我老公遲d買樓諗住同埋佢爸媽，家姐（未結婚）一齊住。
咁層樓剩係會寫佢個名，因為我個名之前已經比我阿媽用左。
我儲左d錢，不過2月開始就冇返工啦。
佢家姐搵得多過我，又做多我幾年野，應該儲得多過我。
但我老公唔要佢爸媽同佢家姐夾錢。
咁我都唔知我應唔應該夾錢好。
如果夾，份首期就大份d，但變相我有份出錢買樓比佢屋企人住咁。
如果係我 我就唔出聲住啦 等佢出聲
但 我又咁諗 如果佢家姐有份出錢 成件事就好複雜
2個讚
你老公應有自己諗法, 你靜觀便是啦。如佢真係好照顧家人嘅, 你都無計噃, 只能睇開d, 又或者叫你老公供樓, 但叫佢問家姐會否俾家用囉
3個讚
唔夾…
買樓同屋企人住，仲要一個未結婚，係非常之複雜，而且應該避免既問題。
1, 就算層樓寫你老公名，但佢家姐如果證明到自己係有份供樓(例如每個月有比錢屋企喎，當供左樓)，第時佢係有權分層樓既業權。即係話賣樓要分錢比佢。
2, 父母響度叫一家人，父母走左叫親戚，呢個係傷感而又現實既問題。親戚之間有錢銀瓜葛係最不智，搞唔清楚連親戚都冇得做。
3, 如果有一日你姑奶要結婚，想買樓，而佢又要求將咁多年有份供樓既錢比返佢，你老公層樓賣定唔賣？唔賣要攞現金出黎比佢又可唔可行？
如果係我(嗱，我指我自己既選擇啫)，我係會咁安排既︰
1, 層樓只比老公同父母住，講明冇預姑奶既，問姑奶有冇地方自己落腳先，冇先考慮同佢同住，唔好怕做醜人，目的係要分莊閒。
2, 父母如果有意出錢，一定會叫佢地分返開兩份，一份老公一份姑奶，層樓係一個仙都唔要姑奶同父母錢。
3, 要做到姑奶份錢只係家用，要佢直接比錢父母，唔好過你老公手。
4, 比著我，我係一定會幫手供樓，因為我要證明果層樓只係我同我老公兩個人供。
呢件事上面，自己供唔供樓只係眼前小利，要睇既係大局，層樓最後會點安排、係唔係唔介意到時分家要攞埋層樓出黎分。你老公好醒，講明唔要父母家姐夾錢，免卻將來嗌交。你做老婆係應該支援佢。
當然最重要係，既然唔打算比男家有任何機會同層樓拉上關係，你就真係要勻勻淨淨，唔好用佢地錢，自己頂左去。我見識過一家人為一層蚊型樓可以去到幾盡，所以珍惜同屋企人關係既就應該所有野寫清寫楚，所有錢銀野一定要勻淨清楚，唔好比人有遐想錯覺。
19個讚
你老公吾出聲就當然吾夾.
你這層樓會变成祖屋, 吾可以賣, 父母同姑奶住到天長死久又吾會付出!
係另一方面望, 你老公好孝順.
以前同老公有共識一齊夾錢買樓，但我冇諗住原來佢想埋佢屋企人住
佢家姐比家用都唔會比我老公，只會比奶奶
錢就唔會夾, 顧左自己先.
