我冇試過頸痛，不過腰骨痛就經常，特別係練完管弦樂團後，可能坐太耐 
咁個個職員糸米亂來架？佢話睇小朋友手長……我個女高度正常……冇話好高大！我話使吾使帶佢來試、又話吾使……咁7歲一般糸米用 3/4 ? 按你咁講、初学個琴冇需咁講究？用反大陸也可？冇需 加多 500, 用日本牌子？
另、初学、7歲 、30分鐘一堂也夠？
我冇見過你小朋友所以唔咁講實係咪4/4唔啱佢，但多數七歲小朋友用1/4至1/2, 我有個七歲學生比較高大就用3/4, 我諗你可以帶小朋友去一趟TomLxx(通x)琴行度吓size先，度完唔一定要喺嗰度買。
至於七歲小朋友一堂學幾耐要視乎小朋友專注力同體力而定，我自己啲初小學生就多數45分鐘，有小部分上到每堂一個鐘
初學正學Setup嘅琴都可以，某啲平價嘅琴setup唔正常會好難拉或者按弦都到手指痛，小朋友拉得唔好冇成功感好易會放棄，五百樓下嘅琴要特別小心選擇，不過調轉講五百蚊樓上嘅都可能有問題，最好問自己小提琴老師有冇建議買咩琴，同埋同佢傾吓你嘅budget、對小朋友學琴嘅期望等等去再考量要買咩價位嘅琴
其實我糸打算糸 parkland 学、因為近屋企……而佢有D package 糸 2088元、包 8堂、160元一堂 30分鐘、包一個 interlaken 嘅琴 (大陸), 而 2588 就包一個 日本稗 Carlo 嘅琴、所以我無得先同老師傾……要咩琴好D……我自己對音樂又門外漢……
我個囡初學、糸米可以揀個平D先？
我附近仲有一家五州琴行、吾知邊家好D？其實你知吾知香港仔學音樂、邊家好D？
我唔太清楚嗰兩隻牌子，不過呢啲package你預咗隻琴本身來貨好平 
至於喺邊度學，我個人意見係喺學費比較平嘅大型連鎖琴行要遇到好老師都幾需要運氣，因為你未必可以選擇老師，只係琴行安排俾你，琴行老師要同琴行拆賬，所以一般比較難留好嘅老師，好嘅老師可以自己收私人學生或者自立門戶。
女兒想學小提琴, 請問你還教小提琴嗎? 如有, 可以如何聯絡? Thx
我仍然有教小提琴呀，但我應該下年中就移民了，而家收生的只能教到半年左右，可教短期考小提琴試加堂或樂理課程，長學就未必教到啦，但如果家長不介意都可以嘅 
女兒初學, 唔知會唔會有興趣長學:) 半年都可以諗, 初用babydiscuss, 找不到方法pm你， 留email 聯絡?
想問下初小小朋友上一個月左右，大概會學識拉幾多隻歌仔？Thanks
要睇小朋友用幾多時間練習同一星期學幾多堂，頭一個月會拉得比較少歌，可能係兩首左右，因為開頭要時間熟習基本姿勢同拉弓發音咁
一星期一堂，有練習。小朋友之前學過下琴，咁係咪會快dd?
以我觀察我有學鋼琴嘅學生，初學小提琴時其實冇明顯嘅優勢，因為拉小提琴嘅姿勢同協調同鋼琴完全唔同，初學小提琴係姿勢發音為主，認音方面彈鋼琴聽音準未必去到十分仔細的程度；但後期譜比較複雜少少，有彈鋼琴嘅學生會睇得快少少嘅，當然都視乎鋼琴學到咩程度。
原來係咁。。。小朋友而家都拉到成5、6隻歌仔，不過我就唔知姿勢音準各方面如何。。。所以我都係諗緊一般係咪都係咁。謝謝你