等我睇下，thank you.
嗯～
呢個係好多家長遇到嘅問題，即使我地年資深嘅老師都會有遇到唔願意練習嘅學生。
要解決問題，就要揾出問題所在，再對正下藥處理。
請問平時練習嘅練習情況係點？(請詳盡仔細講)
我會嘗試隔空透過文字幫你逐步揾出問題同嘗試作出解決建議。
P.s.我都係一位有20年經驗嘅主要教鋼琴嘅樂器導師
Hihi，
我係想了解多啲唔同人對音樂學習/教學上遇到嘅問題，從而等自己有更多思考。
冇彈咩書，用完simplypiano 就直接上網dl d 睇落唔算太難既譜練，例如天空之城，給愛麗絲，cannon in d
都可以分享下我遇到音樂上嘅問題，我係出黎做嘢先學琴，就咁彈tr 兩個音盡力彈都係快唔到彈得唔夠密，唔能夠放鬆啲手指咁彈琴，考試仲緊張到手震；
因為真心喜歡琴所以就算現在有小朋友真係無乜時間練琴都繼續學緊，但原來當無時間練反而迫到啲Sight reading 有少少進步 
2個讚
咁我明白了,
如果你想完全靠睇譜彈到呢d歌, 我諗你要再打好d基本功先, 要從更簡單嘅樂譜開始練起, 要加強訓練左雙手協調嘅能力先,
因為呢d歌對你黎講太難, 所以你先會覺得練極都練唔到,
其實你而家係跳左級, 由初級, 一下子跳到2級或以上
雖然個譜你睇落唔難, 分手亦可以彈得好順, 但就係差咁d野, 令你事倍功半
除非你行流行音樂路線,
咁你而家嘅睇譜能力應已足夠,
主要都係睇右手melody, 左手就配chord,
雖然chord都可以有好多玩法,
但基本嘅應該都夠你用
多謝你分享~
成人學琴最難就係學識放鬆,
彈琴時, 要不時注意下身體各部分有無崩緊? 膊頭有無縮起? 會唔會彈一陣就好攰? 手臂有無酸軟?
如果有, 就深呼吸幾下, 伸個大懶腰, 抖動下雙手先再繼續
加油!
1個讚
小朋友應該幾多歲開始學琴？同埋買咩琴比佢學？
我個人認為5-6歲開始最好,
唔記得睇邊度話做過統計, 參加國際鋼琴比賽嘅鋼琴家, 最多人係6-8歲開始學琴的
如果可以嘅, 最好就買鋼琴啦
thanks! 
如果小朋友仲細, 喺正式學琴之前, 都可以比佢接觸多d音樂, 或者參加下d唱遊班, 提升佢對音樂嘅興趣, 對佢未來學習樂器都會有幫助的
請問有冇書或者譜推介？定我去琴行買返1級既書就ok?
Michael Aaron Book 1&2, 輕鬆學鋼琴 Book 2&3,
另外, A Dozen A Day系列可以簡單練到技巧, 不過無老師指導可能會爭咁d, 有問題再上黎問啦
彈嘅時候盡量靠睇譜彈, 唔好背, 加油!
我想自學流行曲，點入手好？
你有無音樂基礎?
未夠三級
多咀一問。你在那區教?
你應該睇得明呢條片, 參考下,
如果想自彈自唱, 齋彈chord就得,
如果想鋼琴獨奏, 就右手彈melody, 左手彈chord,
咁就只需睇右手嘅音, 左手唔使逐個音睇, 只需睇返咩chord就可以,
加油!
邊區就唔好講喇,
我又唔係上黎揾學生,
大家有關鋼琴嘅問題請隨時發問丫~
