唔只係女
生咗仔嘅都要好好教育下一代
要保護自己&尊重其他人
樓主好勇敢！支持你！而家唔止女仔，男仔都要好好保護！
所以我一定唔會比我個女去人地屋企sleepover!
變態佬何其多!
仲要改自己個囡一樣名… 好恐怖!
印象中美國名嘴Oprah細個都俾親人性侵。其實真係唔少呢啲case.
希望樓主早一忘記傷痛!
最傷嘅係當講咗出黎之後，父親嘅不信任。仲有見到佢地好痛愛人地個女，當自己表達不滿時，媽咪話我心理有問題。 其實我做錯嘅，可能係對父母有期望。
2個讚
謝謝樓主鼓起勇氣分享
你好叻咁面對，記住唔係你嘅錯。好好向前行呀！
我明白你嘅痛，我係明。
其實大家有仔有女都要自小教性教育！
其實兒童性侵，受害人係男多過女，所以男女都要教呀！
早幾日我同媽咪喊住咁講，當見到佢地對個細路好好，好到周圍去玩又買金鏈比佢，而我地細個咩都無，我覺得好辛苦。結果係父母無理過我嘅傷心，仲大大聲同爸爸講：“唔好理佢，啲人鐘意講咩就講咩” 。 佢兩個睇電視笑晒咁，完全無理過我，亦無傾過呢件事。
呢一刻，我對父母死心。我只想佢地理解一下我嘅感受，或者唔好成日喺我面前狂讚個細路而狂踏我。 小至食蛋卷，我話幾好食，而佃細路話：唔好食，又無蛋味又得個甜字。 佢地都可以讚佢叻女識話無蛋味，然後話我無鬼用屎唔臭都話好食。 我知唔應該同個10歲比，不過好多呢啲細碎事情令我好唔舒服。
1個讚
呢一刻真係唔想再同佢地溝通，對佢地越有期望就越傷害自己。 如果我第日好彩有小朋友，我一定會好好保護佢，無論男仔定女仔，一定會教性教育，教佢社會上可能遇到嘅危險，亦會多啲關心佢。
2個讚
樓主加油！ 我都有不快經歷，仲要係我老豆。如果父母唔關心你感受，就盡量唔好俾佢地影響你情緒，將專注力放多d 喺愛錫你嘅老公、朋友身上！
樓主。好快你會有自己家庭，將重心放係老公度好過，唔值得為唔鍚你嘅人唔開心呀
你父母唔識做父母，對外人好只係為左好名聲。你已經咁大個，唔洗將佢地睇得太重，相敬如賓，表面和諧就算了。佢地唔會理解到你，呢個世界唔係所有野都可以和解的。 恭喜你就快有自己既新家庭，以後將重心放番喺自己既家庭到，會幸福的。加油！
2個讚
祝福你！雨過後會天晴。
其實佢哋講一句對唔住，相信樓主同埋佢細佬會釋懷好多，不過我相信佢哋唔會…
細路女都搞，真係好變態
樓主你好叻好勇敢
D衰人一定有報應
有需要揾風雨蘭
生女真係會多好多擔心，我一定會係佢讀幼稚園，離開我視線範圍之前，就教定佢。我自己係好care性教育嘅人，唔會怕尷尬，一定有咁白講咁白，等個女知道呢啲唔係咩羞恥事，要識分是非黑白。