咁真係好好喎，我聽過朋友去日本啲鄉下地方都俾人歧視，anyway ，最重點都係搵唔搵到食
其實呢度搵食唔難。主要係睇你要求幾多。
沖繩人平均收入唔夠20萬 yen, 但係可以養活一家人, 有車有樓, 兩三個小朋友 (係呀沖繩好鍾意生小朋友…). 我哋初初嚟到嘅時候人工都係20鬆啲, 儲唔到錢, 只係收支平衡. 但係生活好開心. 以前香港成日去旅行，用好多錢。住咗沖繩之後第一年完全冇諗過去旅行，因為日日都係旅行mood. 第二年就開始去日本內陸, 去福岡嘅機票¥2000, 平過去澳門.
嚟到就會開始見到有唔同嘅機會. 好多嘢本地人睇唔到, 因為我哋睇嘢好自自然然會用香港果一套擺落去, 例如見到有啲過癮嘅, 會諗香港人有興趣喎~ 點樣可以market佢。
2個讚
琴日分享左九州邊度多怪獸父母。順便介紹埋親自論壇 ：）
2個讚
提外話，請問有潛水店資料嗎？ 疫情過後想去沖繩潛水 
1個讚
2個讚
正。我睇吓Ｄ資料先，有問題會去嗰邊問，唔好騎劫你呢個post 
1個讚
唔緊要，呢度問都得。多啲人可以睇到，BK 就會多啲人入嚟 ：）
一直唔記得介紹呢一個FB Group.
佢哋叫“日本移居丶資訊騙局及分享情報“
上年反佔中勁多所謂嘅移民顧問公司幫人搞日本移民。最後變成騙局。東京有一個老華僑，睇唔順眼，同一班人開咗呢一個FB Group.
好多大家FB 上面見到嘅日本移居廣告, 佢哋都有評論. 佢哋裏面嘅人好專業, 日本會計師, 建築師, 測量師, 律師. 佢哋會好清楚咁樣分析懷疑個案. 甚至如果想起日本買樓, 佢哋可以話到俾你聽呢啲樓值唔值得買, 同埋點解.
我記得有一次香港經紀介紹, 一間舊屋, 黃金地段, 價錢非常吸引. 嗰個人上嚟問值唔值得買, 啲人即刻話係咪邊間邊間, 果一間唔可以重建, 因為城市規劃法導致冇辦法重建.
準備移居日本，可以上去問一問心目中有懷疑問題。但係要注意，唔好問啲太過初階問題。例如唔識日文可唔可以移居日本… 建議做吓功課先至上去, 慳返大家時間. （仲有佢哋好憎香港政府）
3個讚
我地一家超鍾意沖繩，我有諗過移民去沖繩，攪小生意，但係未諗到做咩好
，同埋我個女已經小學，去到會唔會好難適應？
建唔建議去退休, 因為天氣唔會太湅.
唔會。
好多人擔心小朋友適應唔到新環境。其實如果唔係頻繁改變，小朋友好快就會適應新生活。語言對小朋友成為必須，佢哋自自然然會努力學習。相反對大人來講，因為我哋可以用身體語言或者英文溝通，所以學習語言會比較慢。
我識幾家人甚至個仔中學先至過嚟讀政府學校。學校亦會好努力幫小朋友融入。
如果真係擔心可以讀國際學校，或者英文學校。學費相比香港唔算貴，十幾萬円一個月。（我哋自己做讀本地學校。）
1個讚
你問起，先至醒起我從來未回答過退休問題。FB由媽媽回答比較技術性嘅問題。今次我回答比較生活上嘅問題。
經歷過武漢肺炎之後，可以話俾你聽非常建議。我哋而家嘅潛水舖頭休業狀態，所以我哋過咗幾個月嘅＂退休＂生活。
天氣好就去沙灘，天氣唔好就留係屋企或者去商場（嗰陣時仲未休業）。想見多啲人氣，就去市中心。想自閉，就去海景或者森林cafe.
