講真，bupa除咗平，無咩好，除非你只係想叫有份醫療同埋平
自願醫保係因為政府想減輕公立醫院壓力，利用扣稅，希望有能力市民投保醫療保險，有需要時就可轉用私家醫院服務
兩者各有好處，好難講邊個好
如果只想扣稅，唔駛諗，自願醫保，如果著重保障，有更多組合選擇
要視乎你奶奶係咩長期病，及歲數，70歲或以下仍然可以申請，自願醫保都需要核保，因為政府唔肯注資入高風險池，所以投保時一樣需要申報健康狀況，但留意保險負擔能力，65歲以上每年保費過萬
所以保險最好係身健康時就安排好及足夠，而唔係大多數人意法，有需要先買
家庭互通保障一般都有限制，因為係共同share保障額既關係，要留意番每人賠償上限，同埋係咪可以靈活調配，再假設如果家中可能同時需要索償，保障額又是否足夠。如果係擔心預算方面，你可以試下搵Agent幫你屋企每人獨立做個保障計劃，最緊要做番足夠同全面少少既保障。
應該係每年都有報表，就算第一年保單無任何價值都出，唔需要等三年
自願醫保由政府做規管，同傳統醫保最大分別除左稅務優惠外，最重要係受保已存在未知疾病及年滿8歲或以後出現或確診的先天性疾病，投保年齡仲可以去到80歲。如果本身有先天病傳統醫保一般都會列作不保範圍，所以要睇番過往病歷。
投保果陣最緊要留意保障範圍同保障額
自願醫保有分兩個計劃 - 「標準計劃」同「靈活計劃」。標準計劃會設左每年最高上限，保障範圍亦冇甘全面，如果預算有限，可以選擇呢個。但如果預算許可，最好揀靈活再附加每年額外補底既計劃，不設每年保障額上限，保障範圍廣少少，相對保障會較為全面。
而傳統醫保就要視乎邊個計劃，部分係按單次住院黎定賠償額，你可以按自己需要黎決定。不過無論傳統／自願醫保主要係理賠住院部分，如果係發生危疾／意外就不足以負擔醫療開支或生活費開支，所以單買醫保一定不足夠，記得要逐步做埋危疾／意外／人壽保障。
1個讚
我認為一試無妨，始終都係好多年前買既保障，保障額同範圍都未必足夠。雖然核保一定唔容易，但你可以試下自願醫保，睇下受唔受保，受保又需唔需要加保費 / 附加不保條款，投保時當然唔好cut現有果份保單，你到時可以有選擇。
另外想問，你試過投保同一間定其他保險公司都有試過？
Thanks，不過想指有回報表現部分，因為佢本身似乎係想睇回報幾多，所以大約第３年啦 
十多年前做過手術之後發現有微癌(小於0.05cm）
政府沒有治療不用食藥不用轉介專科跟進
只需每年門診覆診
手術之後幾年買了有一份危疾住院意外保險，
不保所有癌症，近年agent有幫手試吓申請review,可唔可以只exclude手術的器官，都reject 。
已供了接近十年，值唔值得取消？因為有另一agent叫我試吓其他公司…
- 千奇唔好取消，就算新一份單一樣有不保事項，重要重新計算等候期
- 由於有腫瘤而無任何治癒，病徵一輕存在，所以根本無得review
好多人疑為醫生話無事就等於健康，而會對保險公司決定有疑問，醫生所講健康其實係指無生命危險，但保險公司睇嘅係賠償風險，以你呢個case為例，醫學上你個粒腫瘤真係微不足道，但保險公司睇就係，客人已有病徵出現，將來賠償風險高，所以會不保。
Thanks.
但係咪所有身體其他部位cancer都唔保咁strict?
點解我成日聽人話好多年有cancer,但之後保險都可以保返，只唔保有事個個部位，其實係咪真係有?
因為癌細胞可以轉移，唔知將來係邊個置發生，所以會直接不保癌症，而第二點係真，但首要係接受治癒，同時過埋5年無癌症期
假如你當時有做過手術切除，過咗咁多年，有可能連不保事項都會無
多謝回答
我覺得依家自己份保險好雞肋，全部癌症唔包，所以想cut好耐
點都叫有份保障，所以，無咩必要我唔會叫客cut舊單，因為最終有咩事，損失係客人身上
同意Tom所講，千祈吾好取消，雖然不保癌症，但仲保障緊因其他疾病引致既手術費，你可以同步試下投保其他公司，睇睇核保後個條款係點樣再決定。都有客人試過本身投保吾到，但隔左一段時間，當身體狀況穩定就可以再投保到。不過個個case唔同，要睇番風險水平係點。
Thanks.多數agent都叫我試吓其他公司
1個讚
請教下, 想幫2歲小朋友買份保險, 幫佢買一份危疾會唔會太早?
純對唔會
- 小朋友身體狀況最理想，除咗先天性疾病，未有後天影響
- 獲取保障年期多，由2歲開始保終身
- 我見好多因為後天問題，想買都買唔到
- 記得留意父母有無足夠保障，呢點好多人都忽略咗