啲人就係為買樓生活。
我識人係睇緊樓，想今年買，佢話下年一定升，今年一定要買！
同時，有朋友賣樓移民
有需要既就買，好過交租，個價無之前企得甘硬，業主肯減價，份工隱定，所以買左先，跌吾跌價無人知，好多人之前就係錯失左買樓既機會，一直等跌，又認為跌左少少又想再跌多少少先買，一路都買吾到，點知仲係甘升，我認為大跌就未必會，政府一定會托住個市，回少少自己又負擔得起咪買，機會係留比有準備既人
2個讚
仲有美國印錢呢，貨幣又貶值了
咁都有廿幾年住，到時收歸國有都冇計架
馬交咁樣，外資都冇走曬啦。香港樓咪自住價值囉，可以點
供3萬唔包管理費同地租差餉，未計你買樓個時個首期同stamp！
租每月2萬，甚至可以講低d，包管理費，地租差餉
前後計下
差好多嫁
唉，香港人俾政府搞到short short地，萬幾2萬蚊一呎樓都叫平，痴咗線
因為現金或其他資產會貶值得更快
香港對業主好好，亦keep住有人租，全世界冇乜地方係咁。掉返轉租客持續弱勢，俾一個月通知就一定要走，業主企硬就無得傾
如果係自住既，無話疫唔疫情，只有。。。有得住同無得住。。。
租同買都禁多錢，有能力比首期既咁當然係買。。。
無左份工既租屋就交唔到租比人趕走。
無左份工既買左樓都仲可以賣左佢搏一搏。
我識有人真係呢個時勢買樓，做政府工，人工穩定。
自住都要買架，
我有彈藥都想買多一層收租。
住屋問題香港搞唔掂架喇，只會地少人多，起多多公屋都唔夠內地同胞，又要俾大陸有錢人走資洗黑錢…
所以有能力，咪買個自住，起碼都叫磚頭。
因為香港其實仲有好多人收入穩定(例如公務員)，而響全球量化寛鬆既今日，都可以好肯定疫情會令各國再加大力度狂印銀紙去支撐經濟。所以有能力既，買資產(包括樓)去保值係可以理解既。
香港樓之所以仲咁貴，幾時都有接貨，除左因為鋼需外，仲有其他各國對呢度既信心。我地雖然覺得會變一國一制、香港政局混亂，但外商睇法可能唔同。比起北上廣深，佢地仍然係信香港多D，如果要做中國生意，香港爛極都仲係香港，仲有套佢地熟悉既法制可以用。所以幾時都要睇下D有錢佬同外資既動向。
1個讚
放工我都賣左層樓，租客同我租左10年，因為有咗BB而家要換大啲！
我同老公決定賣咗佢！其實真係好快，1個月唔駛就賣得出仲要好價！
我哋都估唔到係呢個時間都唔會有咁多人睇樓！
其實香港真係好多人唔夠地方住, 呢個時間買既,好多都真係有需要, 結左婚要分開住既, 離左婚又要一齊住既,真係大把架, 係香港供求係好大問題
有時我又諗，香港法制變差，就變成另一個深圳/上海之類咁，有發展但冇私有產權
但深圳/上海甚至北京啲樓價咪一樣高
樓市永遠唔跌嚟個神話好似已經深入民心
係香港就係 
我都好唔明，唔係話好多人失業咩，樓價仲企得咁硬。
其實個需求仲響度，我有層樓長期出租冇話放賣，但由一月開始不時有經紀打黎問價，話左有租客都仲要問可唔可以交吉。而另一層上月同時放賣放租既，明明只係比左一間試水溫，唔夠兩日其他同區地產店都打晒黎問…應該係依家既放屋政策COOL死左好多供應。