個老闆真係幾好
買呀！
唔買就係自己保自己。
好多醫護都分享過香港公立醫院嚴重人手不足，由不嚴重被拖到嚴重症狀。
政府亦不資助好多貴既藥物，最後都係病人自費。。岩岩係viutv睇到醫護訪問都有講，佢地都話無錢無得醫。
利申：做保險，可隨便問，答到盡量答。詳細可PM
講真，如果勁有錢都真係可以唔買，可以用自己錢俾得起就唔怕。
中產或以下都應該要買。
如果仲後生，冇咩病痛，公司醫療又唔錯，可以唔使買
如果公司嘅醫療麻麻，或者臨近退休，公司嘅醫療退休後冇得續保，又或者已經開始有跡象會有 d 長期病，咁要考慮買了，否則再遲 d 有 d 病症出現左，再買嘅保險就唔包呢 d 病
醫療係越後生，無病徵先買到，當有跡象出現，已經買唔到，唔好誤導其他人
1個讚
@mugtaitai
純粹提醒一下，公司醫療跟公司，老細可以隨時因cut cost 減少團體醫療項目或直接取消呢項員工福利。係轉工期間亦會出現保障真空期，如果出事了就無人保，再買又可能買不到，唔一定只係唔保某種病，好可能完全拒保。
因為係醫療保中，住院保險既核保係最嚴格。唔係健康情況下買，很多時都出現拒保，不保或加額外保費。
有病徵亦都唔一定由病人發現當日開始計算，係由醫生診症後係醫療報告中寫出，例如腫瘤，可能會係病徵出現前幾個月已存在，咁就買唔切了。
而且住院保需要30日等候期，危疾保需要90日，過左等候期保單先正式生效，所以當病徵出現先買，都無辦法等咁耐先去睇醫生。（一般都係唔舒服睇左醫生先知發生咩事，會做相關既體檢）
只係傾下計，希望更加人了解實際用法，避免跌入買唔到保險或買咗賠唔到嘅情況。
最後還是建議趁自己年輕又健康嘅時候就買。
明白。你講得有道理。
我係用我自身嘅經驗來比意見，我同我老公一路都做 MNC，比較少見 cut cost 而減少或者甚至取消醫療保障，呢點我冇諗過會發生，不過你啱，係有可能嘅。MNC 嘅醫療福利通常都比較好，我哋一路都包晒全家（配偶同子女），我哋又真係未試過兩個人一齊轉工有空窗期，其中一個轉工都有另一個 cover，但如果公司福利只包個人，咁呢個係要考慮
我哋自己就真係年紀大，我老公都開始考慮退休，而佢每年身體檢查，也見到血壓開始慢慢高，血糖也有上升趨勢，咁就決定自己買多份醫療保，因為血壓同血糖其實未過線，冇 exclusion 亦冇加 rider
呢個完全係我自己經驗現身說法，如果有誤導成份，唔係我本意，我喺度講聲唔好意思
1個讚
我有買危疾,但年紀大買都貴
至於醫療,正苦早排推出啲 plan,仲未研究.要搵時間睇 
1個讚
咗算好好彩，因為年年驗身發現而未去到保險公司接受唔到，所以最好一出世幫小朋友買，基本上99%無問題，我知你唔係有心，但真係好多人都係咁諗法，我只係希望大家可以正確D睇保險，而唔係一味講保險呃人，賠唔到，買嚟無用等，因為保險係一種無人想用嘅嘢，但當有需要時就先發覺保險有用，同埋保險係有錢都唔一定買到
老實講，貴唔貴好睇個人，但當你發覺醫療費用遠比你個保費高時，就唔同，政府推出嘅自願醫保，可以扣稅，但我個人覺得保障唔係一面倒比傳統醫療好，最好係以個人需要而定，唔好因扣稅而選擇，因為醫療保險係講保障，唔係扣稅，眼見好多agent一味叫客轉，但係咪真係對客好？ 得唔敢講，因為用到時係自己，唔係個agent
1個讚
我明白，我贊成買保險嘅，自己都有一份高端住院保同一份大額危疾，以前在 BK 勸人買保險被幾個會員追住來咬，來到呢度反而被誤會叫人唔好買，真係有 d 失笑
我全家都有買
BB一出世就買，好彩。有一次BB突然發發下燒，抽筋暈咗，嚇死我，call白車去到醫院，無床位，唔知等到幾時，打電話去私家，仲有半私人同私人房，即刻衝過去。埋單3萬幾，9成cover，係奶粉尿片收錢
我同老公買咗保終身嘅，趁後生身體健康體檢入場，供完退休，唔想連累個仔
1個讚
BK多得大力係咁話保險無用，而一班C9又信佢講，叫人唔好買，當人地有事時佢地唔會幫手
1個讚
正確，保險唔係為自己買手，係為心愛嘅年買，同埋
買保險唔會令年破產，但患病可以令你破產
而保險最高效用係資產分配
好贊成你個講法。上年我Agent都游說我轉自願醫保。我係坐佢Office將自己保單同自願醫保比較左一段時間。然後再問多D…發現自己買嘅醫療、危疾等等其實仲好過自願醫保份單。所以大家真係女唔好俾個扣稅優惠影響決定。
係囉，我最近都收到經紀嘅信，有關轉唔轉自願醫保。想問自願醫保除咗扣稅，仲有咩好？
其實兩者真係各有各好，自願醫保都有好處
- 可以係門診照CT, （自付30%）
- 因為唔係按case計，所以無咩話90日後當新case
- 癌症治療賠償每年都有，雖然唔個額唔高
- 可扣稅
但我見自願醫保係設每年保障額，而以往就冇呢個限制。
其實如果轉咗自願醫保，假設該年claim足咗每年保障額，係咪就冇得再claim?反而舊醫保就冇呢個問題？
如果已經有病痛，保險公司當然唔會就相關嘅病痛，收同一個價錢去作出保障啦！
但係你話有病痛就唔受包，咁又好似唔啱喎！最多都會係有 exclusion，其實而家有啲保險產品係專為糖尿病人而設。
做過幾間MNC, 福利好好, 但cut 人時都可以好狠同好快。到時無保險又無左入息, 而屋漏偏逢連夜雨病左就會好慘。醫療我淨係買住院同CI, 加個life就算。life叫做有筆錢比屋企人應急 (雖然依家唔駛, 不過幾百蚊一個月當存錢)
自願醫保每個年度都有賠償限，過咗就要自付，而傳統嘅醫療就按病例計算，每個病例有賠償上限，至於每年賠償上限，以我所知，大多數都無定，但有個別公司會有上限