如題，盡量幫大家解答問題。
歡迎同行一齊解答，
擴大黃色經濟圈
最近見啲mpf蝕佐好多。咁就諗儲蓄保有冇用。但我最近看回那些所謂給小朋友的儲蓄計劃。佢保證回報其實都好低。只係靠非保證咁整大個數。我想問下其實咁樣點解要一定買儲蓄保呢？
我自己有買。不過係諗唔明。。。。
本身買咗份住院加少少儲蓄成份保險，年供萬幾，半私家房。還有一份CEO PLAN， 10萬以上先賠，年供八千左右！請問咁樣買法抵唔抵？有冇其他保險可以一份過買，而有以上兩份嘅保障，價錢又平過兩份加埋呢？
所以你本身係買左儲蓄保嗎？
儲蓄保一般會劃分保證同非保證，非保證部分一般都係投資債券同股票嘅回報。為左可以達到較高增長回報，所以一般非保證部份會高啲，至於實際係咪做到預期中既回報就要睇番你買邊間及邊個計劃，部分公司可以做到9成或以上。
另外，都要睇番儲蓄保本質同要睇番你本身買會儲蓄保嘅目的。儲蓄保短期回報係低，主要係用時間黎做增長，通常係中長期甘睇，平均大約每年4-5%回報，如果係比小朋友大個左18歲或者將來用嘅教育基金，就可以唔洗太擔心短期回報。
至於mpf，儲蓄保同mpf 嘅投資配置同操作唔一樣，mpf 主要係由強積金公司主理，亦都睇供款人選擇邊類投資。而儲蓄保嘅主要由保險公司主理，確保投保人得到計劃所述嘅回報。
醫療保險要睇番年紀同病歷，保費當然要設在可負擔能力範圍，所以要了解番你個情況先可以評論到合唔合適。
買保險最重要睇番個人嘅需要同了解番保障範圍。冇話買得多或者貴一定好，最緊要係合適自己，例如有啲人係家庭經濟支柱，所以會加大人壽保障額。
就甘睇，你本身個CEO plan 應該屬於中高端醫療？如果係，一般嘅保障範圍都相對全面，包括住院、危疾、意外、人壽，用嚟保障大病所引致嘅醫療費用。佢設左個自付額每年10萬，但由於醫療費用實報實銷，索償時你可索償埋另一個基本嘅住院計劃，到時自付費用可以大大減低。
1個讚
睇返你個份係純儲蓄定係人壽儲蓄，兩者有少少分別，前者COI係0，而後者會有COI, Cost Of Insurance
呢類儲蓄保險主要都係靠長期投資回報，所以保證相對少，但長遠講，年回報平均都有4-5%，算係穩陣，但唔好諗轉可以短時間就增大幾倍，係無可能，回報同風險掛鉤
MPF係純投資，加上積金局有限制，難以同市面上基金比較，不過MPF始終65歲先用，一日未拎錢，都只係賬面數，到cashout先可以定賺蝕
組合上比較怪，用半私家搭CEO, 感覺上浪費保費，反而考慮用自願醫保搭全數賠償醫療實際好多， 另外塾底要十萬，除非大手術，否則都幾難用到，變相白俾保費
2個讚
有買啊。而家諗緊細果個買唔買多份。
不過有4%回報嗎？我最少果份都係有10年以上既。咁我都睇緊黎緊收成期有幾多%回報。好快就知。
我冇諗過短回報。我有份供俾大果個。原來睇返去到佢地廿幾歲時既保證回報都好似冇變咁。變既只有非保證。咁我先懷疑。係咪真係可以去到佢大果時計落真係有咁多回報。
你影一影proposal 嚟睇睇，一般嚟講，保證現金價值會隨著年期增加，到100歲時就相等於投保額
計保險單回報要用IRR, 但由於唔同咩年期會有唔同IRR，所以你要預計邊年會拎錢先
咁又冇100歲。。咁我本身諗住係俾佢讀書用。咁去到20年後。只希望非保證回報可以去到理想既金額。
不過我咁講啫。我好多年前買俾自己既另1份都見有派啲紅利既。不過金額我都無研究了。我覺得果份係人壽居多。所以回報唔值得參考。
謝謝。不過我其實唔係好識你講果啲字點解。係咪解紅利?
如果係十年前嘅單，多數係人壽成份居多，而非保證同滾存利率會因應市場變化而調整，所以一定會有出入，最好係留意返每年嘅annual statement先最update
係。十幾年前了。咁我留意下先。
係，通常第三年左右就會出報表，到時可以知道個表現。非保證有部分可以年年取出，如果冇提取可以滾存多啲。如果能力許可又喜歡穩健增長，分紅保單會比較適合你哋。
買咗bupa互通保, $10000一年for一家人, 大房, 抵唔抵呢? 每年賠償75萬
請問自願醫保同普通醫保有咩分別，揀嘅時候有咩要注意？
奶奶年過65歲，本身有份醫療，但好早期買，agent冇跟得足，只係買左普通計劃，冇額外醫療賠償，咁既情況係咪只可以買自願醫保？
註: 因長期病患，想買外份醫療保險，保險公司不受保