我都想半年香港，半年日本。
諗過幾樣必要做嘅點解決，醫療可以買旅保，電話可以租，銀行用offshore，只係㩒錢要收費。
如果旅遊visa，可唔可以年年半年咁申請呢?
香港旅遊護照，可以喺日本逗留三個月。每年可以逗留大約六個月。但係呢一個只係guideline. 海關如果懷疑你喺度工作, 可能你再次入境嘅時候會問你好多問題, 甚至有權拒絕.
我自己經驗我哋初初搬過嚟沖繩, 工作簽證仲未批. 我哋係用旅遊簽證入境. （係咪好用勇敢！）我因為爸爸有事，三個月之內進出日本幾次，有一次入境嘅時候俾人質詢。最後放我入境。
但係相反，我有個朋友，一直想搬來沖繩居住。前年年尾辭工，過咗嚟沖繩搵工。搵工期間，逗留左七八個月，期間去過泰國，香港。日本海關從來冇質詢佢。
所以六個月期，只係一個guideline. 如果日本海關問到, 就睇吓你可唔可以講得通.
或者仲有另外一種簽證, 證明銀行存款超過某數目, 可以同政府申請半年旅遊簽證，就嚟到期之前可以續簽一次。
你哋直頭令我熱血沸騰添啦~
每次想去日本長期逗留,總有事發生令我要放棄…或者係藉口,根本唔夠勇氣同堅持.
我就係睇咗你哋fb live講銀行存款有2百幾萬可申請旅遊簽証,咁每年都申請半年得唔得呢?
又唔得喎。。。
因為我哋未試過所以我唔敢好肯定咁回答,但係我哋所知, 只可以申請一次, 同埋renew一次.
咁咪要三個月日本三個月香港三個月日本三個月香港囉
經營管理簽証睇你哋同出面資料成日話,唔可以落手落腳做,指手劃腳就得.
見到好似有香港人開雞蛋仔流動車,自己整雞蛋仔,做民宿嘅,自己做網上聯絡,
點解又得嘅?
近排除咗你哋,見到youtuber百幾萬買楝全新一戶建,地點完全OK.
雖然我較喜愛apartment,又怕咁大做家務做到嘔泡,但係見到都覺得開心.
有d youtuber唔洗一萬租到間是是正正嘅apartment,睇得出佢住得好開心.
好似你哋咁,鍾意海,又砌吓樹屋…咁樣先叫生活嘛~
如果冇人查，當然得。
你可以請人做，你做教佢哋點做。但係如果你係長期落手落腳，差起上嚟嘅時候冇辦法證明你只做管理，咁你嘅簽證就會凍過水。
日本行honor system. 遊走灰色地帶，出事就PK. 例如武漢肺炎, 好多因為咁攞唔到資助.
個問題就係你敢唔敢冒險？
吓!佢哋仲接受傳媒訪問咁揚!
安倍都係古古惑惑架啦~佢睇重錢,市民睇重生活.
有D嘢擺明隻眼開隻眼閉,到有咩事,一句你犯規就可以趕你走.
呢個係日本一貫嘅做法. 規例非常嚴格, 但係通常唔會用到盡. 但係如果要用, 你一定輸.
所以日本做生意，或者生活。一定要有呢個心理準備。如果依照返香港台灣大陸走精面,未必可以走好耐。
多謝你嘅分享，我都好想有機會移民去日本，有啲Facebook買樓嘅專業又話買樓出租可以移居，不過知道好似每年要有30幾萬profit, 咁就唔係咁容易！
所以都係諗第時老咗小朋友有自己生活我哋就去日本住吓！
其實冇固定需要幾多profit. 但係買樓出租唔可以. 你需要設立一間地產投資公司, 購買物業再出租. 但係唔係講緊一間半間。有種簽證係做物業投資，一間半間樓 政府唔會當係物業投資。
咁就變咗你嘅物業要轉成民宿牌照，咁就要符合唔同嘅規例。反而係比較多人做尼樣嘢。但係而家民宿越來越多，競爭越來越大，越嚟越難做。
結論就係，如果諗住買樓就可以移居過嚟日本，通常行唔通。
咁物業投資簽證又唔係冇得諗喎，可以了解一下有咩規矩要跟先，不過當然要再了解多D先！thx again!
1個讚
呢個雞蛋仔自己做晒.
應該至少做第2年,拎到第2年簽証.
後期好似幫人搞埋流動車.
感覺上,入國管理局見到佢哋咁努力去做,都會放寬經營管理嘅執著,
加上佢哋如肯生小朋友,會更有利.
如果諗搞民宿,睇吓呢個,講得幾好.
立例後之前搞民宿嘅,整走9成人
1個讚
我唔敢講。但係佢哋將佢變成代理權經營, 或者幫人做setup, 咁就當然合法.
俾係人情唔俾係道理。
冇生意係完全合法，但係呢個險，你敢唔敢去冒。大家把尺唔同。
我哋自己公司為例，我哋盡量做到足晒，所以成本比其他舖頭高好多。亦係咁嘅原因，我哋夠膽放盡去做，做好多人哋唔敢做嘅宣傳。
啱呀~如果一開始明知自己係冒險,就要有失敗嘅後著.
冒險嘅,更加要喺其他方面比多D誠意.
我諗都好少鍾意日本嘅香港人會唔識你哋.
Hahah.
如果兩公婆一齊去做生意, 其實有灰色地帶做. 但係有乜嘢後果同埋續簽證嗰時有冇問題, 要睇個別嘅官員。
原本想係福岡諗民宿，當地朋友都話唔好。我話一係你搵本土投資者提供個地皮，我幫佢打工
要睇個別官員<—非常同意.
呢句令我醒起D經驗想分享,怕教壞人都係收手