係呀，冇同佢地傾過，廢事講話一齊住之後最後唔係，奶奶實唔鍾意（好小氣）
我奶奶本身都勁錫我老公，未有孫之前都成日探佢。如果老公叫到一齊住，實肯。
唔洗賣居屋都有錢買樓。
未問即係所有野都係未落實，都係同老人家傾左先啦。過到你奶奶都未必過到老爺，有個未嫁既女，點會賣樓丫(我都做人阿媽，就算我搬去同仔住，都一定會幫個女留後路)。唔洗等賣樓錢買樓，又點會全家搬過去呢。
你仲有曙光。
就咁睇我覺得保持現狀最好 住得近但係唔使同住 唔夠近就再搬近d 同住一定多交嗌
如果有閒錢就照買屋但係放租 最多比多D家用等佢地開心下就算
買樓放租都係一個好方法，但要注意合法放租係要供左樓價一半，雖然好多人通常比左三成就放租。但依家首置好似比一成就可上會(請識既JM賜教)，如果用左呢個優惠就放唔到租喇。
如果我係你，我會簡唔夾首期，但幫手供樓（記得留供樓證據）
如果你唔供，間屋=老公家族既樓，你6299會認為佢地有份（因為佢地比左錢你地）
如果你供，間屋=你兩公婆既屋，只係比6299姑9一齊住
重點：
1）要同你老公有共識，層樓無你名但你有份
2）全家都要知你有份供，所以層樓係你兩老婆話事
3）姑奶嫁出去就無得留低，層樓無佢份
佢講到個老公咁媽寶 佢有份供都到頭來都無份話事啦，最後咪又係6299話點就點
留返黎做私已錢好過啦
1個讚
點解唔買層細啲住隔離？
點都好過一齊住， 負擔又冇咁大， 又唔洗煩上面嘅野
唔只為女， 而家老人家都會為自己留後路。
今時今世， 新抱女婿霸左間屋， 趕老人家走都聽唔少
間屋至少要有3房，將來如你們有子女瞓邊？迫入自己間房嗎？
誰做家務？你或你99？
咁多人住，洗手間都需要有2個。
奶奶霸道，老爺完全冇話事權。
唔會賣樓，如果真係一齊住會放租。
我當然唔想一齊住，但老公想我冇法子🤷
因為老公想佢地成家人一齊住囉。
如果剩係我兩公婆住，我可以唔洗考慮比晒成負成家出黎幫手買樓。
係呀，要買大屋，至少4間房，連工人房。
家務工人做。
呢個做法太不智啦！
佢地又唔係冇屋住！呢樣野你一定要企硬！
一定唔可以同6299一齊住！仲要加多個姑9？仲要咁難相處，到時你死硬！
佢地原本一家人住，多左你一個外人，實蝦死你！
相見好，同住難！好現實咁同你講，為自己，為小朋友，為左你自己的婚姻關係，為左唔好同6299關係變差，唔好咁傻啦！你一定後悔！一齊住一定會家嘈屋閉！
2個讚
答得好
但我岩岩又去游說下老公，佢哦完就算
佢決定左既野，冇人動搖到佢
唉…過來人…當初見6299都幾好，又講好晒小朋友出世後99湊，
我同老公又鍾意同屋企人住ge，覺得咩都唔洗煩麻，
點知小朋友出世後，所有問題都出晒來啦！搞到好大獲！
我自己情緒都好差，好低落，日日攬住個女 哩係間房到 相依為命…好嗱慘…
當初冇聽朋友講，真係相見好，同住難呀！
嗚
聽到都覺得可憐。可唔可以分享多d出左咩問題，你老公又點處理？
咁依家繼續一齊住？
6299，姑9，衛生好差，
呀仔學爬果陣係地下玩，62著住對出街鞋行來行去，踩佢玩具，呀仔咩都放入口咬，
62肺又差，成日咳，肺炎，又唔避忌，仲專登搵呀仔玩，傳染俾呀仔入院，成日俾佢傳染病，由細食抗生素食大！
有咩問題，老公只會叫我自己同佢屋企人講，佢唔會點幫我！我係佢呢個家好無助，好體會到咩叫做寄人籬下的感受！好委屈，就連喊都唔可以喊出聲，自己掩住自己個口啜泣，怕俾人聽到…
果陣先多左留意d媽媽gp，原來真係好多好多婆媳關係！
之前身邊冇咩朋友結左婚，聽得唔多呢d咁寫實的事！
之後有一次又俾62傳染發燒，仲要拖呀仔出去飲茶，我拒絕，跟住就第一次同佢吵大獲啦！呀女又入院，差d要抽骨髓去驗，喊死我，果次我真係忍唔到啦！我唔想呀女都要食抗生素大囉！
即日帶2個返娘家，搬左出來住！
我忍左好耐架啦！平時有咩說話聽，我都只可以哩入房啞忍，我係外人，呢個係不變的事實！
我見有好多媽媽成日都同99吵大獲架！
3個讚
外人既感覺我都好明白，我奶奶日日過黎都剩係拎1，2個生果請我個女同老公食。
番薯又拎4條，自己食2條，1條老公，1條我個女。
雖然生果，番薯唔值錢，但呢d細微野就睇到出佢當我冇到。
1個讚
同意。
層樓只能係樓主2公婆頂晒，免得他日有爭執。一講到家產真係見盡不少既反目成仇。
如果係我，我一定夾，2公婆頂晒佢。
但要講明盡孝道比家姐住到嫁人，唔洗佢供。
家姐要比家用，我估頭家都係6299 買餸煮飯架啦，講明只係日常水電食住費而唔係供樓。
而家d樓，1千幾百萬先有一間，分清楚好d