生活指數差唔多係全日本最低,一定比香港平好多好多. 如果知道喺邊度買, 一斤菜大約$6-7港幣。
醫療完善，天氣好好。
但係如果退休一定要識揸車，如果唔係你好快會發霉。
譬如尼種商場，民居附近，商場前面係海灘，住喺呢邊可以成日都唔離開自己居住區域。行路或者單車已經可以解決晒所有問題。（我哋就係住呢度，但係商場延遲咗開幕）。
3個讚
請問你地移民前點學習日文？
上語言中心定自學？
有無學習方法/心得可以分享下？
謝謝你
我哋有諗過當細路入左大學，我哋兩老每年旅居日本幾個月，想請問除左 airbnb，日本仲有冇其他短期住宿選擇？醫療方面，我完全唔了解日本嘅情況，佢哋係好似加拿大咁全公立，還是美國咁全私家，定係好似香港咁一半一半？外國人係去睇私家？
我太太本身大學嘅時候讀日文，所以語言嗰度問題唔大。
但係我呢個老人家一路都唔識，成日成日俾人鬧。我個女而家做咗我嘅翻譯。
我公司嘅同事，有啲自學，有啲上堂。但係綜合佢哋所講嘅嘢，首先上堂，有一個概念，打好過底。跟住可以自學，但係一定要有紀律。如果冇嘅（即係好似我咁），一定係上堂先至可以迫得到出嚟。
純自學，進度係慢到同唔識冇分別。只有極少數例子，可以成功（我哋嗰個shop manger 係唯一一個成功自學到N3, 非常有規律, 所以我哋搵佢做Shop manager.)
1個讚
如果一年住幾個月, 你嘅選擇最好係Airbnb. 因為可以日本唔同地方周圍走 每個地方租一兩個禮拜.
但係如果你淨係固定譬如喺東京，每次租兩年，有啲盤願意租比外國人，通常會貴少少。因為要幫你搵埋保證人，又或者個業主知道出邊唔容易搵租比外國人嘅盤，收貴啲。但係通常1年租金都平過幾個Airbnb。
不過如果你想去啲偏僻啲嘅地方住, 細啲嘅城市, 唔係咁容易搵到租比外國人嘅租盤。
最後個選擇當然係買，但係好多嘢跟手尾。未必化算。
醫療系統，基本上所有醫院都係私營。只不過保險有唔同。有個叫做社會保險大部份人都會買，平時睇醫生買藥，你俾咗保費之後，你只需要比30%。剩返個七成，由政府負擔。如果超過某個金額，可以申請補助。仲有第二啲保險，有啲連個三成都唔使比。
如果有興趣了解日本醫院入院，俾錢點樣運作，可以睇我的經驗⋯⋯我已經係常客
1個讚
明白。我哋應該唔會住一年咁長，都係諗住今年呢個城市住三四個月，明年又去另一個城市住三四個月咁，以前要返工要睇住細路，每次去只可以來去匆匆，頂晒籠十日八日，將來冇牽掛時，希望可以住長 d 時間，好好 explore 一下一個地方。我好鍾意京都，覺得佢四季都有唔同風情，好想可以住落來慢慢細味，我有諗過買一個蚊型 apartment，但好似你講，驚好多手尾要跟，都係算了
醫療方面，遊客短住應該買唔到國民保險吧？咁就用旅遊保 cover
多謝你嘅資料
其實旅遊保險咪最乾手淨腳。而且又平，真係用到，好快抵番。我哋有啲員工工作假期過嚟，佢哋可以選擇社會保險或者旅遊保險。我哋全部叫佢選擇旅遊保險。
1個讚
我唸緊退休一係去日本(最初唸住北海道, 但又怕湅), 一係去清邁. 但係泰國好似可以申請養老VISA, 不過而家初步唸都係旅居, 唔想搞咁多野. 香港人都係飛來飛去的, 兩個月飛一次其實唔難.
我有車牌, 日文就唔太好但都識聽識睇只係講得好差. 睇來沖繩好過北海道
希望自己層樓盡快供完, 到時可以有被動收入去外地住.
我哋就係睇中沖繩天氣好,同埋自己本身好鍾意潛水. 再加上呢度嘅人非常非常友善，所以最後決定落地生根。
依家希望自己等個女去第二度讀書，（始終想佢去第度留學，增加世界觀。），我哋兩個老人家就可以半年北海道，半年沖繩。