第一胎
下月尾預產期
好多人話第一胎有排生，我想問究竟遇到邊個情況 ：我仲可以沖涼,洗頭,食埋野先入醫院？邊個情況係好緊急要即刻入醫院？
Eg 穿咗水我係咪仲可以沖涼呢？見紅係咪要即刻入醫院？
38週幾有日瞓醒見一大灘紅即刻入院
不過未有陣痛仲以為瞓醒走得
點知半夜開始好似M痛咁
到朝早醫生巡房check話得2、3度無咁快
轉頭我話真係好痛叫佢check多次
第二個熟手嘅check話起碼5、6度啦
之後即刻入產房，入到產房已經9度叫我忍住唔好用力生住等佢哋set好嘢先
開始前有問我可唔可以俾啲醫科學生入嚟
但嗰吓仲有理智所以話驚咁多人用唔到力
但之後其實痛到傻，根本唔知間房有幾多個人
之後老公入埋嚟，用力咗唔係好多次就生到
整體都順利，但唔想再經歷多次
加油啊
未生之前，成日聽人講痛幾耐幾耐。。。但其實我痛足14個鐘。。真係好快就過左。。。當然緊果時得好漫長，但一見到呀b。。真係咩都啊記得lu
哇 流咁多
真係唔係普通見紅… 我36w見紅個陣（其實得5蚊銀咁大）姑娘開頭都好緊張，見我又唔痛仲行走自如咁 
最後都係要響屋企繼續等… 仔呀仔，你想幾時出黎呀…
我聽過好多都係入到產房未set好野，反而叫個媽媽唔好用力住 
生得快都係好事黎既～
掉轉呀～穿水一定唔可以沖涼，因為bb既保護膜已經穿左，沖涼有機會令佢感染細菌，要即刻走人入醫院～
見紅就可以慢慢，沖個涼食完野先去醫院都得！
你5月尾仲有一段時間呀，執定走佬袋先喇 
1個讚
其實大家都講push，究竟push係一個咩概念 係咪好似屙屎咁用力就得～
唔該晒
而家34週都開始緊張 
放鬆d 37週先係足月呀，要預備好但係又唔港咁緊張
雖然我都好想快d卸貨
Bb會一吓吓咁撞出嚟，有啲似肚屙咁
你就順住個勢一口氣咁屙，係同屙屎無分別
中間有幾分鐘回氣，到有動靜就繼續用力屙
你keep住到氣愈長咁屙就好快出嚟
我老公話我谷到成塊面紅晒嚇親佢
見紅唔使急，沖好涼食埋嘢先
我初初唔識即入院其實都係等
穿水就好急喇即入，因BB無咗羊水保護
多數開始有規律陣痛就可以入院
1個讚
穿咗水就一定一定要盡快入院，因為果層係bb 保護膜，好易有菌
見紅就冇咁緊急，可以沖埋涼食埋嘢先入院，因為可能過多幾日先會生
1個讚
係呀,我都覺自已唔係普通見紅,但未試過都唔知真係咁大件事~不過當下護士檢查話bb心跳等等都好正常,問診各樣都無異樣,話唔知原因,但因為咁更加要催生左先,怕再遲可能有危險…都好彩有驚無險啦!我第二胎先淡定d,新手媽可能嚇親,所以都當經驗話比新手媽媽知,生仔真係有好多可能性…而我最後都人無明確講點解,話有唔同可能性,可能有機會係胎盤分離,但最重要係母子平安健康,我生完第二日火速出左院(雖然後來阿仔3個月唔退黃要不停進出醫院,又係無法解釋的原因…但都係平安健康,而家16個月了!
我第一胎係零晨穿水入院，但未開數度，要打催生，亦都可以打無痛，等左廿幾個鐘先生到。
第二胎係早產，陣痛先，初時以為係宮縮，但慢慢覺得縮得好有規律，入到醫院數度開得好快，打唔切無痛，亦聞唔切笑氣就生左。
我發覺唔打無痛生得順d。
產假前最後一日返工（星期五），差唔多中午見紅，嗱嗱臨食埋個飯，同事車我去醫院，九龍灣去QE七分鐘就到，之前仲諗定點由屯門出QE
去到醫院微痛，姑娘話有排，老公返屋企攞走佬袋先黎，陪我食咗夜晚飯同行咗幾次樓梯就返咗屋企
半夜十二點開始大痛，急call老公，之後上產房，冇打止痛針，聞聞下笑氣冇曬氣，姑娘話半夜冇人換氣樽，硬食
。好彩六點幾生咗
星期一老細晨早打嚟，叫我交返星期五嗰半日醫生紙，吹脹
係咪因為私家醫院先至可以俾你打無痛同埋催生？
唔打無痛順利，我覺得係因為你二胎比較快。應該就唔關打唔打無痛事
冇穿水冇見紅陣痛入院生架
我一入院已經入產房
其實每個bb真係好獨一無二，個個媽媽既經驗都唔同，真係無一本通書睇到老～唯有睇多少少大家既經驗自己叫做有個準備喇
你老闆咁惡架… 明白去左生仔呢d咁大件事都催你即刻交假紙 又唔係普通傷風感冒
我係政府醫院生，第一胎開得慢，所以打得切。第二胎開得太快，所以打唔切。
點解我覺得唔打無痛生得順利d，主要係因為冇痛既感覺，唔識得用力。我開到9度時姑娘拔針，但d藥力未晒，我完全feel唔到痛，亦冇急c既感覺，唔識出力，我只係聽姑娘既指示push，因為下面冇感覺，所以唔知自己夠唔夠力。我諗如果我早d拔針會好d。
但第二胎冇打，有感覺就識得出力。