我覺得初學買一個setup正常ge琴就可以啦, 一來怕小朋友學學吓唔學, 二來細size ge琴用一兩年就換, 唔化算, 同埋市場上靚ge細琴選擇唔多。如果對音色有少少要求我會幫學生換synthetic ge弦, 會比起鋼弦ge聲好聽啲。多數到換full size就要認真諗吓換個靚琴。
一個setup正常ge琴對初學ge小朋友好重要咖, setup正常ge琴喺正常使用ge情況下應該唔會咁易大走音, 拉起嚟又唔會有太大困難, 例如有啲setup唔好ge琴馬仔ge弧度高度位置唔好, 好容易拉到隔離弦或者好多雜音; 咁樣初學ge小朋友會拉得好辛苦, 好易失去興趣 
你小朋友ge小提琴成日走音係大走音定好輕微?如果係好輕微走音係正常ge, 我哋每次開琴或者練咗一兩個鐘都要再tune吓音;如果係成日大走音啲弦鬆咗咁就唔係好正常, 除非係撞到個琴搞到弦鬆咗, 唔係就應該要整一整啲peg, 簡單ge調整小提琴老師應該可以自己做到ge, 你可以問吓你小朋友ge老師睇吓係咩原因成日走音
唔使客氣 
我諗係因為本來比較少人係左優, 所以我教咗十幾年都只係遇過三個左優ge學生, 佢哋都係左手按弦好靈活, 好快就掌握到, 但右手運弓真係比一般學生學得比較慢, 要花多少少心機。唔知有冇小提琴家係左優ge呢? 等我google 吓先 
如果小朋友好勝咁應該鐘意玩遊戲? 我會同啲初學學生玩吓, 例如鬥拉得多乾淨冇雜音ge A空弦XD, 叫佢好似echo咁拉返我拉ge音(唔話比佢知我拉咩等佢自己聽或者睇手指, 視乎程度, 可能只係兩三粒音咁, e.g. ABB, ACD), 做到就讚佢咁犀利ge你XDDD
唔該哂，好詳細 
阿女小一開始學，現在小四，學緊grade 3，進度是否太慢？
我個人意見，如果有認真練習，小一開始學嘅應該可以學得快少少嘅 
女兒小一
在學校上1:4小提琴班
剛學了半個學期就遇上疫情停了
現在學校隔星期才有zoom 班
手勢音準老師怎會有辦法教得好呢？
我看她興趣是有的，但不及鋼琴持續每星期老師面對面教授進步快，怕浪費時間之餘又學壞手勢
剛剛今天又弄斷了弓 
該放棄嗎？
如果有興趣可以搵老師每星期上堂呀，如果平時小提琴班嘅老師教得幾好可以問佢會唔會私人教單對單，
Zoom教初學同年紀較細嘅小朋友的確係有啲困難。
想問下手機的tune琴apps可唔可靠？ 而家少出門， 上堂用zoom， 老師幫唔到tune琴問題
手機app嘅tuner都準咖，不過tune音用咩tuner唔係大問題，係要扭得準啲peg或者fine tuner 
謝謝
你好、小朋友小一、學校需要考試樂器、但疫情關係取消了、for long term, 我都要比小朋友學！之前學了2個月鋼琴、因疫情我暫停了！我發現學鋼琴、如果屋企冇琴、冇得日日練、是吾 work…
所所以我想轉學小提琴、我問左一家琴行 1988元 包8堂 每堂 30 mins, 小提琴是 interlaken , 維起798元、可 zoom 或实体、我想問zoom 糸米學到？之前完全未學过小提琴！個琴价$合理？会否好快要換琴？也是这价位？求指教！我对音樂O認識！我值吾值比小朋友以 zoom 学？实体我吾知等到幾時……
我覺得個價錢正常呀，小朋友嘅琴會隨住小朋友長大要換大啲，多數小朋友細size嘅琴都唔會買太貴，最平幾百左右，兩年左右要換一個大啲嘅size, 直到full size。至於上Zoom方面，上年疫情開始直到而家我都有學生keep住上Zoom堂, 但坦白講我自己認為冇面對面咁有效率，主要係network delay嘅問題，幫唔到學生打拍子，只可以教佢自己數，佢自己開拍子機對，唔可以一齊拉，執音準會慢啲，又冇得合奏；尤其初學嘅學生唔識校音，個琴走音會好難搞，可以請家長幫忙調校但因為唔熟手會用咗好多時間，另外初學學生有好多姿勢同發音問題隔住個mon係好難執到的，所以我上Zoom堂嘅學生起碼有二級程度以上。我個人意見係如果真係好初學嘅階段我唔太建議上Zoom堂，怕起頭學得唔好小朋友會冇成功感，唔大動力學落去。
好多謝你呀！我可吾可以再問下、其实我比小朋友學音樂、純粹為了應付學校的需要、鋼琴太大、屋企冇位放！
糸米學樂器、包括小提琴也需日日練才有用？有咩樂器系冇小提琴咁難？如果鋼片琴糸米會易D？但鋼片琴吾会好似小提琴、鋼琴咁学咁 long term 架？
小朋友即將6歲，可以開始學小提琴未？
想搵上門，一般收費大概係咩range?
學鋼片琴我唔太熟悉，鋼片琴屬於敲擊樂，以我所知長遠多數要學埋其他敲擊樂器e.g. 定音鼓之類，比較難喺屋企練，我唔知單獨學鋼片琴可以學幾耐
學樂器要有恆常嘅練習，即使每日只有十五至三十分鐘都已經好好，keyword係恆常，要將練習變成日常習慣咁。我相信學習每一樣興趣都應該要下一點苦功先享受到當中嘅樂趣 
感激你！答得好詳細！
可以呀，一般K3到小一開始學；
至於收費要睇老師資歷、地區(老師住得近唔近)、一堂幾長時間同學生級數，如果係音樂系畢業嘅話多數都三四百蚊一堂(學生學低級)
吾好意思、想再問、小孩7歲了、佢話用 4/4 小提琴！想問用日本琴好、定中國琴好！package 差 500元！佢7年才換琴、咁耐咩？应選中國？日本？
嘩，7歲用4/4琴，小朋友好高大？一般4/4係高小/初中先用到。
至於咩用邊個產地嘅琴多數會去到用高級啲嘅琴先會比較有喜好，例如買古董琴或者比較貴價嘅琴(五位數字以上)可以選擇歐洲琴，法國、德國同意大利居多。
落雨條頸痛唔痛呀