延展位要排，唔一定俾到6-8你㗎
佢冇位比我我唔知實情，不過填表時佢叫我要延展就填埋果欄
你本身同99已經唔係好夾 我建議工人 當然有媽就係最好啦
我就係咁同我老公嘈過好多次 就離婚咁滯 仲有D 產後depression
自己經驗
我都建議工人
本身同奶奶唔夾 湊B可能更易出火花
返工可以set cam睇住阿B 同工人有冇野
買個安心
奶奶好似信得過D但必定係煩惱嘅根源, 如果工人靠得住就工人湊啦
工人，就算我工人垃圾都一個點，起碼可以兩公婆一齊鬧
奶奶做錯咩都好，你點應對老公都會難做，湊小朋友已經好傷夫妻關係，唔好再involve奶奶入嚟
長遠工人好d。。 
當然視乎你遇到個點樣ge工人。。。
同意 
一定比工人，然後叫奶奶得閒睇下個工人
工人做得唔岩心水可以教佢話佢，奶奶覺得湊得唔好佢又可以話個工人，多個磨心關係無咁緊張
最緊要工人係會按你指示做，但你奶奶唔會。
我都有咁考慮呀⋯⋯
因為屋企細，多個人真係有啲迫。
但BB細細個就喺阿嫲度住到大，佢大個左會唔會覺得我掉低佢架？
我仔細時係返育嬰園，如果唔舒服返唔到就婆婆照顧，如果奶奶湊我諗好易有意見
睇下你信唔信得過老人家(不論係奶奶定係婆婆)
真係講 feel 架咋
如果唔係，請工人的確冇咁傷感情，
但始終講緊唔單止係湊B，
而係要照顧埋媽咪坐月康復(正所謂坐月坐得好，一世冇煩惱)，
呢樣野就唔係工人可以幫到手，
所以，學樓上話齋，兩樣都做就最好
-------------如果齋睇建議既就可以唔洗聽我下面既廢up-------------
我係一個90後爸爸，9個月以來既經驗係…
撞岩奶奶(我阿媽)係資深陪月，所以照料上係冇得輸。
不過，
-
頭一個月其實好Q忙，阿B每4個鐘起身飲奶，半夜會醒，又要睇住太太坐月，
老人家體力消耗係好大!!頂得順至好講，唔好湊湊吓涯壞左要湊多個。
(如果你唔想老人家湊可以用呢樣野嚇吓佢地，湊一個月命短幾年命) -
奶奶湊得攰，太太又未復元，兩個女人既精神狀況差到爆既情況，
係必然會出事!!!係!必!然!LAI!野!
只係撞岩我媽同太太既性格都係唔中意嘈，表面上冇明刀明槍，
但私底下兩條友成日搵我投訴對方，都咪話唔大壓力。
奶奶會無啦啦講一兩個字辣著太太，太太又會冷戰奶奶… -
阿B 7個月我地先請工人，太太教佢做野教到燥底 XD
仲要跟住就話好彩坐月果陣唔係請工人…XDDDDDDD
所以，請工人都未必好過搵奶奶湊，
工人好多野一開始唔識果陣就唔會自動波做，
丈夫返左工，太太自己係屋企都攰到爆，
仲要哂時間哂心力教個工人篤住個工人，
太太係會斷氣~~
奶奶起碼有D野都會自動波做吓(假設大家既關係分都合格啦)。
2個讚
工人，加99 每日踩場，兩個都冇話冇咗邊個唔得，bargaining power 重要㗎
請工人啦，千祈唔好靠男家，太傷夫妻感情～
我可以肯定，比99湊你將來一定後悔！
各有好壞。
請工人，好處:
如果請到個有良心、盡責嘅話，較大機會佢係用啲現代啲嘅方法同標準去湊BB
壞處:
$
唔一定請到個好嘅；萬一請咗個無乜良心嘅，隨時暗中對BB好衰
長輩幫手
好處:
花費少啲； &
始終有骨肉情，唔會特登對BB差
壞處/需考量:
長輩身體狀況能否應付；
可能係用返自己以前湊BB嘅方法，但未必合事宜 或者 夠衞生； 例如:
~未必有意識抱BB前要洗咗手先；
~自己萬一有少少唔舒服，未必有意識避免接觸BB 或者 最起碼要戴住口罩先近個BB。
~到BB開始食固體食物，可能係用舊果套方法: 咬碎啲食物、吐出嚟再餵BB
1個讚
個人認為 最好嘅package係
生之前一個月 工人已來到上班， 喺你最好狀態先教工人 墊定底， 喺生左之後才來 就麻煩啲，你個人要適應多樣嘢
再請個陪月 陪月又可教工人，又可教 婆婆奶奶
當然要視乎工人好唔好， 一定要裝cam
我屋企都好細 但都有個 超細房畀工人 ，我出面個廳好窄，仔訓廳， 初時都好唔慣，牆薄，但而家都ok
奶奶點樣好都好，都唔及婆婆
育嬰園唔係冇考慮過， 一來位少要排， 二來放工時間 後，要即刻過去湊返返屋企， 然後你發覺大把家務未做…
三來，打風落雨未必開，三號風球怕關掉， 但你又要返工行唔開接佢。
當然社區個保姆就彈性一些， 但就要考慮 家務全部自己做番
利申： 我就行咗呢個最好嘅package， 撞啱工人姐姐很好，雙職
2個讚
我bb依家半歲，當初都係諗呢個問題，最後請咗工人，因為奶奶果套真係Outdated得好緊要
但樓上都有人講，請到個好工人就好囉，可惜我果個真係好一半，可以講係唔得，我依家日日夜夜都好想炒佢，我fd個女排到育嬰園，家務要自己做係攰，但真係完住唔洗擔心bb會被照顧得唔好我覺得乜都抵返晒
依家快d開始排育嬰園啦
我覺得育嬰園>工人+奶奶睇實
1個讚
我從冇考慮長老，因為佢地同我地要求唔同，工人唔啱可換，99,婆婆冇得換。
調節自己，工人主力湊仔，其他隻 眼閉，唔好女皇上身，日子會易過好多
初生我就唔放心工人一個湊，但叫奶奶湊就好睇你接唔接受到奶奶果套。
不過就算好似我咁，冇要求過老爺奶奶跟我果套，始終都係反面收場，仲要比老爺鬧返我唔自己湊要搞著佢哋，真係咩人都有。
工人定奶奶湊好，真係好難講
1個讚