琴日佢肚疴病咗，咁今日佢就話去睇醫生。我見佢仲未換衫，咪同佢講你最好睇醫生啦，同埋唔好飲豆奶，點知佢就話頭先咪講咗去睇醫生囉，你有冇常識架，豆奶又唔係奶，點會疴
咁我緊係唔高興，咪乜野都唔理，費事俾佢話我多事
咁之後咪係WhatsApp 同佢講呢件事，佢就話好失望，又話我乜都唔做，連工人都不如，知唔知醜架
我好傷心，我又唔係乜都唔做，又照顧小朋友，又要返工
最後忍唔住同佢講，唔好再當我係妹仔咁駛，佢就話我係女王，等飯開。
都唔知佢乜野心態，成日揾人出氣
可能心情唔好啫，暫時唔好講野住，遲d冷靜左再傾。
我發覺有時男人仲情緒化同小氣過女人。有時我懷疑佢更年期真係。我好明，d男人覺得照顧小朋友個時係冇做嘢好得閒，到佢做個時樣樣都做唔到。有時真係覺得男人越老越煩。
6個讚
佢已經成日係咁講，話我d能力唔及工人
我都唔係做慣工人d野，又成日話邊個揾錢冇咁多，就照顧多屋企。我係姐姐放假就湊佢地一日唔係付出咩？我唔及工人，唔通佢能力及得工人？
我好唔鍾意d人講到自己係賺好多錢，就睇少其他人既能力囉。
我企硬，同佢講尊重大家個角色。女人唔係要照顧小朋友，大可以向上爬搵錢多過男人，只不過寧願做冇咁大壓力嘅工多啲時間湊仔，男人如果要做女人角色，佢一樣要咁做，問題係男人做唔到呀媽做到嘅嘢。
今日先試左，我做佢嘅嘢，佢做好我嘅野，結果冇樣做整我做埋，佢就知佢眼中嘅easy tasks冇嘢做佢自己都做唔嚟，所以之後唔出聲要tum返我都冇異意。得閒交換角色有多啲體會。
家庭主婦先係唔易嘅工作
我已經唔係家庭主婦，仲要出去做野，已經有錢俾屋企，又同小朋友睇書，學習，我仲做得有乜唔妥。我係唔叻，做嗰份工真係冇佢咁忙，咁點呢？係咪我就係癈架？
家庭主婦係一份好辛苦既工作黎，我唔明點解d人會覺得係冇野做，或者係覺得個女人係懶囉
等大家心平氣和再傾，可能佢自己有壓力，不過佢要知道女人照顧小朋友都好辛苦的。
聽到都激心，下次真係咪理佢，咁大個人，唔介心，痾多幾次自己受苦
事過境遷先講返你心情，依家硬碰硬，都係不快收揚
明白你心情，相處耐咗就當佢唱歌，唔好令自己唔開心
工人都不如。。。呢句好hurt。。。
你先生咁講好唔識尊重人。對屋企貢獻唔係用搵錢多少黎計。為屋企尤其小朋友花既時間同心思，全部都係無價無得量化。
將你同工人比亦唔岩，工人會唔會為屋企帶黎金錢收入、為小朋友學習同生活花心思？
始終兩夫妻相處，外人好難比意見。但你先生講既說話透露左佢既價值觀、對你既不滿同睇法。你最好同佢傾下點解佢有咁既諗法，強調返你為頭家既貢獻，同埋做左好多佢冇做到甚至做唔到既野。佢既唔尊重係因為自以為搵多少少錢大晒，你唔糾正佢睇法，你哋既衝突只會繼續落去。
2個讚
好多謝大家既留言，呢件事我真係好嬲。係咪因為我好少同佢駁火，佢就以為自己講既野就啱？佢其實真係唔識尊重人。
又或者真係俾佢罵得多，個人都唔會再想聽佢講野，搞到佢成日以為我冇話題，又係度鬧
如果兩個人想一齊走到最後
一定要互相對大家有貢獻
女士通常會做啲細軟嘅嘢
而男士通常會擔當力量嘅部份
當你講度呢道，佢就成日話我係大事度冇野諗，乜都佢諗晒，又話我諗既唔啱。
大佬，咁你想我點先?又要人俾意見，俾咗又話唔make sense, 又話我冇心。
講真，你咁樣，我緊係唔會有心啦
咁屋企小事佢一樣冇諗啫，分工合作架嘛
我係你就做個真正既女王，同佢講我而家辭職架喇，我工人唔要架喇，我真係廢到貼地，比你話完之後就知醜，決定聽日返公司辭職匿係屋企唔好出黎獻世。麻煩呀老公你以後成頭家既洗費喇，順便養埋我呀你咁能幹。
唔得呀？要我幫手夾錢呀？咁即係你多多少少都係要靠我囉，咁你就講少兩句，大家都係互相倚靠架喳，你咁本事咪養埋我囉，反正你都要比說話我聽不如你養起我我日日聽都冇所謂。
對住呢啲所謂既大男人你完全放棄自己， 叫佢比哂錢，睇下佢得唔得囉。
1個讚