咁又唔得喎，就係因為我有份工，收入ok,我先可以係佢面前夠胆駁佢嘴，如果我冇咗份工，實俾佢蝦死，到時佢更加有借口用比而家更侮辱既言語話我。
我賺到d錢，起碼照顧自己就唔大問題，亦都唔會煩到娘家
支持你
我都有諗過做ftm, 但c6講明唔夠錢，唔會理娘家，唯有撐落去
如果佢話我乜都唔做，我會問佢：你覺得我要去做啲咩？咁你又盡左咩責任？
無論對方因咩事發脾氣，我都一定會要佢具體指出我有乜錯，然後佢就會發現其實不足以發脾氣。
講工人都不如真係hurt左啲喎 唔通佢一開始娶你返嚟係諗住做工人架咩
甘因為你真系吾系工人呀麻，有啲男人都吾知咩事，不如娶個工人la
佢地好似覺得自己番工搵錢大哂咁，其實女人未生bb前都係自己番工嘅la，仲唔洗做人呀四添
如果話佢盡咗咩責任，佢就有排講啦，層樓係佢供，屋企唔駛費都係佢俾，etc,佢肯定就問返我盡咗咩責任，屋企又唔駛我煮飯，小又有工人駛，etc.
我自問真係唔叻，亦都唔係好有common sense既人，同佢嘈通常都輸
你老公都真係幾自以為是⋯⋯好唔尊重你，「付出」係冇得拎個秤去秤，「乜嘢叫公平？」咁你十月懷胎又點計呀？
如果你老公鐘意用錢去衡量一個人，咁當初點解唔娶個叻過佢或搵錢同佢一樣嘅人？
你講得岩呀，以你老嘅性格，如果你做全職媽咪一定仲慘，到時佢會有更多嘢話你⋯⋯
其實佢似係積積埋埋啲怨氣再加上病心情唔好就爆發出黎
平時你會唔會係忽略左佢又或者佢負責做好多野咁架
應該咁講啦，佢份工係辛苦，我明白，係壓力好大，病咗心情唔好我亦都知道，但係就算有病都唔係咁樣講野囉。即係話佢一直都咁覺得我係冇用。呢個唔係傷害人既理由。
至於我都覺得係忽略咗佢，但內裏原因我之前都講過，就係我講乜野意見都唔啱聽，令到我真係覺得冇乜野可以再講落去，咁我亦都唔會上心聽佢講野。
再加上佢講既野好多時批評多，唔係真係咁想聽。
男人本身都冇咩腦，可能佢病都辛苦講嘢更加經唔到個腦
你做得好好架喇，在職媽媽唔易做呀，等你老公好返再懲罰佢啦
我諗唔駛佢好返，總之一日佢都仲係咁諗，我都唔會再理佢，唔見面，互相隔離
床頭打交床尾和雖然老土
我前排都曾經同老公鬧交，仲要大住個肚
但最尾發現唔嬲佢唔係佢啱；係放過自己，等自己同小朋友可以開心咁生活
你老公講野都好hurt
俾我一定同佢講, 你有返工我都有返工
點解我一定要做野都要叻過工人
好多男人都唔明白做主婦仲辛苦過返工 
可能佢病左所以心情唔係幾好者…說話係難聽d…可以唔開心…但係唔好記係心…
其實我好難忘記囉，因為佢唔係第一次講
佢咁O 嘴既, 無端端話你乜都唔做，連工人都不如…= ="
如果唔係第一次講… 咁就唔得喎… 你要同佢講返…你因為聽到佢咁講所以唔開心…
我覺得鬧交可以.但係人生攻擊就唔得… 如果你表示過如果佢咁講你唔開心,但係佢都keep 住講… 咁佢態度有問題…兩個人相處,互相尊重好緊要
1個讚
Agree…屋企都有件可以一秒著燈嘅男人，控制情緒完全係渣斗，又要面又小器
明明公一份婆一份，你有湊小朋友，請咗工人當然唔使你煮飯，佢憑咩話你冇貢獻？佢搵多你好多？叫佢養埋你養埋你娘家先咁巴閉啦
難道佢又要煮飯？如果佢唔識佢都係工人都不如