女女年尾出世
同老公一樣都係全職返工，暫時無咩可能FTM
奶奶唔算唔夾，當然因為年齡問題有時生活上啲嘢諗法會有啲唔同⋯⋯
未至於到會鬧交⋯⋯
2個讚
一定係工人
1個讚
當然係工人啦。做得唔好都可以調教同出聲講。比著係老人家，佢有自己一套，唔係咁易話為。
到時又會係個老公成為磨心。如果年紀大既奶奶湊初生會好吃力，又鐘意成日抱住，寵壞哂
4個讚
婆婆湊…
奶奶!? 你做定準備遲早嘈交好過
1個讚
工人湊啦，老人家湊好辛苦架。搵佢哋睇住就ok.
3個讚
主要工人湊，但叫奶奶跟眼
但小心，三邊都要見人講人話，見鬼講鬼話，起碼忍三年，先可以工人或者99單邊湊
3個讚
最理想係。。。請工人再叫自己阿媽睇住個工人。。。 我當然無咁好彩, 4大長老無1個幫到手, 請左工人, 然後返工時睇cam 見到工人對仔好差。。。當時仔得8個月唔識講野又唔識反抗。。。 肉赤内疚差啲想返即刻屋企殺死個工人。。。 親身經歷過真係好唔開心, 好彩唔覺仔有咩心理陰影。。。你試下問長老可唔可以幫手睇工人啦。。。 咁老人家又唔使咁辛苦, 又唔驚工人作反
2個讚
我同你個情況差不多…不過奶奶開到聲話想湊～
你奶奶有冇表態？
有能力當然請工人啦 99 湊仔果套未必同你理想
果套一致 到時好多argue
係，我都係奶奶訓練同磅住工人一年，睇埋工人人品，先夠膽比佢一個湊B.
1個讚
99湊冇可能唔嘈,
工人就撞手神, 請左2個都好有問題。
以前我係搵附近EE湊, 一來屋企唔駛多個人, 二來香港D文化接近D
多謝大家嘅意見
其實我都係想工人多，不過屋企細，有少少難搞
搵附近EE我都有諗過，不過有啲怕99反而唔鍾意，「做乜搵外人都唔搵我」咁⋯⋯ 
如果你接受到，育嬰院其實都係一個幾好既選擇
裡面既老師都係受過訓練既老師，我覺得可靠過姐姐、姨姨同埋長老
不過要排(我嗰時知道有咗就去排喇)，而且最多只係可以朝8晚8(冇延位既只可以朝8晚6)
同埋要預埋未排到嗰段時間邊個湊 (通常每年9月，有班小朋友畢業去N班，就會有位入)
我嗰時冇入，因為時間唔啱，但有幾個朋友聽我講有俾BB去育嬰院，都係覺得好好~
1個讚
最理想係工人湊，婆婆耐唔耐跟跟
你先係媽媽，你鐘唔鐘意先緊要
99 開聲好鐘意bb, 想湊，三十年前係喺產房接生&照顧 bb 嘅姑娘。
老公已經極反對 99 同 bb 有任何接觸。我最初都冇乜嘢，但最近好明顯地發現 99 俾嘅意見好唔 update, 又成日 9up，所以我一定會盡自己所能自己湊（大家對我做FTM冇意見）。bb 6 月出世，我哋準備要後日搬返 99 度（業主加租10%），我已經預感未生已經會嘈交。依家平時99講嘢唔聽，我都仲忍得住，用溫和啲嘅方法反映，到我日夜唔夠瞓時，佢再騷擾我，我難保會唔講粗口屌爆佢。
工人早d 請，睇下佢為人。但幾信得過都好，都一定要裝 cam mon 住。
我打算請個工人擺係我媽度。當5千蚊請個工人俾亞媽用，自己度有位但無多個廁所唔想多個人share用！你俾奶奶湊實要加家用，俾開之後唔駛佢湊唔通扣返咩？反正都係要用錢解決問題，所以都係用得最順心
1個讚
如果有得揀，次序係自己阿媽＞工人＞奶奶。
1個讚
有能力當然請個工人湊！