其實真係好睇個人
我塞左2次藥 吊催生水 個宮頸都冇鬆過
但痛足我一日一夜 食全餐
催生生到算唔算順產？
算
你就好啦，我吸笑氣冇乜效，痛左7,8個鐘，痛到喊，半昏迷咁。
個時又冇乜姑娘理我，點知原來已經開哂十度，亜b係張床已經要衝出嚟，嚇到啲姑娘烈火戰車咁推我衝落產房，叫我忍住千祈唔好痾。
咁我又真係忍到，入到產房唔洗5分鐘就出貨了。
大女順產, 痛足一日一夜…還好有笑氣頂下, 時間過得快DD, 但痛苦,
第二胎, 我胎盤鈣化, 35週催生, 打左針之後約半小時開二度, 一個鐘左右全開晒, 無笑氣, 痛到癲,想連斷姑娘隻手甘…
其實生仔既經驗真係好難忘…
你生時產房好爆?
我嗰時係入左產房先有笑氣聞, 待產房又無人痛得咁緊要喎~
正常你痛得咁緊要, 應該要入產房, 唔入都應該要有姑娘幫你check住度數家…
你喺邊間生?
QE，個時係2003 Sars呀，產房爆唔爆我唔知啊，但張張床都有人囉。我痛到打左2針都唔得，姑娘就俾氣我聞，後尾幾個鐘真係冇人理我喎，度數就肯定冇check，係一開頭Check左一次。
可能真係好忙啦。
我都係QE, 但係12年.
我嗰時又OK喎, 待產房的確係唔多姑娘, 但見D人痛到咁上下姑娘就會Keep住檢查, 一開夠度數就送落產房, 無人喺待產房到勁痛呢個地步喎…
反而我落到產房, 對面床嗰個就叫到冧樓咁, 姑娘話佢嗌咗成朝. 但我生完佢先開始真係生, 搞到我唔走得住. 喺產房瞓左兩個幾鐘先返得上房 =.=
所啦話你好彩囉
咁我可能因為後期已經痛到懷疑人生半昏迷咁，太安靜，所以冇人理
俾我選多次一定開刀，真係非人所忍受的痛。
我兩胎都係廣華催生⋯⋯
第一胎過咗預產期，比咗催生期，點知未到個日有一晚半夜見紅就入院，醫生話未生得，趕咗我出院（因為當年係最後一年雙非，床位緊迫），第二晚又黎，見紅陣痛，又入院，點知就住院，痛足2日，一痛就嘔
，野都唔想食，第三日先落去催生，淨係計落藥到生，用咗11個鐘左右（朝早9點推落去落吊藥，人手穿水，一邊聞笑氣，痛到爆，夜晚8點幾生咗）
第二胎催生個日入院，又係9點落去吊藥人手穿水，下午4點幾生咗（超痛，冇笑氣，零止痛，生到撕裂，要打嗎啡聯針
）
可能以為你瞓咗. 所以仲特登唔騷擾你 ^^"
1個讚
如果俾我再揀，我寧願生大仔嘅時候催生，半夜見紅入院，第二朝穿咗羊水加陣痛，姑娘問我催唔催生，我又係之前上網見到人哋話催生會好痛，於是我話試下自然生，期間羊水不斷大量湧出，我見唔對路下午要求姑娘催生，但係佢話負責催生嘅醫生要收工做唔到，卒之痛到第二朝早先至生咗大仔，之後嗰晚話佢感染指數高要留院打一星期抗生素，後來更發現有自閉症，我唔知咁樣關唔關事，不過既然已經足月，催生未嘗唔係一件好事， 因為實在唔知生產期間會遇到咩情況
不過無論點樣選擇，生小朋友都係一件勇敢而且偉大嘅事情，祝妳生產順利，大小平安
好慘呀
喺丫，痛到一分鐘一次都係一度
我37w個日食左一盒涼粉同2啖龜靈膏，37w2就穿左水，平時冇做開運動，個日入左院之後坐左陣波，7:30入院，下就5點就生左
如果未揀醫院，千祈千祈唔好揀威記，勁恐怖的經歷
未生之前上產前講座，講到天花亂墜，有n樣止痛，有笑氣無痛分娩果啲
我係催生的，打完五小時痛得癲，叫我數陣痛都數唔到，有個姑娘同我講話我overreact to 塞藥，要立即拎番出來，但之後都勁痛
落到侯產室，我老公都在旁等（果陣仲有得陪），啲姑娘一味罵人亂郁，阻佢做野，我話我都唔想，不如你比啲笑氣我，佢話「你宮縮咋，完全唔係生㗎」我崩潰咗
之後，越開越大度數，我都知真係要生，我求佢比笑氣，佢就話產房先有，但無位
等到我頂唔順，堅生，先肯揾人推我落產房，差點喺𨋢生咗，係咁叫我忍，產房助產士話，你真係生得，剪唔切了，几分鐘就生咗
全程用生命值硬接陣痛，下面撕裂嚴重
同隔離產婦傾，姑娘就佢地講，笑氣係要預約，所以無
我覺得直程係去地獄走咗轉
係咪咁啱嗰日個姑娘唔好咋
我好多朋友生完都話威院啲姑娘同姐姐好好，我今次第一胎未住過產前後病房，不過就入左幾次院住婦科，啲姑娘姐姐醫生都好好呀~我對威院印象幾好
樓主你生咗bb未呀
我都過左預產期一日，我都好想佢快啲自己出黎唔洗催生呀
我早上6點催，下午12點生，都好漫長。。。