我女而家3歲我都同已經教佢身體邊度唔可以亂摸，爸爸公公舅舅都唔摸得，人地摸你要話俾媽媽知同埋要大聲say no。當然佢似懂非懂咁啦，但我都想做好呢方面教育，洗佢腦要保護自己，因為而家真係太多孌童
2個讚
你真係好勇敢
好恐怖，佢會唔會當個女係你
多謝你勇敢地分享左你嘅經歷，希望你未來幸福快樂，好人一生平安！
樓主好勇敢，事情雖然成為你人生的一條刺，但要多些跟未來老公溝通，不要鬱在心底，慢慢可淡化傷痕。祝福你的未來。加油！
樓主同其他姊妹都好勇敢！
就算上咗年紀嘅父母唔理解，至少呢度有啲同道中人，互相扶持，聆聽彼此嘅心聲！
所以一定要鼓起勇氣啊 
做自己認為正確嘅事！處決晒啲鹹濕廢老！！
多謝你嘅分你好勇敢，加油，祝你同未來老公開心幸福。
多謝樓主勇敢分享，多年來辛苦你了
你地都好勇敢！
我都有個女，而家換衫換片都一定入房換，同埋我覺得大家都要留意同信任小朋友，佢地感覺最直接，如果突然好憎一個人一定有啲野，就算唔係非禮，可能係其他令小朋友唔舒服嘅野，一定要問清楚！
2個讚
你好勇敢呀，過去影響左你，不過希望你而家過得幸福。
無論係女仔定男仔都要教佢哋點為之正常同唔正常嘅接觸 
件事要你收埋係心入面咁耐, 真係辛苦你了 
細細個好多既經歷對人既成長都好有影響
我覺得樓主你真係好勇敢, 肯講呢件事出黎提醒各位有女女既媽媽
都好高興你搵到個理解你, 又同你一齊面對同努力既老公=]
認同有滿足感同開心就夠, 生活其實好簡單
祝你永遠都幸福快樂 
有時都會覺得好抑鬱，好辛苦唔知點算。尋日同媽咪講，當我見到你對人地細路咁我，我覺得好辛苦，到底邊個先係你個女? 結果係比佢我話心理有問題，唔抵得個10歲細路。又話我發現我自從將仆街叔件事出黎之後，個人變得越黎越衰，唔想其他人好。 聽到佢咁講，真係無言。
細佬好多年前患上鬱操症，我覺得父母有好大責任。
我好愛父母同細佬，但係又好難溝通到。成日都會因為佢地而覺得失落，成日靜靜雞喊。希望快d到7月，結婚後離開呢度。
3個讚
樓主加油~
你一定可以幸福地生活落去~
上一代既人真係好避忌呢D嘢，佢哋未必係唔想幫個女，而係佢哋唔想面對呢d事情。
雖然話生女好開心，又可以買靚衫又可以扮靚。但我係古老人，覺得生女好多嘢都比生仔擔心(當然，人心不古，生仔都要擔心既)
唔可以俾人摸嗰D同埋身體名稱係一定要教，之前上過堂，個講者話好多時小朋友出事後唔係唔想講，其實係唔識講，因為唔知點稱呼身體既部位。
我自己嚴禁個女去人哋屋企嗰時，入人哋間房度玩。我會同佢講咁係冇禮貌，就算人哋俾都唔可以。一來睇到佢會安全D，二來有人逼佢入房，佢都可以有藉口唔入或者同我求救。
1個讚
性教育好重要，自小就應該教。學校唔教家長都應該自己教。
樓主分享經歴提醒大家，相信已放低好多。祝福你！
我覺得佢地唔想承認自己疏忽咗你，做成錯誤，你又大個補救唔到，亦都唔想補教，因為補教等於佢地認衰，所以不斷否認你。佢哋咪啱囉！
佢地心底又唔舒服，以前無能力對你同細佬好，宜家唯有對其他細路好，彌補心底遺憾。
2個讚
你好叻呀… 可以慢慢行番出嚟, 向前看, 你會有美好嘅人生, 至於D畜牲會有報應, 若然未報,只係時辰未到, 唔好再諗佢啦… 我都有個女, 佢好細時, 我已經好好教佢點保護自己… 雖然依家話就話男女平等…但有時D嘢, 都係女性會蝕底少少…所以更加要小心…
真心佩服！
要坦然面對呢個陰影好唔容易，需要好多好多嘅勇氣面對⋯⋯
要學會釋懷啊！往後嘅日子將會過得更舒服自在。
祝你幸福快樂 ！
現實中好多非禮性侵案都係熟人落手，教練、補習老師、叔伯親戚等，因受害者同家長對佢哋無戒心，更易得手。
害人之心不可有，防人之心不可無。由細教子女基本性知識，令佢哋懂得保護自己好重要。
最後希望樓主早日擺脫陰影，個人渣眾叛親離!!!
變態佬真係周圍都有
1個讚
樓主勇氣分享經歴提醒大家性教育好重要，自小就一定一定要教。
提醒女女保護自己 祝福樓主！