我係陣痛入醫院架早上5.幾開始痛,7.左右去到醫院,就直接係產房等生
3.幾就生左嚕 
仲要係疫情下,無老公陪產>_<
2個讚
我35週穿水，入醫院催生。落藥到生出黎都搞左半日。
同埋記得去醫院前一定要食飽，沖好涼同痾好屎。
第一胎自已行入院催生,第二胎係35週突然不正常出血,入院緊急催生。
提提大家尤其新手媽媽,流血要分清見紅(少量且較慢)定不尋常出血(中至大量,流不停)入院時記得講得深入同清楚d,好似我咁自已都唔知自已真係咁緊急,立刻叫醫生來就即時要催生。如果唔係有護士見到我拎的住染血毛巾,都應該仲要做好多文件手續先有得檢查。。。。
我36週都見紅，即刻打去醫院，佢地都叫我即刻過去住一晚再被醫生檢查～好彩只係慢同埋量唔多… 你有染血毛巾咁應該流左好多喎
我聽其他催生都要一段時間，咁你都生得好快喎
希望我bb乖乖地快d出黎見我地喇
大家一齊加油
我算乜都試過
第一胎-見紅左2日，第3日陣痛入院已開3度，當年笑氣洩漏，所以無得聞，最後約6個鐘生左(由入院計起）
第二胎-零晨穿水但無痛，入到院都無痛，突然痛得快又生得快，所以乜止痛都無用，約3個鐘生左(由入院計起)
第三胎(今年)-入院催生因過期居留，人手穿水加吊第一次催生葯，可惜乜反應都無，所以有好多時間去試唔同緩和方法，例如瑜珈波、香薰療法、聽音樂，因全程masks所以無氣聞，再加催生葯下終於開始痛，約3個鐘生左(由痛開始計起)
我個人認為始終傳統呼吸法最有用，吸呼呼吸呼呼
你3胎都算好快喎生得 既然係咁 睇黎我都要好好練定呼吸先
半夜穿水，即刻入院，打催生，唔洗2個鐘開晒，push咗半個鐘，就生咗。
大年初一預產期，年30晚食完團年飯都無動靜。
點知。。。一到初一淩晨，見紅。。我就跟住d媽媽教話去洗頭沖涼先入院啦。。。點知洗濕個頭就穿水，係湧黎成地水果隻。。。
真係呢晒hea…都唔知吹頭好定點算好。。。
貼好晒產後m巾，吹好個頭，就飛車入院。
但條m巾根本頂唔住。。響走佬袋到拎左條大毛巾出後坐住。
結果痛左14個鐘先出後。。。早知道就慢慢啦！哈哈
細仔就過期居留2期，催生，大痛3個攪掂
我舊年12月尾生，預產期前兩日見紅，冇其他反應，入院後都預咗應該會比人退貨，但到凌晨就開始有宮縮感，問姑娘+駁機，佢又話我係假宮縮唔洗理喎（但我自己覺得個間隔都有十分鐘一次），咁啱當時醫院裝修我日夜都瞓唔到覺，醫生巡完房我就要求出院
出院之後繼續有假宮縮，隔咗一日越嚟越痛，仲1515緊去唔去多次醫院（因為好相信姑娘醫生話我係假宮縮），後來都係入咗…
檢查時多口講句覺得自己有滲尿情況，先有醫生幫我用鴨嘴檢查，一檢查就話見到頭髮，已經開咗兩度 
同埋我以為係滲尿但其實係穿水，只係未穿溫流果層，拿拿聲入產房，好幸運地有得打無痛，大概8個鐘之後就生咗
絕對同意，仲要生完之後幫你清胎盤果吓，我下面隔咗幾粒鐘都仲覺得有人用鴨嘴整緊自己
先見紅，入左院兩日先陣痛，第三日先穿水。
哇 一檢查就見到頭髮 好彩你有入到醫院渣，我以後穿水一定係流哂出黎好明顯，原來都會陰d陰D咁架…