多謝你回覆，分析得好詳細
回應下你既安排：
1, 層樓只比老公同父母住，講明冇預姑奶既，問姑奶有冇地方自己落腳先，冇先考慮同佢同住，唔好怕做醜人，目的係要分莊閒。
<-我諗佢唔會肯掉低姑奶自己住
2, 父母如果有意出錢，一定會叫佢地分返開兩份，一份老公一份姑奶，層樓係一個仙都唔要姑奶同父母錢。
<-呢點唔係好明，結婚個陣老爺有講過資助我地買樓。點樣分返開兩份，又唔要父母錢？
3, 要做到姑奶份錢只係家用，要佢直接比錢父母，唔好過你老公手。
<-呢點冇問題，老公唔要佢錢
4, 比著我，我係一定會幫手供樓，因為我要證明果層樓只係我同我老公兩個人供。
<-我依家冇做野，最多夾到首期，幫唔到手供樓
我老公就係諗住唔再買第二間，住到老。
佢係孝順，不過成個媽寶，裙腳仔咁
。
未結婚前以為老公孝順係優點，但依家知未必件好事。例如明明奶奶做錯，我話比老公聽，佢會嬲我咁話奶奶，又唔幫我話下奶奶。
依家租樓住都要住佢地隔離。
1個讚
1, 層樓只比老公同父母住，講明冇預姑奶既，問姑奶有冇地方自己落腳先，冇先考慮同佢同住，唔好怕做醜人，目的係要分莊閒。
<-我諗佢唔會肯掉低姑奶自己住
- 唔係唔比姑奶住，而係要先問佢有冇安排著落。如果冇，咁就係細佬買屋比父母住，但既然家姐你「未」有地方落腳所以可以招呼埋你，而唔係擺明細佬買屋比埋家姐住。兩樣野係唔同架。為免以後有爭嗌，講定先好D.
2, 父母如果有意出錢，一定會叫佢地分返開兩份，一份老公一份姑奶，層樓係一個仙都唔要姑奶同父母錢。
<-呢點唔係好明，結婚個陣老爺有講過資助我地買樓。點樣分返開兩份，又唔要父母錢？
- 父母錢好難分清，姑奶可以話阿爸阿媽錢買層樓佢都可以分。所以如果父母有意思比錢你地買樓，就叫佢地分返開家姐一份細佬一份，然後細佬只用自己份錢買。如果冇分兩份錢，建議唔好用佢地錢買，咁會變成阿爸阿媽出錢買既樓，就算係寫你老公名都唔夠名正言順。
3, 要做到姑奶份錢只係家用，要佢直接比錢父母，唔好過你老公手。
<-呢點冇問題，老公唔要佢錢
- 最好講明呢D係家用唔係供樓錢。
4, 比著我，我係一定會幫手供樓，因為我要證明果層樓只係我同我老公兩個人供。
<-我依家冇做野，最多夾到首期，幫唔到手供樓
- 你冇野做只係短期，自己可以出少少，然後講明有野做會供返。一層樓供幾十年，你實有機會貢獻既。
3個讚
1.老爺奶奶依家住緊既係佢地買左既居屋。所以姑奶唔會冇地方住。
我老公純粹唔想係出面買左樓，離開佢地。
2.講得岩，分2份公平d。
4.我長遠都可能未必再做野。而且老公搵得多，供樓冇壓力。就算我做返野，d人工當我自己d零用錢，佢唔會要我幫手供。
如果你姑奶有地方住，點解仲要同細佬兩公婆住？有d怪…定你老公自己offer比佢？相見好同住難，同姑奶住難免會有衝突，你可考慮自己情況。
我都覺得係, 而家冇事唔代表將來冇事…呢D野十年8年有事既話就好煩
咁全世界住入新樓 間居屋點？賣左佢？
當然係我老公offer。我都話老公係媽寶，好黏阿媽，唔想離開佢地。而姑奶又唔會自己一個住。
我奶奶好霸道，我姑奶好奄尖，有得比我揀，我都唔想同佢地住，好大機會鬧交囉
嗯，唔要佢出錢，但唔知自己好唔好出錢。
你老公呢個決定…佢一定會後悔。
如果層樓你唔打算供，其實都冇say.
層居屋仲響度，佢地打算賣？出租？如果未諗，最好叫佢地老爺奶奶同姑奶自己住返，用乜野藉口勸都好啦。如果唔係，要同奶奶姑奶住…你應該好快會開新post.
另外 go back 返供樓問題，我個人建議多多少少要出D，唔想講到咁白，但到兩個人嘈交又不幸地有任何決定，你會興幸自己出過呢舊錢。
既然仲係到, 佢地又唔係冇地方住