兩胎都係見紅先, 第一胎入到醫院行行企企等咗五個鐘至開始痛, 痛咗唔夠兩個鐘就出咗世.
第二胎見紅後三個鐘開始痛, 半個鐘出咗世.
我38週6朝早嘅時候覺得有啲肚痛，黃昏6點入院檢查一度都未開，9點醫生黎到檢查先開左2度，之後落左催生藥同人手穿水，50分鐘左右就由3度開到9度入產房生，push左3-4次bb就出左黎。 
我係37週2，朝早見紅只係腰痛，中午到醫院已開到3度，我生果時醫院無笑氣，乜都無，護士叫我玩助產波，一直等到晚上11點生左
咩都無咁生好厲害呀 
而家我38週2都仲未有聲氣 
係呀，無笑氣，乜都無硬食！果日食又食唔落，廁所又去唔到，臨生前護士幫放vv,
放鬆心情好好享受而家…bb出世先係惡夢既開始
bb出世後你想休息下都唔得
我果陣半夜訓訓下穿水，即刻拎個袋就去醫院，因為聽話穿水唔可以沖涼，不過出門口之前至少痾左尿。
去到姑娘幫我探睇下開左幾多，之後佢了了下就流多左好多羊水同埋血（多到佢自己都搞唔掂，成床都係）。因為我有B鏈同埋入院果時有少少燒，所以要打抗生素。之後就綁肚度宮縮，但係其間己經超痛（點知原來之後仲有得痛啲）。聽醫生同姑娘講我好似縮得好密同開得好快，結果真係冇耐就送左落產房，冇笑氣冇無痛，乜L都冇，由入院到生出來都只係用左3個鐘
，中間自己亂到完全唔知發生咩事咁，生完之後覺得最痛係聯針囉 
我就係而家覺得好悶，日日響屋企邊度都唔敢去，驚會生得又驚武漢肺炎
所以日日響度問梗呀b想幾時出世
你已經唔係第一個話聯針好痛
聯針個陣又係咩止痛都無架？無麻醉？3個鐘第一胎算係好快，快到打無痛既話未有效你就已經生左出黎喇
咁快 第二胎？
我果時臨生同我揸的士朋友講定，咁岩佢果日早更，沖涼食野就去威記，但腰痛到食唔落，叫左個早餐都無食到
我同你好似，但就痛左十幾個鐘，因開得好慢，去到5、6度之後先加快，又係要種豆又係乜麻醉都無全清醒咁生，係最後聯針嗰下有麻醉，然後發現生嗰下嘅痛都不及聯針嘅痛
我係朝早肚痾，同左呀媽講佢話佢果陣臨生果日又係肚痾幾次，果日下晝開始陣痛，我仲食完tea番去沖涼執好野，食左小小晚飯先去醫院
入到醫院果間唔駛上病房，直接在產房等生，陣痛最痛果時狂聞笑氣是真的有用，我本身是忍到痛既人，覺得生仔會痛但又唔係會痛到死
37週預約催生。我係晌QE催生的，產險就公私兩邊都有去，私家醫生果時都話我個B大隻（但我啲test一切正常），然後QE醫生話我BB頭圍偏大，驚我生唔出，於是預約入院催生。
早上入院、12點落產房，12:30醫生落藥，14:00左右加藥，16:30開始小痛，18:00開始再痛啲，20:30左右開始大痛，夜晚11點幾生咗。
我晌QE生，聯針時有麻醉喎，同埋姑娘有叫我繼續聞笑氣，所以我覺得還可以。
新手媽媽
預產期前三日 見到褲有灘血水
本身以為係見紅 一直等穿水
等左兩日都冇料到 就自己入院
然後姑娘話係穿左水
醫院訓左晚就落催生藥
一落催生藥就要訓床
而加又冇得陪產 冇人陪
痛到係咁9叫
好彩都叫做24小時內生得出
唔係真係會痛死左
第一胎穿水
第二脂陣痛
穿左水兩日先入院？！唔會好危險咩？可能你係高位穿水呀，所以唔係拍戲嗰啲巴巴聲咁流出黎
我私家家 冇止痛針
聯針時醫生問我做咩唔聞住笑氣
我心諗 由陣痛開始計連續聞咗6個鐘 聞乜都冇效啦吓？！
準媽媽加油
啊，放鬆心情好緊要㗎。
我嗰陣係40w+6，
凌晨4點覺得個肚好似搞下搞下咁，
但又唔係急屎嗰種喎。
到6am，feel到條底底有d濕就去廁所睇下，
見到有d血絲，心諗生得。
跟住同拍醒老公講我見紅啦應該生得，
我去沖個涼先，你瞓多陣。
跟手8:30am到咗醫院老公辦手續，
我就跟姑娘去內檢。
點知姑娘伸返隻手出嚟就即刻穿水，
然後直接換衫入產房。
9:30am入產房，姑娘話有排未生得，
叫我老公去食埋早餐先返嚟陪我。
10:30am主診醫生嚟咗，話我宮頸好硬有排都未得，之後佢走咗。
10:45am左右我先開得2指，d姑娘就話點解我會咁痛。再幫我摸下開到幾多，就話我太緊張搞到宮頸好硬好難開指。跟住佢哋幫我打咗支類似肌肉鬆弛嘅針。
11:15am姑娘見我又痛到鬼殺咁嘈，又幫我睇下，點知已經開到6指，佢哋即刻打電話叫返醫生返嚟，仲叫我千祈唔好用力。嗰陣已經見到bb d頭髮突咗出嚟，姑娘仲叫我老公去床尾睇下。
11:45am醫生終於到咗，我終於可以用力生啦。
12pm，bb就出咗嚟見我哋啦。
我喺私家生，之前醫生話紅日會貴d，
所以嗰陣我會摸住個肚講，
仔啊，唔好紅日出嚟住，揀閒日啦。
點知最後佢都係揀咗紅日出嚟。
因為生過嘅親戚朋友同我講見我果種流出黎嘅血水係見紅完
冇咁快生得 有時甚至要等一星期 （因為當時完全冇陣痛）
到我決定入院 驗左兩次先發現原來真係穿水
其實個情況都幾危險…所以就落催生藥
所以專登分享出嚟
雖然疫情嚴重會唔想留係醫院等
又或者可能會俾人退貨
但係其實常人分唔到個危急性
有理無理都入左院先安全
不過好彩穿嘅水量唔多 只係滲下滲下
落藥前 宮頸未開 （落左藥 開左七八個鐘都係開得一度 最後醫生決定幫我人手穿水 等開得快d）
BB都安全出世