我個囡一歲8個月，仲未識講野，只係識手指指同講d bb話表達佢想要既野，最多講出類似媽既音 
平時都有無限loop ，重覆同一樣野同佢講，有時指住樣野教佢講，就會即跑走 
其實咁上下大仲未識講野係咪唔正常？
健康院有咩講？
一歲半返去打針時，健康院有話講野方面唔合格，話囡囡兩歲時要翻去健康院再測試一下，都係唔識講野就見醫生 
唔使擔心既，見醫生都無咩嘢的，大多數讀幼稚園後會講嘢
以前識幾個媽媽都試過是bb兩歲要見醫生，一路跟進緊，通常到幼稚園時會大幅改善的
姐都算正常範圍內？ 
我囡囡既表姐只係大佢兩個月，好多野都識講，仲識埋英文，佢媽咪拎個動物公仔，問佢咩黎，唔洗提佢，中英文都識答，仲要識得自己拎住本英文字書仔，自己讀abc… 
睇到咁既情況，覺得有d壓力，都隱約feel到老公為女兒既進度感到不快 
請教過佢媽咪，都係每日重複同佢講勁多次，不過我果個試左都唔work…
唔使擔心呀。我仔仔都係咁。歲半個陣都唔多講野，好好好難得先叫一聲媽。健康院都話佢語言唔合格，要2歲番去再check.
不過佢過左一陣，好似自己開竅咁，開始模仿。宜家21個月，會對答，嘗試組織句子：蘋果，批皮，俾hinhin食。
距離上次健康院檢查都只係3個月，突然神速發展。
媽媽你加油 ，同佢傾多啲計，靜待開竅之日。
1個讚
開竅依到笑左
睇到你哋既回覆後，感覺都舒服左冇咁精神緊張，希望我keep住同囡囡講野，可以快d開竅，期待佢好清晰叫爸爸媽媽果日 
每個B都唔一樣,有D會好慢,但之後可以一句句子講到出黎. So take it easy.
你唔會有興趣知道呢啲媽媽點樣“特訓”個小朋友
絕對唔洗擔心。我媽話我2歲時1粒字都唔會講，驚我唔識講嘢，帶我見言語治療師，之後都唔講，點知係我2歲3個月時，突然爆出一句 “哥哥陪我盪鞦韆"，嚇到我屋企人傻咗。從此，佢地想熄我機都好難。
ps.中學時仲攞過學界演講比賽冠軍
所以真係唔洗擔心 
6個讚
如果我囡都咁突然爆左一句句子出嚟，我覺得我都會嚇親同呆左 
你爆左果句之後既日子，都係一樣一句句咁講到？
放心
一返佐幼稚園後會勁多野講架喇
我小朋友16m都淨係識 呀，mum
爸媽未識叫
不過我唔太擔心
因佢指揮人做野好叻
同都聽得明指示（做唔做就睇心情喇）
你會唔會屋企有2種語言或以上?
因我姐姐同佢講菲式英文
我地盡量講廣東話
有媽媽話2種語言佢吸收都要多啲時間
仲有係盡量講返同一種
唔好中英夾雜 驚小朋友會混淆
咁慢慢小朋友會自己識對咩人講返咩話
我信老人家講
遲講野，遲識行
係好命嘅表現
係呀，第二句就係 “爸爸騎木馬” 呀媽話之後都係句子型式，e.g. xx飽飽喇，爸爸屎屎臭，當然有時都講單字。
其實呢，要識得講說話有2個條件，第一係腦仔有認知能力，即係佢心裡知道媽媽叫"媽媽"，蘋果叫"蘋果"。第二條件係口部肌肉夠力，其實要講出一個字，需要多組口部肌肉，如果佢啲肌肉未ready，就講唔出來。
所以如果平時佢知你講咩，例如你同佢講蘋果，佢識指，咁即係佢認知到個件物件。
口仔肌肉方面，可以同佢玩多啲吹泡泡，或者剪碎啲紙俾佢吹，又或者沖涼時叫佢吹下啲水，都係對口仔肌肉非常好啲訓練
希望幫到你啦
我仔都係20個月先開始講句子, 之前都只係講單字咁, 只要爸爸媽媽成日同佢傾計, 佢吸收左之後會突然爆發返出黎…
依家我仔…想佢唔講野2秒都好難…
我仔差唔多2歲先肯講，返nursery之後就講唔停~
留意小朋友同你溝通既反應，係咪聽得清楚指令。
我大女1歲開始識跟住講, 1.5歲已經可以對答如流
但細仔2歲先開金口, 而家2歲3個月, 都係講單字/詞語
未講到句子呀
每位小朋友發展都唔一樣，你多d引導佢，佢指住果野樣就唔好即刻俾佢同佢講係咩黎既試下 鼓勵佢講出口，多d同佢講野，佢示範時口型要俾佢睇到
唔駛擔心, 個個唔同
我仔都係咁。
一見完健康院，
佢好似知道自己fail左，
之後就急起直追。。
到宜家23個月，已經對答到。。
又理解到，組織到句子