要開始諗升小，prefer佢讀直資/私立，但無咩頭緒應該點揀。不如大家分享下會點揀
不如大家又排下次序吖
我覺得係
師資>升中派位>課外活動>辨學團體
除左師資，升中派位，課外活動，辨學團體仲有咩漏呀
1個讚
讀得直私, 大部人都會選有一條龍嘅學校, 所以第2點係會睇DSE成績,
師資其實好難睇到, 多數家長都係睇名氣就算。
我覺得你可以先睇下小朋友性格係點, 再選相應嘅學校, 另外就係睇理念,
我會介意學校勁紅同奶共
4個讚
名氣大又唔一定啱喎，我聽過有d歷史悠久嘅學校比較舊式，我又唔想小朋友係嗰啲。又有d出名到同d唔知咩名人後代做同學，我驚我自卑呀
師資可以學校open day (如有)個陣同佢地傾計就知既
係咪要mon實學校website先知幾時open day,有無d resources 係一click睇晒嘅呢？
其實受歡迎既直私黎黎去去都係個十間八間，同埋每年多數固定月份開放既
教學理念/課程/公開試或升中往績，呢三樣我都覺重要，希望取到平衡。
有呀有間應該係面試班叫樂x尖子學堂，佢會post 各校嘅資訊。
我唔想幫人賣廣告啦
x = 拔x女書院 、拔x男書院個x字
咁佢又真係齊料同夠update
其實咁講吖，係一件睇餸食飯嘅事。你大概選20間先，剔除啲一定唔會讀嘅(例如宗教、地點太遠)，呢20間內我會包所有神校嘅，不到黃河心不息，點都考咗先。亦都要包啲普通啲易啲考嘅學校，作為後備。
到你報哂之後，你會發覺，係咪癡，三間都同一日都係星期一嘅，兩間同一日同時段都係星期二嘅? 撞到儍之際，你再諗一次邊間比較有可能考到同邊間唔去唔心息，有冇可能去完一間飛的去另一間? 但小朋友會唔會到第二間已經謝咗? 撞完應該已經就算報咗20間都得番12、13間。
然後你要明白唔係你覺得適合就會考到，分分鐘你以為佢考唔到佢又考到，又或咁易考實得啦點知又唔得。然後第二輪面試又再撞過。
戰鬥完一輪之後，好彩嘅都可能有三幾個offer，又或者一個offer亦即有人幫你揀埋，唔好彩嘅就冇就諗下派位叩門，實力爆棚就任你揀(少數人)。到時再算吧。
5個讚
除左地點，但其實大家會點篩選呢?
我暫時都整左個list, 報成18間。聽你咁講，最後夾到時間in的學校可能不多，都好，篩左一半，慳水慳力 
係㗎。有D一take過搞掂如位於西環嘅救x要報呀(如果唔係太遠)。一次過就知得唔得，慳水慳力。
1個讚
救恩個理念我鍾意，但中小，校舍細，學費相對又好似貴左啲（可能仲會加價加價，佢搞緊間中學，實羊毛出在羊身上），又無龍…有offer又要放棄抽獎，各方面都爭咁啲咁，不過我都會試（即使交通遠），如有幸有offer再講。
啱呀，有offer先再諗呢個方向啱呀。你D Research 都做得好足，知嘅比我多呢!
可唔可以分享下你點揀?
1: 地區遠近 2: 一條龍/升中派位 3: 教學語言 4: 課外活動 5: 校舍大少/設施多少
師資間間差不多
1個讚
私立可以繼續大抽獎
有些不容許大抽獎啊
無咩特別，正如樓上講，全包宴：
純粹試下先死心的神校或傳統名校（e.g. Db、spcc、spb）
自己鍾意的教學style(e.g.真道、救恩、播道、王錦輝、港同、英華、優才、蔡繼有）
Buy 語境的學校（e.g.聖馬加利男女、陳守仁）
競爭相對略低又或中左都可抽奬的學校（e.g.音小、聖類斯、禮賢、崇真、啟基）
以上只計交表，預左面試撞期，最終可能in得十間，交通、學費、喜愛程度等因素亦要再斟酌。
3個讚