考慮買不買醫療保險好,你們有無買,為何買或不買?
買…唔想有咩事要等成年先排到期睇醫生.
冇買，因為公司有medical ，C6 係公務員我都cover
如果乜都冇，我贊成買
一定買
近十年只要有少少有年資的醫生護士都走晒去私家(唔係話佢地貪錢，我醫生朋友話其實佢真係好想可以用心睇症，好唔想三分鐘睇一個症，佢好想花多啲時間問多少少)
仲有，呢個政府對公共醫療開支有幾重視大家都見…低門檻引入大陸醫護應該好快實行…
如果一份醫療保險唔係太貴，咪買定傍下身…叫多個選擇。
仲有，大人唔買，小朋友都要有份…
以上只是個人意見
2個讚
危疾有買,但醫療住院未買,所以考慮緊,想聽聽大家意見。
應該係你因咩覺得無需要？
醫療分住院及危疾兩方面，你自己有能力應付醫療開支，咁就可以考慮唔買。
以現時醫療開支，私家照腸鏡，埋單3萬，相等於大多數人兩至三個月人工，但保費只係佔人工一少部份，有需要時就有一筆醫療儲備可以用到。
當然，多數人都會靠政府醫院，但留意一點，除非緊急性，否則唔知要等幾耐。
分享最近一個case，有個客人最近確診鼻咽癌，但政府醫院因最近疫情，所有非必要手術暫停，連照MRI都因而要暫停，最終需要係私家照，再返台灣接受治療。所以，有醫療保險係俾多個選擇自己，如果無，就無得選擇
如果你仲相信政府醫療制度
而又唔係急病可以等返357年
其實政府醫療都足夠
以上為講笑，但又正正政府醫療系統面對緊既事實
以一個30歲既男士去計，一個月都係$350左右，有一份$35任claim既私家醫保
成本不高，但保障到全家開支
何必放自己係危牆之下呢？
買，因為真係有係病上黎，唔想係公立醫院等幾年先醫到。我姑媽早幾年睇過公立醫生，發現有膽石，當時醫生話佢知無野唔駛做，之後唔夠一年keep住痛，最後去私家睇 發現粒膽石成2cm大，最後去左法國醫院做 claim保險。
保險呢樣野無事既時候會覺得無咩用，好似買黎唔抵，但有事上黎，真係會幫到，當然你話好有錢唔介意自己比晒醫療費就另計
1個讚
無買，公司有好好既medical plan，所以只有張term life同critical illness
買！少少都要！
公司份點好，能力許可都自己買份，因為
- 公司可以隨時取消
- 65歲後就無
- 轉工時新公司未必有
- 保險係身體無事（無任何病徵）先買到，到時可能想買都買唔到
1個讚
住院我公司有包, 所以我冇買。
有朋友十字韌帶斷咗要做手術, 私家做咗10萬, 好彩有買住院claim到9成。
另一朋友屋企人要通波仔, 私家做30萬左右, 冇買保險, 好彩負擔到
我覺得如果本身有多餘錢, 就算突然要負擔10幾廿萬醫藥費都完全冇問題, 就可以唔使買, 否則買少少安心D
2個讚
取消/轉工先買都未遲，無必要依一刻就比錢。
錯啦，當取消或轉工時，無人100%肯定自己一定買到保險，我個公司客有位員工，最近有鼻咽癌，先唔講佢自己無個人醫療，公司HR問我，公司有咩方法加大保障俾個位員工，答案係無，因為已經有病徵，所以，等只會令投保機會減底，唔會增加
你個客都算係咁,我公司HR係唔會理,仲會話呢D同事係公司計時炸彈!
我知自己風險同支付能力，唔覺得有必要比幾千蚊一年買張醫療保險，癌症已經有份CI，公司用AIA Flexi 我都唔覺得要upgrade，就更加唔會買個overlap既benefit 。
同埋你個客都幾搞笑，入職就應該問清楚保額，病左先問可唔可以加
梗係買。年紀越大買，價錢一定更貴。
我除左買醫療、危疾、女性保、仲有一個額外嘅Plan係萬一自己不幸有Cancer…萬一危疾同醫療唔夠Cover…就喺呢個Plan度撥錢去醫。
不過我嘅保險因儲蓄成份，所以唔介意去買。同埋將來又唔知點，萬一有事上黎等政府醫院醫就大鑊
加上我好白痴，以前成日以為政府醫院真係好平，萬一Cancer每次只係俾登記費。直至最近朋友有Cancer，佢喺私家做手術用左十幾萬，保險Cover到大部份。佢打算去政府醫院做療程，可惜要做化療、電療同食藥。原來只係化療佢要用嘅藥，政府醫院佢都要俾$14X,XXX…仲要佢用緊嘅藥未知可唔可以申請到資助，唔係每隻藥政府醫院都可以申請，加上要審查。
所以，保險真係唔可以唔買。
1個讚
補充一下，之前我做嘅人公司只係細公司，無包保險架
將來有病又唔想令屋企人有負擔，所以先覺得要買保險。當一個保障。望都望用唔著當買個安心架咋。
係公司老闆想加俾個員工，唔係員工本身
住院應該係每年都會調整保費? 就算好後生已經買, 之後好似都會加價? 我唔太肯定, 記得當年agent係咁講, 不過我最後只買咗危疾, 因為公司有包住院