真心唔明
中國肺炎係美國同歐洲都未搞掂，美國極有可能牽頭向中國拎賠償；香港就嚟變一國一制，9月立法會選舉搞唔搞得成都係問題。
政局不穩，香港前途暗淡，都仲講買樓？
冇病呀？
如份工穩陣eg 政府工，又有一筆saving我覺得又可以嘅
不過俾我會等再跌下先
1個讚
除非你覺得會突然所有工商都會停曬，唔係既話其實唔係好影響需求，而且比你留現金又點？最多唔買太貴既樓咯
有啲人會認為 大家最驚入市 就係最好嘅入市時候
即係咁, 唔走都要住…可能而家交緊租…咁囉
3個讚
認為今次是沙士翻版
1個讚
咁點都有住屋需求嘅，交租不如供樓
1個讚
如果是自住應該無問題, 因交租都唔平
1個讚
因為預計走唔到，始終都要地方住。如果供到嘅話，買咗好似比較唔洗諗啲租金會升定跌定要租到七八十歲咁。
不過要諗一國一制後，層樓到底仲係咪自己嘅…
就算太古城係999年，喺依加中國唔會尊重任何合約嘅情況下，都唔可以肯定一定冇事…
1個讚
咁個問題就應該係點解仲會買香港樓？
香港一國兩制名存實亡，仲可能有金融中心之稱？
啲外資走哂，咁香港樓仲有乜價值？
有人租變買，有人大屋換細屋，留番筆錢養老，有人閒錢多，個樓市一回少少即刻入市，有人等咗上車好耐，趁個市跌咗少少，就四出搵樓，有人因為準備結婚，一定要買樓住…其實真係好多不同原因的，而家個樓市冇大跌，不過肯定唔會再大升，加上利息平，銀紙貶值，買磚頭保值的人也不少！
4個讚
身邊有唔少朋友睇梗樓，因為真係有人走唔到/唔想走，就算前途暗淡都有自住需求，加上有6成香港樓已經供哂，加上sars經驗基本上個個都等入市…
如果香港變成一國一制係咪對樓價都冇影響？
會繼續升
講真d大陸佬覺得香港好好
樓價上唔會
大家都學精咗啦
1個讚
答你唔到 
可能大家仲有一絲希望吧
我個人諗法，如果變左一國一制有大批人賣樓移民既話就可能有機會跌，或者支爆大批強國人要賤賣響香港既資產都會令樓價跌
不過我覺得香港人自住既剛性需求真係好強
仲要有唔少父母樂意亦都有彈藥幫小朋友買樓
最慘係見到香港人辛辛苦苦儲嘅錢因為支爆就化為灰
1個讚
總有人有自住需要既，唔通結左婚，老公屋企得個4百幾尺住左6個人，仲逼到入去住咩
1個讚
趁樓平，買左先，日後升值賺大油水。