其實講BB 話好得意, 我會盡量錄低佢,
BB有好多創作, 例如:
1)麵包超人叫-式式
2)兔叫-Flow
3)baby shark 叫 - dodo
4)抱叫 - 鑊
笑死
有講bb話可以不用太擔心，而且女仔出現語言問題嘅機率相對低，可以觀察住先。媽媽亦唔好跌入比較嘅陷阱，每個小朋友要行嘅路都唔同，唔需要互相拎出來秤，無謂令自己辛苦。
最緊要佢聽唔聽得明你講乜？同你有冇眼神交流？
如果冇其他特別問題就唔需要擔心。
我朋友個仔以前兩歲幾都唔多講嘢，返k1都好靜，俾人話佢智力有問題。大大下佢多口到佢媽想佢講少啲
佢而家好大個啦，IQ係高過正常人，好叻仔乛
有一種叫‘語言前技巧’，你可以睇下你小朋友有無以下能力，有的話就唔使太擔心住，代表佢已經ready學語言，可能只係未有足夠社交接觸機會，令佢說話意慾較低，
語言前技巧：https://mamibuy.com.hk/talk/article/70070
同時都可以睇下呢度，有講5個技巧去教家長教小朋友孩子講嘢
https://bit.ly/2XYI2Um
希望幫到你！
2個讚
幾好，多謝推介
我仔兩歲前加埋都唔知有無廿個單字, 去咗私家做評估話佢delay 半年至一年, 後嚟因為差唔多要返pn, 諗住睇吓返咗學點先算,月返學短短幾個月都進步神速
不過私家評估後治療師都教咗我一d心德點令佢開金口, 所以如果小朋友2歲都未講到句子, 唔好等政府, 去私家評估咗先
1.建議睇言語治療攞d教自己小朋友開金口方法？
要小朋友產生開口的意欲，例如陪玩時多描述小朋友做緊的動作，小朋友需要某些物品時，遲幾秒給她等，可再上網參考一下。
2.注意飲食習慣（要多咬野口部肌肉才實）
3.個人認為有機會與遺傳有關，問下兩邊老人家你們兩個幾歲識講野
我都係
不過在家努力同佢講野後都有成果
佢為食
我每次俾佢食野之前要佢講野食名
迫下迫下好似講多左野
我女兩歲半先識講句子，依家7歲日日講一堆嘢講到我頭都痛。。。
我仔都係有speech delay的, 當年佢兩歲半都未講嘢, 所以考PN同K1面試時一句嘢都唔講(仲要係年頭出世嘅大仔), 好彩PN時有學校收… 我仔兩歲半左右開始跟言語治療師上堂, 治療師話佢口肌比較弱… 可能再加上後來開始返PN, 好快就可以講句子, 冇咩點經歷過BB話嘅階段, 哈哈… 而家已經12歲了, 一直都冇咩問題, 牙尖咀利, 所以大家唔好太擔心, 把握時間做訓練其實對小朋友日後唔會有咩影響的.
大女2歲 in 幼稚園，未識講嘢，一樣有唔少學校俾offer 佢，因為識聽指示跟住做
PS: 佢評估咗有自閉傾向
1個讚
細仔健康院跟進到佢見咗4~5次醫生啦，睇語言發展，去到4歲就轉介咗佢去言語治療師，都唔轉介佢去CAC, 然後我哋自己搵咗 NGO 評估，結果同大女一樣有自閉傾向，所有發展都係差d d(除咗大肌肉)
比個兒科醫生跟進一步，情況會好好多架