如果小朋友有天份 我會全力谷盡佢
但如果冇 就唔會迫佢
你錯啦 n班係一歲就面試
不過每個人報n班既出發點都唔同架
好似我幫個仔報n班係因為我同6299一齊住
佢地太寵佢 郁啲喊下就就哂佢 個仔無扭抱佢都一日到黑成日話抱抱抱 咩零食野食佢想食就比佢 佢跩啊打人就是但話2句 為咗呢啲事嘈咗好多次 係好多好多次 宜家個仔都直頭痴佢地多啲 因為我做醜人 會話佢 又唔似佢地有求必應
咁既環境搞到我覺得好無能為力 唔知點先教好佢
所以想佢快啲比老師教下佢自律自理 (同見少啲爺爺嫲嫲
) 先報N班 而唔係想咁早灌輸知識果啲
我想佢入happy school架 但無奈細b入唔到咋
2個讚
1歲…
睇吓啲人讀N班係咩理由啦，我唔覺得讀左就可以贏在起跑線⋯⋯
不過又咁喎, 有啲人相信你要比多啲input, 先發掘到佢有咩天份je, 即係我聽過有人話要N班就學幾種外語 , 話唔試唔知佢邊啲有天份喎, 咁你又覺得係咪太搏呢?
另外, 依家大部分家長（可能中層叫有啲閑錢）都會比小朋友學野學野，佢地chur高左個norm, 即係當你決定唔學, 但人地勁學, 咁你就變左仲弱過average, 咁你到時又會點呢？會努力去追返呢個新ge norm? 又算唔算好搏?
我未生時, 都覺得可以順其自然, 都覺得小朋友中中庸庸ok, 一定唔會搏盡, 但慢慢發現…小朋友同出面未必’接軌’…呢個就係矛盾
結果我都有比小朋友學少少野, 但凡事盡力就算了, 父母有能力提供就做, 小朋友吸收就做…
7個讚
如果細B就入唔到的學校…咁其實係有要求的學校
我住果區, 有間N班學校係真正happy, 點解咁講? 因為佢係無入學面試, 唔面學生, 唔面家長, 收生只計地址遠近
校長講明, N班係有教無類, 根本唔洗任何面試
呢啲先係真正的教育
13個讚
我明 就係因為好多家長都係競爭心態
先更加唔想小朋友因爲咁既原因而忙一大輪
咁既教育方式唔會對佢好
就算要學野 都只會俾佢專注一兩樣
每個人時間就係得咁多
仲邊有時間玩 做返小朋友應該做既野
1個讚
我都想錯重點
兩歲係去in K1 
唔好介意
anyway，我又覺得依樣嘢無對錯嘅，有啲人有需要，或者佢小朋友受得，咁咪去興趣班啊、私幼咁囉，又有啲返N純粹過日晨，所以不能一概而論。
最重要你認清自己想點啫。
呢個已經未必係競爭心態, 聽聞有啲學校, 其實係教淺考深 , 又或一開始已suppose你小朋友識, skip左出版社上學期本書, 一入學就讀出版社下學期本書。為勢所迫, 啲家長唯有跟住個flow…跟唔上就係補習了
最緊要你唔介意自己小朋友跟唔上…唔係求叻過人, 有時只係跟唔跟得上的問題。
最顛聽過係讀私幼, 個班主任叫家長出去補習, 或者下午讀多一間幼稚園。
如果你唔想比潮流迫住去, 咁可能唔好揀啲咁ge 學校。
1個讚
小一咪愛嚟教基本嘢囉，打唔好基礎係小一老師責任
Academic我諗住靠自己兩公婆教佢讀書方法
唔擔心會跟唔上
香港本身填鴨式教育根本唔efficient
我同老公讀書時都唔係靠上堂學野
返學校主要想佢學社交同presentable啲
咁你唔擔心academic, 咁已經可以唔洗理個潮流
1個讚
樓主BB未出世已經開始思考升學問題實在非常好!
正所謂 “父母之愛子, 則為之計深遠” , 有底氣, 也有後著而不隨波逐流係好嘅
真係有朋友覺得香港傳統小學教育太高壓, MPS 25分都唔揀, 去比錢讀D輕鬆學校咖
揀定行車線就去馬, 傳統津校/概念直私/國際/蒙校… 揀乜都好, 扶持小朋友直去, 最慘有D家長話想小朋友輕鬆愉快學習,揀左間程度淺嘅KG, 到小學又突然要佢去D傳統勁谷津校, 無啦啦要人雙白線轉線, 戥小朋友慘
6個讚
平凡人家, 揀津校, 但津幼多數淺, 津小又多數谷…(二線都谷ga wor依家) , 唔銜接ga wor, 咁家長咪被玩死?
依家係教育局一方面要推幼稚園happy唔寫字, 但去到小學又唔理啲小學有幾谷, 一條行車線去到某一個位突然變高速, 駛得慢的人被其他人’呠’ (唔一定係其他家長, 可能係老師/校方)
隔離有一個post 有網友提到, 寶校去到小三都一樣開始谷…唉
6個讚
我覺得谷唔谷都係睇家長，幼稚園/小學/上咩興趣班都係家長幫小朋友安排，我覺得最重要係小朋友在學習中係開心，放學係笑住咁放學，同我分享學校啲事都係開心嘅經歷
其實直私小係咪有部分都唔算谷？
有d出名活動教學私校係咪真係做到唔谷？
直私面試一般都係廣東話英文，好少普通話
例如邊間？
贊同。好睇父母識唔識放手，認清呢個小朋友係獨立個體，並唔係父母嘅複製，亦唔係父母期許嘅投射。但，亦要係可行情況下俾最好嘅條件比佢發揮。
做唔到仔女嘅伯樂，都不要好心做壞事，毀咗佢。
4個讚
小弟代答：印象中只有 SFA 有考普通話