如果有能力一定係請工人湊，因為自己有say，想用咩方法就叫工人跟你套方法，如果阿媽或者99湊，一定到最後你會好激氣，想話又唔話得~~~
而且我老人家唔夠精力湊B，始終小朋友體力好好，又活躍，我見過有一次，個老人家揹住個BB，點知自己突然腳軟，仆咗落地，好彩BB無事，但個老人家一仆完就喺咁喊，一句聲都無出過，好內疚，咁何苦呢？
宜家個個屋企都細，唯有盡力執個位俾工人瞓~~~
育嬰院嗰d係好，但好似宜家呢個疫情你點算？
有得选擇當然係工人
老人家最鐘意開電視, 俾電話ipad個B睇, 成日因為咁而嘈
屋企人點都放心過工人，除非冇得選擇。
其實湊個小朋友真係要用好多體力, 最好當然係請工人, 奶奶得閒就幫手睇下啦
唔想屋企住多個人就搵EE湊, 如果奶奶想玩下孫既咪同EE溝通下, 早少少接BB返屋企
有能力就工人啦，奶奶好快會想自己湊返。佢地仲停留廿年前都係咁湊大你老公，衛生意識安全意識薄弱，咩都唔洗咁緊張，話你啲後生過份擔心。
遇著我奶奶係無手尾都幾係野，本身已經唔識湊b，又要爭住湊，又無安全意識，初生已經打直抱，又鍾意將啲衫呀毛巾呀掛曬係床擺曬係床。有時係愈幫愈忙！
呢啲你出聲又覺得你奄尖，唔出聲自己又接受唔到，豬隊友聽完你講就算，都唔知佢有無教育下奶奶。
我當年係阿媽湊咗幾個月等到嬰園有位就交嬰園照顧。我嗰間朝七晚八，最遲九點送返學，最早4:30可以接走
一定有延展位因為佢特別請咗兩位老師負責延展，有時師生比例唔夠，副校長會留夜啲幫手
我覺得嬰園好好呀，小朋友N班轉校適應好好，校長，班主任，隔離班嘅班主任，校工姨姨，職員都分別問過我邊間嬰園轉過黎，因為小朋友比其他小朋友明顯易適應
唔好處就係貴過請工人，都會有學校假期，有暑假。呢啲時候就自己請假，請婆婆短暫照顧囉
1個讚
工人
可以做埋家務
老人家黎玩孫算啦
工人
我地兩公婆最初堅持唔請工人，自己兩個捱咗幾個月，陪月、時鐘褓母、擺阿媽度乜都試過
奶奶有段時間上黎煮飯俾我地食，佢好好，我地無乜拗撬，只係習慣上有d唔同例如整濕廚房個地下
臨復工感恩遇上朋友介紹的姐姐，講到明鍾意BB。可能最初捱得太慘，而家我對姐姐只有感恩沒有投訴。
有後悔點解唔早d請，不過早d又未必遇到佢
工人湊好d，大不了小朋友細就多d搵長老上去Check下。
工人。除非奶奶年輕有力氣、非常易相處，都好聽你話/湊仔觀點同你一樣，否則一定會有爭執，尤其你一緊張/少少錯漏就可能控制唔到自己脾氣，奶奶受氣，你往後日子都唔會好過。
工人一定係聽你支笛，你鬧、話都可以直接講唔係兜圈。搵奶奶幫你 gup 住嗰工人唔過份偷懶蛇王就得。監工呢個角色，老人家係做得非常好，有啲仲好過裝閉路電視。但一定要生之前已經搵定工人做起碼一個月，make sure 佢識正確消毒 BB 野，衫分開洗之類。有啲工人真係唔知/家鄉冇呢個習慣，所以好簡單、正常嘅野都要教一次。
一定係工人，湊小朋友已經好多野要兼顧，無謂加多個99
一係工人加婆婆，咁就最放心
工人揍，奶奶幫眼𥄫住工人
真心覺得，最好同奶奶保持安全距離
4個讚