知唔知啲老師點解走？
其實黃福鑾自從轉咗陳喜泉做校長之後，真係睇住學校一步一步咁進步！不論硬件同軟件都提升咗好多，校長亦都好肯聽家長意見！而師資方面，有好多舊墟小學嘅老師都過咗去教，同埋好多老師都好有heart!
利申，有兩個小朋友喺黃福鑾讀，家姐已經升咗區內band 1中學，細仔仲讀緊！
1個讚
吾知，但好多走既都係有熱誠教得好既老師。佢地d net 同社工又係換得好快
1個讚
其實吳禮和高年級既可能多少少跨境生，但我個仔一年級全班都係大埔人，我個女三年級就多少少跨境生。
我睇住學校近年做左唔少改革，好有heart。我個仔放學都可以上託管班，做晒功課溫晒書先返屋企，老師同我地又開晒wechat，老師，家長學生關係都好好呀！
之前家長會，校長提到呢幾年學校升中情況都幾理想，差唔多8成幾嘅學生入到第一志願、頭三志願都有9成。迦密柏雨、王肇枝個幾間英中，連鄧顯都有學生入到，所以唔好睇小吳禮和！
1個讚
如果係咁都ok 喎
頭三志願率只係一個呃啲唔知乜係升中嘅數據。
不過咁，每間學校都有進步空間。期待學校分享全盤數據，咁樣先能對外夠證明自己有實力，吸引優質學生入讀。
1個讚
睇番你個回覆 勁詳細 多謝晒
啲派位數據好似好唔透明咁 其實點先知道個實數呢？
學校要校務報告或網頁列出實際人數同每間學校獲派位人數。直屬怕數字敏感唔公開係正常 (圍內家長老師自己知)，但其他學校唔透明只有一個原因：覺得唔夠好，撐唔起自己個朵。你幾何見兩間油麻地天主教、聖彼得、兩間李兆強、舊墟收收埋埋？有料仲唔即刻 show 出黎咩！
有啲學校會有語言藝術，例如首三超過 9 成。 (叫所有學生揀曬 Band 3，或者叫學生乙一 Band 1，乙二 Band 2，乙三 Band 3，肯定 100% 首三)
有啲學校會列出 “部份入讀人數”，可能名單有 4X 人，第一眼睇哇個個都入靚學校，一查校務報告，原來一級 150 人。
就算係沙田、九龍城呢啲多學校嘅網，不論直私官津，通常有 Band 1 跨區/直資，獲派 Band 1 率唔會低過 20%，通常都接近/超過 30%。如果冇實際數據，全部原區，有非 Band 1 跨區/直資，咁就通常唔會高過 25%。如果係一間跨區或直資都冇，又唔出數據，得校名/首三，咁當佢 10% 好了。
1個讚
有啲學校好衰，明知個學生可以博band 1，但會叫個學生放band 2係第一志願，因為佢地想做大入第一志願條數，根本唔係為學生好
1個讚
太耐冇上黎, 呀表弟最後都係派左去吳禮和, 佢成績唔係頭幾名嗰啲所以都冇叩門
吳禮和 is good 
放心俾小朋友起度讀，會看到小朋友的進步的:)
多唔多跨境學生？？
我仔啱先一年級全班都係本地人呀！
請問是道教嗎? 會有一些宗教的課程嗎?