咁真係好呢hea喎，d人話穿左水就唔好沖涼
咁你既情況真係唔知沖唔沖落去好～ 希望我生個一下唔好咁樣喇
40w0因為個b大隻左啲所以入院催生（姑娘39w2：反正都夠期，到時未生咪催生囉）
朝早入院check宮頸，未軟化所以塞藥，去到傍晚開始見紅穿水，跟住就開始痛。點知痛痛下個人好眼訓好攰，姑娘探熱先知發燒，跟手就搵醫生黎睇，話會提早催生，打左支針換埋衫，拎齊野就落左產房
落產房無耐就打左催生針，點知一打就開始勁痛，條腰好似比車碌過咁，想聞笑氣又透唔到大啖氣，痛到即刻話要打止痛，跟住又痛下訓下咁一直去到開8度，試生左一次話未得，要再開多啲，等到十度個陣一到陣痛就係咁用力屙佢出黎就生左喇，由打催生針到生大概6個幾鐘。最慶幸係唔洗剪，產後房啲姑娘話助產士手勢好，係到話要去check下邊個接生
回想返自己當初都係咁google啲人既生產過程，雖然好驚但好期待佢出世，好想知佢可唔可愛，健唔健康，生完之後先係開始，要加油呀 
39週，嗰日朝早覺得肚痛，瘋狂去廁所，之後越來越痛，痛到要攬住老公嗰隻，但以為係假陣痛就冇理，一直由6點痛到下午兩點發現唔對路，開始痛到企唔到瞓唔到坐唔到就俾老公逼咗去醫院待產。
點知舊年唔知係咪多人追豬仔，產房爆棚，個姑娘話我有排，就喺我食飯嗰陣叫我喺出面啲凳食讓張床比人，推我上產前由我痛，跟住就越來越規律啦好似痛到八點半個姑娘見我好辛苦幫我check，點知嗰陣已經開到8仲見紅
嗱嗱聲換衫推我落去冇耐穿埋水，之後痛多半個鐘就開始生，9個字後bb就出世luu
我第一胎乜都唔識，早上11點見紅就入院，下午4點先開始10分鐘一次陣痛，一路慢慢愈嚟愈密，去到零晨3-4點痛到好密叫姑娘睇吓我咩情況，佢都好hea隔咗陣先嚟睇我，check完話可以生啦又送番上產房駁機，打埋電話俾老公叫佢嚟
姑娘問我要唔要人手穿羊水，我話好啦真係痛咗好耐好想快啲完，一穿咗就痛得更加勁，bb係咁撞出嚟，姑娘又話唔好用力住呀未入手術室，搞咗陣先真正入去生，push咗4-5吓終於生咗，嗰陣朝早8點半…
呢一胎搞咗成廿個鐘，無得訓無得食又無水飲，最慘生完太渴係咁飲水逼爆膀胱但屙唔出尿，搞到要插尿喉…一插就要2日，比同期媽媽遲咗一日出院，最大壓力係拎走尿喉要一次過屙到膀胱尿少過某個數先俾出院，嗰陣插喉太耐唔記得尿急感覺，心諗可能要插多2日，壓力大過生仔，終於check咗2次膀胱勉強合格先俾我出院 
係呀,係屋企由發現流血到出門大概半小時,換左2塊m巾(普通長夜用個隻),都係滿晒血的,所以拎埋毛巾去搭的士,免得弄髒人地架車~去到醫院,護士見到就叫我用產婦個隻m巾,都係換左2次滿晒血的,總之一直無停過咁流~但好奇怪我無暈無痛個d feel,所以最初係有d擔心,但無乜驚,反而護士們後尾的緊張程度就嚇親我,令到我勁驚~
我都係夜晚臨瞓疑似穿水，半夜入院，第二晚陣痛，姑娘檢查時整到穿左水，到第三朝早就生左
陣痛真係好x痛，我自問都幾忍到痛，初時都重堅持唔用止痛藥，到真係黎料，係咁哀求姑娘幫我安排無痛分娩… 原來係要排隊，又要睇下麻醉師得唔得閒，又要睇我開左幾多度