小朋友準備升小一
經歷完社運時既面試
幸運地唔駛疫情時要面對2nd，3rd in
已有心儀學校offer
我幫小朋友揀學校，首先係睇地區先
～本身住元朗，所以港島既學校除spcc（因為面試出名好玩）其他都冇報到
～之後list晒所有直私出黎，睇下屋企出發返學幾點上校車（冇精神間學校幾好都冇用）
～睇下教學質素，大部分既評價，同教學模式（我重點睇功課量）
～剩低既就係睇學費自己家庭可唔可以負擔
最後係報咗20間，可以去面試既有16間
（當中去唔到既係因為社運問題後改期撞晒）
報咗咁多間有一半其實唔啱我小朋友性格，但都要考慮返冇offer後係咪會考慮讀津校，自己果區津校如何；而我地決定唔讀津校，所以點都要起碼有一，兩間直私offer先叫有得選擇
所以點揀都好，一定要報多令自己有得揀先
同埋最開頭果幾間會係當熱身
救恩不可以
直資
好多已經有不成文既做法，係唔會留位比大抽獎。教局會比個list 佢地睇
報多幾間，有 offer 先有得揀
無咩特別，正如樓上講，全包宴：
純粹試下先死心的神校或傳統名校（e.g. Db、spcc、spb）
自己鍾意的教學style(e.g.真道、救恩、播道、王錦輝、港同、英華、優才、蔡繼有）
Buy 語境的學校（e.g.聖馬加利男女、陳守仁）
競爭相對略低又或中左都可抽奬的學校（e.g.音小、聖類斯、禮賢、崇真、啟基）
以上只計交表，預左面試撞期，最終可能in得十間，交通、學費、喜愛程度等因素亦要再斟酌。
還有宣小、九小和SFA也可試試
呢幾間唔太似啱我小朋友的性格同能力, 費事sai 心機了 
依家唔係你揀學校，而係學校揀你，你揀嘅學校可以全部撞期搞到最後 in 得一兩間，亦可以 round 1 reject 完全冇得翻身，所以你係唔可以咁揀擇，因為全軍覆沒係年年都會發生。
建議做法係「排除法」，首先係排除無可能讀到嘅學校（男校/女校）
再諗邊啲學校畀到 offer ，就算得佢一間畀到 offer，你都寧願讀二線官津都肯定唔讀去（e.g. 學費太貴負擔唔起、遠到飛起連校車都冇/校車要 7 點前上車、間學校擺明谷升中多功課你非常肯定自己同小朋友都吃不消等等）
再而諗下自己谷唔谷得到筆試學校，亦即係 APS、SFA。非常肯定自己唔可能谷到學術考筆試，咁可以放棄呢兩間唔洗報，因為考呢兩間唔係「運」，係「實力」。
非 SPK 女仔嘅話，可以再排除 SPCS，因為街外人基本上零機會。
排除以上學校之後，咁就可以準備好申請表同申請費。SPCC、拔萃呢啲我非常建議去試玩下，玩到有 offer 就當然飛到過去，玩唔到咪當體驗下。
咁其實最後你排除剩低嘅都唔會太多學校。
報名之後預有三分一撞期，再三分一 round 1 止步，咁你就估計到自己大概會有幾多 offer。
你考到有 offer 畀你揀，先再諗升中、課外活動、辦學團體。師資你根本唔會睇到，一來老師會走，二來個老師年資、學歷，唔代表佢個人能力。就算畀你 open day 見到佢，個老師唔一定教你小朋友，佢亦可以好 talk 得但唔識教，亦可以你入讀唔夠一年佢就已經另覓學校。
Touch wood 到時候你得一間 offer，就算唔太 like 你都要硬食。所以係報左名，有 offer 先再諗。除非你好肯定有啲學校你係一定唔鍾意（e.g. 非常唔鍾意普教中、非常唔鍾意該辦學團體/宗教）
其實都要考左先，收先有得諗
雖然只係玩緊n班，但已經覺得其實大部份so called名校offer都係集中響同一班細路度，所以報得多call waiting 機會都多啲
呢幾年身邊都有人經歷升小、叩門，好多家長初初都話「唔洗報咁多間」，但殺到埋黎嗰刻，真係唔理咁多，報左先諗。
有啲小朋友，我真係覺得佢好適合某啲學校，但居然 round 1 reject，連 waiting 都冇，死因不明。有啲係家長同小朋友都唔太谷得，點知所有 offer 都係傳統谷成績嘅學校。有啲仲搞笑，諗住志在參與，勝算好低，點知居然天降 offer。
所以玩法一定係「排除法」。如果自己住港島但報聖母，聖母都冇校車過港島而自己又接送唔到，咁報黎都浪費精力。如果啟思每月 1 萬學校係好吃力的話，咁就算有 offer 都冇用。咁所以 73 間直私，基本上有 10 間左右係「正常人唔會讀」e.g 弘立，有 5-10 間係性別問題報唔到，5-10 間係學費太貴，5-10 間係負擔到但課程方針唔係咁主流/唔係你杯茶 e.g 鄉獅、Delia，10 間太遠唔會去。咁其實要報名嘅學校頂多都係 20 間左右（男仔就更少），咁 1/3 撞期，1/3 reject/waiting，咁其實最後攞到嘅 offer 都係 5-6 間。
而的確，以我認識嗰幾個唔同年份升小嘅，雖然冇報/去曬咁多間，但 offer 都係 2（報左 11 間）- 7 間（報 20 間），的確係大約 1/3 機率 offer。
我有朋友只報一間，原因是其餘的看不上眼，他亦很有決心，不成功便成仁，最多讀國際學校，最後當然求仁得仁。
寧缺勿濫，目標明確，也沒錯，最緊要無悔。