Hello!
歡迎發問!
不過我唔使教學生嘅時候要湊住個九個月嘅囝囝可能會覆得慢啲請見諒 
應該幾多歲開始學？
想問下小提琴姿勢側埋一邊咁，小朋友學同長時間練習會唔會有啲咩影響？會唔會頸痛之類？
因為學小提琴好注重姿勢同埋較難發音，所以除咗睇小朋友physical嘅條件，主要要睇小朋友定唔定，可唔可以集中精神同夠唔夠細心。我多數最細教K3, 但唔同嘅K3學生上堂嘅情況都有明顯差別，有啲會學得好好，有啲就好唔專心，變咗一開始學就拉唔到正常嘅聲就好快冇興趣。但大多數小一開始學嘅學生都學得幾好，我諗係因為attention比較好。
其實正常夾琴姿勢唔會側住條頸，而係轉個頭向左邊少少(多數係45度角)，所以姿勢正確頸應該唔會痛，至少以我嘅學生同我自己拉琴都冇complain過頸痛 
不過反而係腮位同鎖骨可能會因為個琴硬“銀”到唔舒服，出汗都會醃到痕。初學過咗頭一兩個月會習慣咗就多數都唔會有問題。 
請問有冇旺角附近教嘅黃老師介紹?
拉得耐左會唔會影響左邊聽覺？
你可以試下google旺角小提琴老師，睇下有冇fb page，睇下睇唔睇得出佢係咪黃嘅。我自己介紹就唔係幾好意思啦
1個讚
或者搵老師上門去你屋企都得
我自己拉咗廿幾年唔覺左耳聽覺有問題…但左耳耳屎好似比較多 
我小朋友8歲，學咗差唔多兩年，但揸弓仲時時會拉到紙版，改極都改唔到，可以點幫佢呢？
要睇下係全弓都喺指板上拉，定係剩係弓尖跣咗去指板。前者可以叫小朋友移後少少手臂，後者係因為拉弓唔直，咁就有好多原因，例如手臂唔夠長，揸弓姿勢問題，琴夾唔好等等。所有良好姿勢都係為咗拉得舒服同好聽，所以要鼓勵小朋友做好姿勢，就要佢發現改好姿勢拉有咩分別，例如問佢係咪舒服啲，或者好聽咗就讚下佢。要多欣賞同鼓勵，因為小提琴真係好難學，好易灰心同氣餒咖。 
應該係拉弓唔直，老師話佢揸弓冇力，拇指成日突出嚟等姿勢問題⋯⋯我已經成日提醒佢，佢冇心改，死未。重點係佢又話鐘意拉小提琴
小朋友學嘅小提琴size 細啲當換返大啲嘅小提琴時啲手指位其實係咪要再適應過？
點先知小朋友有無天份？
小朋友係左手仔 本身小手肌都一般
今年小一 學左兩個月就停左課
呀仔話同班兩個小朋友可拉到岩音
但我仔拉完先只聽到頭幾個音就聽唔出
本身佢耐性一般 佢拉唔到已經唔想再拉
我應該繼續定放棄… 
其實揸弓應該係唔使點用力咖, 雖然枝弓係有啲重, 但應該將弓同自己手臂ge重量集中喺弦上, 唔使用力揸實枝弓。揸弓ge手指公同手指尾係好難學, 我會幫揸弓揸得唔好ge學生喺弓度貼貼紙(其實係冇藥性ge雞眼貼XD), 提醒佢哋要用手指公同手指尾ge指尖
不過最緊要係佢自己話鐘意拉小提琴呀 
1個讚
係呀，但係會逐個size逐步換大啲嘅, 例如1/4之後換1/2, 之後3/4,最後full size; 拉弓時手臂要推出少少，左手按弦嘅手指要分開多少少。每次換size多數幾個星期至一兩個月左右會適應到。
小提琴係難學難精咖，所以好容易會有想放棄嘅念頭；我見我有啲比較高級或者學咗好耐學生，都唔一定係好有天份，甚至有啲係我覺得真係學得有啲吃力，但睇得出佢哋係真係鐘意同享受拉小提琴嘅。我覺得如果小朋友真係鐘意嘅，咁可以喺佢灰心想放棄時同佢回想返當初點解想學小提琴？或者有冇咩時刻覺得拉小提琴好開心？學習一樣興趣要堅持，有時候可能要學習一段時間先會發現好玩或者享受嘅地方。
我都覺得初學小提琴有時候都幾難頂咖，初初學拉好一粒音都好難，好易劏雞
，啲歌又太簡單會悶啲。但到二級開始掌握咗基本發音同姿勢，啲歌開始好聽啲，又可以夾吓二重奏甚至去樂團，我自己細個學琴時同埋而家啲學生都係咁諗 
我覺得初學真係要老師同媽媽鼓勵同堅持吓先得
阿女學左半年，當時怕佢3分鐘熱度所以買左個平平地既琴。個琴好易走音，走音阿女就唔想練。我唔識幫佢tune, 都係每一堂Miss 幫手, 想問問靚D 既琴係咪冇咁易走音？同埋一個音色好既琴對初學者係咪都好重要？ Thanks.
其實初初佢都一般想學
不過見老師揀左佢 所以都想比佢試下
因為佢耐性爭d 又無時停所以先想比佢試下
當然佢係唔多抗拒 係學左幾堂覺得自己handle唔到就想放棄
因為佢都幾好勝 所以遇到自己唔叻既野又好易放棄同炆憎
但我唔想佢咁易放棄都盡量鼓勵佢
咁左手仔 會唔會對學校既靈活度有影響呢？
唔該哂 
身邊無人學小提琴
所以又多野來問 多謝你呀 