進度快慢都要視乎平日自己練習同上課情況，未必能夠用年期嚟衡量進度係快定慢。
例如有無系統練習，有無跟系統練習，有無集中處理彈唔到嘅地方，先揾出問題所在再逐一解決。
仲要睇下有無其他因素影響啊～
例如學習書籍係咪合適程度，過易/過難都有影響啊～
希望可以解答到你嘅疑慮。
P.s.我都係一位教左20年嘅主要教鋼琴嘅樂器導師。
都唔係好長遠丫, 諗定差唔多,
報考演奏級唔需要有8級樂理,
而且咁細個學完都未必明,
所以我會傾向考完7級琴之後,
考8級琴再考演奏級
一年升一級, 唔算快唔算慢,
無考試, 咁有無參加校際音樂節或者其他比賽?
其實而家級數都唔代表d咩,
大把人考左8級都係得4-5級咁上下實力,
最緊要係真正學到d咩
想佢享受彈琴, 都可以令佢享受練琴, 練琴都唔一定係痛苦的
有d app係玩遊戲學睇五線譜的, 你可以試下search 五線譜,
學琴係要浸的, 如果能夠每日都抽少少時間練琴, 慢慢就會見到成果
Thx
Hi,
謝謝你幫手解答大家問題呀,
你真係答得好好呀~
等我都可以學下野,
多多指教~
1個讚
可唔可以介紹下琴鍵重啲嘅琴，仔初學，我自學，彈緊Yamaha yus5 覺得琴鍵太輕好難控制（水平唔夠）。想仔大小小夠力換個重琴。
唔該晒
咁我試下先
乜都冇，但大女開始話想考琴
仔仔初學已經彈Yus5, 厲害!~
答返你個問題先, 多數歐洲琴嘅琴鍵都會重d, 例如: Schimmel, Sauter等等, 你得閒去琴行試下
如果屋企有地方, 可以考慮下買三角琴丫~
誤會了，個琴我彈咗數年，唔係買比仔學的。三角琴送比我都冇定擺，有機會彈下無妨。主要係以前彈下ballad 唔覺得key 較輕有問題，彈得耐開始彈swing 控制唔到輕重，一快就重，冇正式學水平有限。都先謝過回覆。
少少感想，我學了鋼琴都有段日子，覺得鋼琴是要執生嘅一樣樂器，考試琴都不是部部一樣，有啲琴腳制要踩深啲先work 有啲琴踩少少就已經好嘈，一首歌咁多個音彈錯時點照彈落去唔好停，要彈得好聽是着重彈琴者的skill多過個琴，我上堂時同一個琴同一首歌老師彈同我自己彈都已經好大分別；調音師父黎我家tune 琴tune 完都會用首歌黎試琴，我老公就會話原來我部琴啲聲都幾好聽。黎緊小朋友大啲希望佢有興趣去一齊學 
1個讚
請教一下如果成人自學可以點上手，想彈簡單古典歌自娛，用緊simplypiano 但覺得有d 單調，謝謝
係架, 琴鍵重會比較容易做大細聲, 反而琴鍵輕更考功夫~
你參考下呢條片, 由第3分鐘開始睇, 有提到點樣喺鋼琴度做大細聲, 可以點樣練法等等, 睇到11分鐘就ok
謝謝你分享呀, 講得好啱, 每部琴都唔同,
無論喺屋企練到幾熟,
到實際去考試/比賽/表演時都係要執生,
你老公都幾好丫, 會聽你彈琴, 又會讚你彈得好聽
你係咪由零開始用simplypiano學?
想請問用呢個app可以學得識睇五線譜嗎?
你嘅終極目標係想彈到d咩歌?
佢依家主動叫我畫個琴比佢彈
thx我揾下啲app先
哦~原來你屋企無琴, 所以就無練琴,
咁download住個鋼琴app比佢彈住先啦,
快d買琴, 難得佢想彈
我學之前都對五線譜有個概念，但要慢慢搵音
但我諗由0開始用呢個app 都可以學得識五線譜，但呢個app 對sight reading 真係一般，因為左手好多時只彈某d pattern, 或者某幾個chord
終極目標…彈到4,5級歌我應該會好開心
我諗我最大問題係左右手唔協調，我分開左右手彈可以彈得順，但好慢咁一齊彈就唔得，彈到我記晒份譜入腦都未順
你而家彈緊咩書呢?