住已經做左多年既老師不停流失。每年老師流失得都幾多，好多好老師都走左。我都搵緊學校同小朋友轉。老實講雖然小朋友向學校不過不失。但見學校每況越下我情願同佢搵過另一間。但而家既情況想搵學校轉都吾易。