有咩方法令個囡快啲出嚟
個肚已經覺得好墜好重又低
約咗幾號催？
有咩想食就好食
同bb講 食完就好出世
催生真係好Q痛!
最慘係始終唔係自然要生，宮縮得好嚴重但度數遲遲都開唔夠，無用力push個bb佢都係咁自己衝向宮口，咁樣頂住左好易整傷佢
1個讚
有冇狂飲椰子水？
有冇青蛙蹲？mou下
催生真係好痛…不過自然生一樣甘痛, 仲痛得耐…
你試過？
我試過摧生， 首先檢查宮頸成熟未，如果未就要塞藥軟化， 等24小時check宮頸夠唔夠軟熟，夠就可以去吊催生藥同人手穿水， 我由穿水開始八個鐘就生左， 我朋友下午5點塞宮頸藥，凌晨就生左咁，超勁
我上司話要老婆生，就要攪到佢激動，大肚婆激動就會作動，佢好似話係去左講價的無心之失，好明顯係偏方。
最緊要大小平安！
（利申：我2胎都無逾期居留，以上只係我上司同準父母的分享）
明白你心情啊，我果時過咗預產期，真係好想bb快d出嚟，所以日日食涼嘢。
結果我40w6d少少見紅入院，住咗1日，最終都已經41w要催生。
祝你一切順利! 加油!
唔洗擔心
我都係催生，一d都唔痛，完全冇反應之後要開刀
你預備埋開刀用嗰d嘢
冇事既，唔洗擔心， 呢兩日食多啲涼嘢，西瓜涼粉可以去胎毒
同感，痛不欲生。
你好似講緊我，我痛完20個鐘後開刀…
我係催生，因為BB頭圍大醫生驚我自己生唔出所以係提早入院。
其實我覺得無人哋講得咁痛（我都幾忍得痛嘅）下午12點落產房，12:30開始落催生藥和醫生人手穿水，夜晚11點零生咗。啲人話第一胎嚟講算生得快。
不過我問過我媽，佢生我&我啲細佬妹，都係12小時內搞掂。唔知會唔會都有小小遺傳關係？
我係預產過左8日見紅，但都要人手穿水，生到冇力要用吸盤吸
我催生都要生30幾個鐘
同bb傾下計，爸爸媽媽好想見你，快啲乖乖岀嚟
我仲有3日預產期但都等得好痛苦因為阿仔頭大又重磅，住多日重多日離順產又遠多步…我仲要到宜家連宮縮都未feel到過…逾期居留多我都勁怕要催生…睇勁多case 都係辛苦完一輪最終開刀…真係好擔憂
落多D樓梯，食多D涼嘢，坐Fit Ball度轉下UN下。我嗰時假陣痛入院，留院觀察嗰陣一玩Fit Ball就痛，唔玩唔痛，姑娘就叫我玩多D，應該係幫梗子宮頸開。
第二朝催生，醫生落藥前check，子宮頸口都已經開咗2-3度。結果第一胎十點幾落藥，兩點幾三點就生咗，仲要我喪聞笑氣，基本上無乜大痛感覺/記憶。
你催生期系幾時丫？ 